Hub 25 - Hanunuu

Nagbagaw si Bildad

¹ Bag-u nagsagut si Bildad taga Suwa,

² “Makamaskihan ag garalangun ti Diyus. Pag-ipatupad niya ti kahusayan sa kalangitan.

³ Mabilang aw lugud kay manga sundalu? May rugar aw lugud unman narayawan niya rayaw?

⁴ Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

⁵ Nu ti bulan ag ti manga pamgasan unman marayaw sa kay pamantay,

⁶ lalu yi ti tawu parihu lang sa usa ka sapat.”