Isra 2 - Hanunuu

Ti Listahan manga Nagbalik ginan sa Pagkabihag

¹ Inda ti manga Israilita sa purubinsiya Huda ti binihag kaybi ni Hari Nabukudunusur ag dinara sa Babilunya. Taynguna, nag-ighit sida sa tunda pag rugar ag nagbalik yi sa Hirusalim hanggan sa kanda sadili manga banwa sa Huda.

² Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

^3-20 Manga linahi ni Parus 2,172 Sipatyas 372 Ara 775 Pahat Muab (ginan sa manga magtal-anakan ni Hisuwa ag ni Huab) 2,812 Ilam 1,254 Satu 945 Sakay 760 Bani 642 Bibay 623 Asgad 1,222 Adunikam 666 Bigbay 2,056 Adin 454 Atir (iningarnan diman Isikyas) 98 Bisay 323 Hura 112 Hasum 223 Gibar 95

^21-35 Inda waydi ti bilang manga tawu nakabalik ginan sa pagkabihag, ti kanda manga ginurang nangulian sa inda pag manga banwa: Bitlihim 123 Nitupa 56 Anatut 128 Asmabit 42 Kiryat Harim, Kipira, ag Biirut 743 Rama ag Giba 621 Mikmas 122 Bitil ag Hay 223 Nibu 52 Magbis 156 ti usa waya ka Ilam 1,254 Harim 320 Lud, Hadid, ag Unu 725 Hiriku 345 Sinaa 3,630

^36-39 Inda ti linahi manga manughandug Balay Diyus nagbalik ginan sa pagkabihag: Manga linahi ni Hidaya (ginan sa magtal-anakan ni Hisuwa) 973 Imir 1,052 Pasur 1,247 Harim 1,017

^40-42 Inda ti manga linahi manga Libita nagbalik diman ginan sa pagkabihag: Manga linahi nida ni Hisuwa ni Kadmiyil (ginan sa magtal-anakan ni Hudabyas) 74 Manga manugkanta sa Balay Diyus ginan sa linahi ni Asap 128 Manga guwardiya sa manga sabian Balay Diyus ginan sa linahi nida ni Salum, ni Atir, ni Talmun, ni Akub, ni Hatita, ag ni Subay 139

^43-54 Inda ti manga linahi manga suruguun sa Balay Diyus ti binmalik diman ginan sa pagkabihag: Manga linahi nida ni Siha, ni Hasupa, ni Tabaut, ni Kirus, ni Siyaha, ni Padun, ni Libana, ni Hagaba, ni Akub, ni Hagab, ni Salmay, ni Hanan, ni Gidil, ni Gahar, ni Riayas, ni Risin, ni Nikuda, ni Gasam, ni Usa, ni Pasiya, ni Bisay, ni Asna, ni Miyunim, ni Nipusim, ni Bakbuk, ni Hakupa, ni Harhur, ni Baslut, ni Mihida, ni Harsa, ni Barkus, ni Sisara, ni Tima, ni Nisyas, ag ni Hatipa.

^55-57 Nagbalik diman ginan sa pagkabihag ti manga linahi manga suruguun ni Sulumun: Ti manga linahi ni Sutay, ni Hasupirit, ni Piruda, ni Haala, ni Darkun, ni Gidil, ni Sipatyas, ni Hatil, ni Pukirit Hasibaim, ag ni Ami.

⁵⁸ Ti kabuuhan bilang manga linahi manga suruguun sa Balay Diyus ag manga linahi manga suruguun ni Sulumun 392.

^59-60 May 652 diman ti nagbalik sa Huda ginan sa manga banwa Til Mila, Til Harsa, Kirub, Adun, ag Imir. Inda sida ti manga linahi ni Dilaya, ni Tubyas, ag ni Nikuda, dapat balaw nida magkapatutuuhanan manga Israilita sida.

^61-62 Balaw diman magkapatutuuhanan manga linahi ni Habaya, ni Hakus, ag ni Barsilay kuntay manga manughandug Balay Diyus sida. (Pagka nakaasawa si Barsilay, dinara niya ti ngaran niya manugang si Barsilay taga Gilyad.) Dahil balaw nida mag-akitan ti listahan nida manga ginurang, balaw sida tinanggap manga manughandug.

⁶³ Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

^64-67 Ti kabuuhan nagbalik ginan sa pagkabihag 42,360, balaw waya kabilang kanda manga suruguun 7,337, hanggan manugkanta manga 200 ka lalaki ag babayi. May dara sida 736 ka kabayu, 245 ka mula, 435 ka kamilyu, ag 6,720 ka asnu.

⁶⁸ Pagka nagras-ug yi sida sa Balay Diyus Panginuun sa Hirusalim, ti iba manga takinan magtal-anakan nag-ayaw buluntad pag pakaun sa pagpatindug uman sa Balay Diyus sa kay daan nagbungsudan tunda.

⁶⁹ Nagpakaun sida angay sa kanda makaya para sa tunda pag buruwatun. Ag ti kabuuhan nida natipun manga 500 kilu gintu, manga 3,000 kilu pilak, ag 100 bilug rutay para sa manga manughandug.

⁷⁰ Ti kada usa sa kanda nagbalik sa banwa nida, hanggan ti manga manughandug, ti manga Libita, ti manga manugkanta, ti manga guwardiya sa manga sabian Balay Diyus ag ti manga suruguun sa Balay Diyus.