1 Krunika 7 - Hanunuu

Kay manga Lahi ni Isakar

¹ Si Isakar may upat ka anak lalaki sida ni Tula, Puwa, Hasub, ag Simrun.

² Kay manga anak lalaki ni Tula sida ni Usi, ni Ripayas, ni Hiriil, ni Hamay, ni Ibsam, ag ni Simwil. Inda sida manga takinan sa kanda manga magtal-anakan. Katpung si Dabid ti hari, ti kayamuun maisug pag manga sundalu ginan sa manga linahi ni Tula 22,600.

³ Kay anak lalaki ni Usi si Israhiya. Si Israhiya ag kay upat ka anak sida ni Mikail, Ubadyas, Huwil, ag Isya manga takinan sa kanda manga magtal-anakan.

⁴ Mayamu sida asawa ag manga anak, nakan angay sa listahan nida manga linahi, may imaw sida 36,000 ka lalaki alistu sa girahan.

⁵ Ti kayamuun maisug pag manga sundalu ginan sa tanan pag magtal-anakan ni Isakar 87,000, angay sa listahan nida manga linahi.

Kay manga Lahi ni Binhamin

⁶ Si Binhamin may tulu ka anak lalaki sida ni Bila, Bikir, ag Hidyil.

⁷ Si Bila may lima ka anak lalaki sida ni Isbun, ni Usi, ni Usyil, ni Hirimut, ag ni Iri. Manga takinan sida sa kanda manga magtal-anakan. Kay kayamuun kanda maisug pag manga sundalu 22,034, angay sa listahan nida manga linahi.

⁸ Ti manga anak ni Bikir sida ni Simira, ni Huas, ni Iliyisir, ni Ilyunay, ni Umri, ni Hirimut, ni Abyas, ni Anatut, ag ni Alimit. Sida tanan kay manga anak ni Bikir.

⁹ Kay kayamuun kanda maisug pag manga sundalu 20,200. Inda sida hanggan ti manga takinan sa kanda manga magtal-anakan nisurat sa listahan nida manga linahi.

¹⁰ Kay anak ni Hidyil si Bilhan. Kay manga anak ni Bilhan sida ni Hius, Binhamin, Ihud, Kanaana, Sitan, Tarsis, ag Ahisahar.

¹¹ Inda sida manga takinan sa kanda manga magtal-anakan. May 17,200 sida ka maisug pag manga sundalu alistu sa girahan.

¹² Kay manga anak ni Ir sida ni Supim ni Hupim, ag kay anak ni Ahir si Husim.

Kay manga Lahi ni Niptali

¹³ Kay manga anak lalaki ni Niptali kan Bilha sida ni Hasil, Guni, Hisir, ag Silim.

Kay manga Lahi ni Manasis

¹⁴ Si Manasis may duwa ka anak sa kay asawa Aramiyu. Sida ni Asriyil ni Makir. Si Makir kay ama ni Gilyad,

¹⁵ ag si Makir ti nanhanap asawa para kan Hupim ag kan Supim. May patar-ari babayi si Makir kay ngaran si Maaka. Usa waya ka anak ni Makir si Silupihad kay manga anak lunsay babayi.

¹⁶ May manga anak diman lalaki si Makir kan Maaka. Kay ngaran kanda manga anak si Paris ag si Siris. Kay manga anak lalaki ni Paris si Ulam ag si Rakim.

¹⁷ Kay anak lalaki ni Ulam si Bidan. Imaw inda sida kay manga lahi ni Gilyad anak ni Makir ag umput ni Manasis.

¹⁸ Kay patar-ari babayi ni Gilyad si Hamulikit may manga anak lalaki sida ni Ishud, Abisir, ag Mala.

¹⁹ Kay manga anak lalaki ni Simida sida ni Ahiyan, Sikim, Likhi, ag Aniyam.

Kay manga Lahi ni Ipraim

²⁰ Inda kay lahi ni Ipraim: si Sutila kay ama ni Birid, si Birid kay ama ni Tahat, si Tahat kay ama ni Ilyada, si Ilyada kay ama ni Tahat,

²¹ si Tahat kay ama ni Sabad, si Sabad kay ama ni Sutila. Kay manga anak ni Ipraim sida ni Isir ni Ilyad, minatay sida manga lalaki tinubu Gat katpung nanakaw sida manga hayup nida.

²² Dugay gid nanruku si Ipraim sa kanda pagkamatay, ag nag-atag kay manga katawuhan sa pagpasulung sa kanya.

²³ Pagka sa uryan, nangulid si Ipraim sa kay asawa, bag-u namuduy ag nanganak lalaki. Iningarnan ni Ipraim ti anak Birya, dahil sa kadamhakan nagras-ug sa kanda magtal-anakan.

²⁴ May anak babayi si Ipraim si Saira. Inda siya imaw ti nagpatindug sa lawud ag sa babaw pag bahagi Bit Hurun hanggan sa Usin Saira.

²⁵ May manga linahi waya si Ipraim sida ni Risyip, ni Tila, ni Tahan,

²⁶ ni Ladan, ni Amihud, ni Ilisama,

²⁷ ni Nun, ag ni Huswi.

²⁸ Ti manga daga natanggap ag pag-ulian manga lahi ni Ipraim imaw ti Bitil ag ti sangput inda pag manga baryu, ti Naaran sa butlakan baliwa, ti Gisir sa isalpan ag ti manga baryu sa sangput inda, ti Sikim ag ti manga baryu sa sangput inda atabug sa Aya ag sa manga baryu inda.

²⁹ Ti manga lahi ni Manasis imaw ti may apu sa manga banwa sa Bit San, Taanak, Migidu, ag Dur, ag hanggan sa manga baryu sa sangput inda. Imaw tunda ti manga banwa inulianan manga lahi ni Husi anak ni Israil.

Kay manga Lahi ni Asir

³⁰ Kay manga anak lalaki ni Asir imaw sida ni Imna, Isba, Isbi, ag Birya. Kanda patar-ari babayi si Sira.

³¹ Kay manga anak lalaki ni Birya sida ni Hibir ni Malkiyil. Si Malkiyil kay ama ni Birsait.

³² Si Hibir kay ama nida ni Haplit, Sumir, ag Hutam. Kanda patar-ari babayi si Suwa.

³³ Kay manga anak lalaki ni Haplit sida ni Pasak, Bimhal, ag Asbat.

³⁴ Kay manga anak lalaki ni Sumir sida ni Ahi, Ruga, Huba, ag Aram.

³⁵ Kay manga anak lalaki sa patar-ari ni Sumir si Hilim sida ni Supa, Imna, Silis, ag Amal.

³⁶ Kay manga anak lalaki ni Supa imaw sida ni Suwa, Harnipir, Suwal, Biri, Imra,

³⁷ Bisir, Hud, Sama, Silsiya, Itran, ag Biira.

³⁸ Kay manga anak lalaki ni Hitir sida ni Hipuni, Pispa, ag Ara.

³⁹ Kay manga anak lalaki ni Ula sida ni Ara, Hanyil, ag Risya.

⁴⁰ Sida tanan ti manga lahi ni Asir manga takinan sa kanda manga magtal-anakan. Maisug sida pag manga sundalu ag bantug pag manga takinan. Ti kayamuun sa manga lalaki lahi ni Asir alistu sa girahan 26,000, angay sa listahan nida manga linahi.