Kanta 101 - Hanunuu

Kanta 101 Ti Taratu Hari

Ti isinurat ni Dabid pag kanta.

¹ Panginuun, manganta aku tungkul sa kanmu pagmahal ag katadlungan. Manganta aku manga pagdayaw sa kanmu.

² Mangabuhi aku unman may ikasabi. Kapira kawu pag pumakarani sa kangku? Mangabuhi aku unman may ikasabi sa kang pag ulian,

³ ag balaw niku pahintulutan ti kadautan. Kalaban gid niku ti manga pagbuwatun manga tawu magpakarayu sa Diyus; balaw gid niku tunda huwadun.

⁴ Magpakarayu aku sa manga tawu liku kay pag-isipun; balaw aku paamut sa kanda kadautan.

⁵ Rurisun niku una si unu ti magpuya sa kay kaparihu. Balaw niku pasnuan ti manga buwat manga padayaw-dayaw hanggan palabi-labihun.

⁶ Dapat pakakitan niku pagmahal kang manga kasimanwa matinupadun sa Diyus magkabuhi balaw may ikasabi. Makaibahan niku sida dahil pasnuan niku sida sumirbi sa kangku.

⁷ Ti manga tawu madaya ag pudilun balaw tumahan sa kang balay.

⁸ Kada sirang rurisun niku ti manga daut pag tawu. Paighitun niku sida sa banwa Panginuun.