Isikil 15 - Hanunuu

Ti Hirusalim Parihu sa Sanga Ubas Unman may Pulus

¹ Magkun ti Panginuun sa kangku,

² “Anak tawu, mas mayad aw lugud ti sanga ubas kaysa sanga iba pag manga kayu?

³ Mahimu aw lugud mabwat kay sanga una unu? Mahimu aw lugud inda sarab-itan?

⁴ Unman! Mahimu lang inda pamagba; dapat una waya katida madali lang inda maayum. Ag udyi may pulus.

⁵ Nakan unman inda may pulus una unman waya nasunug ag lalu yi nu nasunug yi!

⁶ “Kainda, aku, ti Panginuun Diyus, magkun ti manga mag-uli sa Hirusalim parihu sa wakat ubas magtubu kaibahan sa manga kayu sa kabantudan. Dahil unman sida may pulus, sunugun niku sida.

⁷ Hu, parusahan gid niku sida, ag una makapalagiw sida sa usa ka apuy, sunugun di maan sida tuhay pag apuy. Bag-u maalaman nida aku ti Panginuun.

⁸ Buwatun niku mapanglaw pag rugar kanda nasyun dahil nagpudil sida sa kangku. Aku, ti Panginuun Diyus, ti magbagaw inda.”