Hirimyas 45 - Hanunuu

Ti Itinultul para sa kan Baruk

¹ Katpung ikap-at pag timpu kay maghari ni Hihuyakim kay anak ni Hari Husyas sa Huda, isinurat ni Baruk ti manga sinabi ni Purupita Hirimyas sa kanya.

² Magkun si Hirimyas, “Baruk, inda ti sinabi sa kanmu Panginuun, ti Diyus Israil:

³ ‘Magkun kawu kaawaawa kawu, dahil dinugangan Panginuun kanmu kakurian. Budlay yi kawu sa pagdangup ag unman kawu may paraharyan.’

⁴ “Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

⁵ Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”