Bilang 2 - Hanunuu

Ti Kaayusan Kampu manga Israilita

¹ Magkun ti Panginuun sa kan Muysis hanggan sa kan Aarun,

² “Kumampu ti kada linahi Israil sa sirung bandira nida lahi. Ti Turda Taragbuan ipauli sa karaw-an kampu.

^3-8 Ti manga lahi nida ni Huda, ni Isakar hanggan ni Sabulun kumampu sa butlakan, sa sirung bandira nida lahi. Inda ti manga ngaran nida manga takinan hanggan ti bilang nida manga sakupan: Lahi Takinan Bilang Huda Nashun kay anak ni Aminadab 74,600 Isakar Natanyil kay anak ni Suwar 54,400 Sabulun Ilyab kay anak ni Hilun 57,400

Lahi Takinan Bilang

⁹ Ti bilang tanan gurupu pagpangunahan lahi ni Huda 186,400. Sida ti mag-una nu maglakaw ti manga Israilita.

^10-15 “Ti manga lahi nida ni Rubin, ni Simyun hanggan ni Gad kumampu sa kanaway, sa sirung bandira nida lahi. Inda ti manga ngaran nida manga takinan hanggan ti bilang nida manga sakupan: Lahi Takinan Bilang Rubin Ilisur kay anak ni Sidiyur 46,500 Simyun Silumyil kay anak ni Surisaday 59,300 Gad Iliyasap kay anak ni Diyuwil 45,650

Lahi Takinan Bilang

¹⁶ Ti bilang tanan gurupu pagpangunahan lahi ni Rubin 151,450. Sida ti ikadwa pag gurupu nu maglakaw ti manga Israilita.

¹⁷ “Magdasun sa kanda ti lahi ni Libi ti tagadara Turda Taragbuan. Ti tanan manga lahi maglakaw angay sa kanda kaayusan nu magkampu sida, kada lahi ati sa sirung bandira nida.

^18-23 Ti manga lahi nida ni Ipraim, ni Manasis hanggan ni Binhamin kumampu sa isalpan, sa sirung bandira nida lahi. Inda ti manga ngaran nida manga takinan hanggan ti bilang nida manga sakupan: Lahi Takinan Bilang Ipraim Ilisama kay anak ni Amihud 40,500 Manasis Gamalyil kay anak ni Pidasur 32,200 Binhamin Abidan kay anak ni Gidyuni 35,400

Lahi Takinan Bilang

²⁴ Ti bilang tanan gurupu pagpangunahan lahi ni Ipraim 108,100. Sida ti kasunud sa lahi ni Libi nu maglakaw ti manga Israilita.

^25-30 “Ti manga lahi nida ni Dan, ni Asir hanggan ni Niptali kumampu sa amihanan, sa sirung bandira nida lahi. Inda ti manga ngaran nida manga takinan hanggan ti bilang nida manga sakupan: Lahi Takinan Bilang Dan Ayisir kay anak ni Amisaday 62,700 Asir Pagiyil kay anak ni Ukran 41,500 Niptali Ahira kay anak ni Inan 53,400

Lahi Takinan Bilang

³¹ Ti bilang tanan gurupu pagpangunahan lahi ni Dan 157,600. Sida ti pinaka-uryan pag gurupu nu maglakaw ti manga Israilita. Maglakaw sida sa sirung bandira nida.”

³² Ti kabuuhan bilang manga Israilita nailista angay sa kanda lahi 603,550 tanan.

³³ Dapat unman kasali siyun ti manga lahi ni Libi, angay sa pag-isugu Panginuun sa kan Muysis.

³⁴ Nakan binwat manga Israilita ti tanan pag-isugu Panginuun sa kan Muysis. Ti kada lahi nagkampu ag naglakaw sa sirung bandira nida angay sa kanda lahi hanggan magtal-anakan.