Huswi 12 - Hanunuu

Ti manga Hari Natalu sa Butlakan Hurdan

^1-2 Sinakup yi manga Israilita ti manga daga sa butlakan Hurdan, ginan sa Luung Arnun tugka sa Bantud Hirmun, kaibahan yi siyun ti daga sa butlakan Karatagan Hurdan. Inda ti manga hari sa tunda pag manga rugar ti tinalu manga Israilita: Si Sihun usa ka Amuriyu mag-uli sa Hisbun. Sakup niya kaharian ti katunga Gilyad. Ginan sa Aruwir sa arani Luung Arnun, ag siyun ginan sa karaw-an tugka sa Luung Habuk, ti katugkaan manga Amuriyu.

³ Sakup diman niya ti butlakan Karatagan Hurdan, ginan sa Danaw Galiliya tugka sa Bit Hisimut, sa butlakan Dagat Namatay, ag tugka waya gid sa salatan sa lawud Bantud Pisga.

⁴ Kay pangadwa si Ug, ti hari sa Basan. Usa siya sa manga nasawad sa Ripaimiyu. Mag-uli siya sa Astarut ag sa Idri.

⁵ Sakup niya kaharian ti Bantud Hirmun, ti Silika, hanggan ti buu Basan tugka sa katugkaan Gisur ag Maaka, hanggan ti katunga Gilyad, tugka sa katugkaan Hisbun kay hari si Sihun.

⁶ Si Muysis ti manugsirbi Panginuun hanggan ti manga Israilita nagtalu sa tunda pag duwa ka hari. Ipinakaun ni Muysis kanda daga sa lahi ni Rubin, ni Gad, ag sa katunga lahi ni Manasis bilang kanda maranahun.

Ti manga Hari Natalu sa Isalpan Hurdan

^7-8 Nasakup diman ni Huswi hanggan manga Israilita ti manga daga sa isalpan Hurdan, ginan sa Baal Gad sa Ratag Libanun tugka sa Bantud Halak patukad sa Siir. Ipinakaun ni Huswi inda pag manga daga sa manga Israilita bilang kanda maranahun. Hinuray niya inda angay sa kanda lahi. Inda pag manga daga ti manga kabantudan, ti manga tagudtud sa isalpan, ti Karatagan Hurdan, ti arani sa manga karaw-an bantud, ti pangawakawaan sa salatan, ag ti Nigib. Pag-ulian kaybi inda manga Hitiyu, Amuriyu, Kananiyu, Pirisiyu, Hibiyu, hanggan manga Hibusiyu. Inda ti manga hari kaybi manga rugar tinalu ni Huswi hanggan manga Israilita:

⁹ ti hari Hiriku, ti hari Hay (arani sa Bitil),

¹⁰ ti hari Hirusalim, ti hari Hibrun,

¹¹ ti hari Harmut, ti hari Lakis,

¹² ti hari Iglun, ti hari Gisir,

¹³ ti hari Dibir, ti hari Gidir,

¹⁴ ti hari Hurma, ti hari Arad,

¹⁵ ti hari Libna, ti hari Adulam,

¹⁶ ti hari Makida, ti hari Bitil,

¹⁷ ti hari Tapwa, ti hari Hipir,

¹⁸ ti hari Apik, ti hari Lasarun,

¹⁹ ti hari Madun, ti hari Hasur,

²⁰ ti hari Simrun Mirun, ti hari Aksap,

²¹ ti hari Taanak, ti hari Migidu,

²² ti hari Kadis, ti hari Hukniyam (sa Karmilu),

²³ ti hari Dur (sa Naput Dur), ti hari Guyim (sa Gilgal),

²⁴ ti hari Tirsa. 31 tanan ka hari.