Gimpuunan 10 - Hanunuu

Kay manga Linahi manga Anak ni Nuwi

¹ Inda ti tultulanun tungkul sa manga linahi manga anak ni Nuwi sida ni Sim, ni Kam ag ni Hapit. Siyun ginan sa nagkagunaw nagkaimaw sida manga anak.

² Kay manga anak lalaki ni Hapit sida ni Gumir, ni Magug, ni Maday, ni Haban, ni Tubal, ni Misik ag ni Tiras.

³ Si Gumir may imaw diman manga anak lalaki sida ni Askinas, ni Ripat ag ni Tugarma.

⁴ Kan Haban pag manga anak lalaki sida ni Ilisa, ni Tarsis, ni Kitim ag ni Dudanim.

⁵ Tunda ngani sida kay manga linahi ni Hapit. Sida ti gimpuunan manga tawu mag-uli sa manga baybay hanggan manga puru sa dagat. Ti kada magtal-anakan nida mag-uli sa sadili nida rugar sakup nida nasyun, ag may sadili sida pamagaw.

⁶ Kay manga anak lalaki ni Kam sida ni Kus, ni Misraim, ni Put ag ni Kanaan.

⁷ Si Kus may manga anak diman lalaki sida ni Siba, ni Habila, ni Sabta, ni Raama ag ni Sabtika. Kay manga anak lalaki ni Raama sida ni Shiba ni Didan.

⁸ May usa waya ka anak si Kus kay ngaran si Nimrud. Si Nimrud binmaliw makapangyarihan pag tawu sa kalibutan.

⁹ Mahusay gid siya pag manug-idu sa atubangan Panginuun, nakan may kabagawan magkun, “Parihu kawu sa kan Nimrud mahusay gid pag manug-idu sa atubangan Panginuun.”

¹⁰ Ti un-an pinamahalaan ni Nimrud pag kaharian ti rugar Babilunya, ti Irik, ti Akad hanggan ti Kalni. Inda tanan sakup daga Sinar.

¹¹ Ginan sa ati pag manga rugar, nag-ati siya sa Asirya bag-u ipinatindug niya ti Ninibi, ti Rihubut Ir, ti Kala

¹² hanggan ti Risin ati sa tab-anan Ninibi ag Kala usa ka bantug pag banwa.

¹³ Si Misraim ti gimpuunan manga Ludiyu, Aramiyu, Lihabiyu, Naptu,

¹⁴ Patrusiyu, Kaslu hanggan manga Kapturyu imaw ti gimpuunan manga Pilistiyu.

¹⁵ Si Kanaan kay ama ni Sidun ag ni Hit. Si Sidun kay panganay.

¹⁶ Si Kanaan imaw diman ti gimpuunan manga Hibusiyu, Amuriyu, Girgisiyu,

¹⁷ Hibiyu, Arkiyu, Siniyu,

¹⁸ Arbadiyu, Simariyu ag manga Hamatiyu. Igu dugay, nangalat ti manga linahi ni Kanaan.

¹⁹ Ti katugkaan nida daga ginan sa Sidun atabug sa Girar tugka sa Gasa, ag abut sa Suduma, Gumura, Adma, Sibuyim ag tugka sa Lasa.

²⁰ Inda kay manga linahi ni Kam. Ti kada magtal-anakan nida mag-uli sa kanda sadili daga sakup nida nasyun, ag may sadili sida pamagaw.

²¹ Si Sim kay aka ni Hapit imaw ti gimpuunan tanan linahi ni Ibir.

²² Kay manga anak lalaki sida ni Ilam, ni Asur, ni Arpaksad, ni Lud ag ni Aram.

²³ Kay manga anak ni Aram sida ni Us, ni Hul, ni Gitir ag ni Misik.

²⁴ Si Arpaksad kay ama ni Sila, ag si Sila kay ama ni Ibir.

²⁵ May duwa ka anak lalaki si Ibir: kay usa pinaingarnan Pilig, dahil sa kay kaudasan ti manga tawu naduwa sa kalibutan; kay ikadwa si Huktan.

²⁶ Si Huktan kay ama nida ni Almudad, ni Silip, ni Hasarmabit, ni Hira,

²⁷ ni Haduram, ni Usal, ni Dikla,

²⁸ ni Ubal, ni Abimail, ni Shiba,

²⁹ ni Upir, ni Habila ag ni Hubab. Sida tanan kay anak ni Huktan.

³⁰ Kanda pag-ulian pag daga ginan sa Misa atabug sa Sipar, sa kabantudan sa butlakan.

³¹ Inda ngani kay manga linahi ni Sim. Ti kada magtal-anakan nida mag-uli sa sadili nida daga sakup nida nasyun, ag may sadili sida pamagaw.

³² Inda tanan kay linahi manga anak ni Nuwi sa tuhay-tuhay pag nasyun. Sida ti gimpuunan manga nasyun sa buu kalibutan ginan sa nagkagunaw.