1 Krunika 6 - Hanunuu

Kay manga Lahi ni Libi pag manga Manug-asiwa

¹ Inda kay manga anak lalaki ni Libi: si Girsun, si Kuhat, ag si Mirari.

² Kay manga anak lalaki ni Kuhat sida ni Amram, ni Isar, ni Hibrun, ag ni Usyil.

³ Kay manga anak ni Amram sida ni Aarun, ni Muysis, ag ni Miryam. Kay manga anak lalaki ni Aarun sida ni Nadab, ni Abihu, ni Iliyasar, ag ni Itamar.

⁴ Si Iliyasar kay ama ni Piniis, si Piniis kay ama ni Abisuwa,

⁵ ag si Abisuwa kay ama ni Buki. Si Buki kay ama ni Usi,

⁶ si Usi kay ama ni Sirahiya, ag si Sirahiya kay ama ni Mirayut.

⁷ Si Mirayut kay ama ni Amarya, si Amarya kay ama ni Ahitub,

⁸ ag si Ahitub kay ama ni Saduk. Si Saduk kay ama ni Ahimaas,

⁹ si Ahimaas kay ama ni Asariyas, ag si Asariyas kay ama ni Huhanan.

¹⁰ Si Huhanan kay ama ni Asariyas imaw ti pangulu manughandug sa Balay Diyus pag ipatindug ni Sulumun sa Hirusalim.

¹¹ Si Asariyas kay ama ni Amarya, si Amarya kay ama ni Ahitub,

¹² ag si Ahitub kay ama ni Saduk. Si Saduk kay ama ni Salum,

¹³ si Salum kay ama ni Hilkiyas, ag si Hilkiyas kay ama ni Asariyas.

¹⁴ Si Asariyas kay ama ni Siraya, ag si Siraya kay ama ni Hihusadak.

¹⁵ Si Hihusadak tunda kaibahan sa manga bihag pagka ipinabihag Panginuun ti manga taga Huda ag taga Hirusalim sa kan Nabukudunusur.

Kay manga Lahi ni Libi pag manga Libita

¹⁶ Kay manga anak lalaki ni Libi sida ni Girsun, Kuhat, ag Mirari.

¹⁷ Kay manga anak lalaki ni Girsun si Libni ag si Simiy.

¹⁸ Kay manga anak lalaki ni Kuhat imaw sida ni Amram, Isar, Hibrun, ag Usyil.

¹⁹ Kay manga anak lalaki ni Mirari imaw si Mali ag si Musi. Imaw inda kay manga magtal-anakan sa manga Libita ilinista angay sa kanda manga ginurang:

²⁰ Sa manga lahi ni Girsun: Libni, Hahat, Sima,

²¹ Huwa, Iddu, Sira, ag Hiatiray.

²² Sa manga lahi ni Kuhat: Aminadab, Kura, Asir,

²³ Ilkana, Ibiyasap, Asir,

²⁴ Tahat, Uryil, Usyas, ag Saul.

²⁵ Sa manga lahi ni Ilkana: Amasay, Ahimut,

²⁶ Ilkana, Supay, Nahat,

²⁷ Ilyab, Hiruham, Ilkana, ag Samwil.

²⁸ Kay manga anak lalaki ni Samwil si Huwil, kay panganay, ag kay ikadwa si Abyas.

²⁹ Sa manga lahi ni Mirari: Mali, Libni, Simiy, Usa,

³⁰ Simya, Hagiya, ag Asaya.

Kay manga Manugkanta sa Balay Diyus

³¹ May manga tawu inintirga si Dabid sa pagkanta ag pagpatunug sa balay Panginuun pagkatapus misalyu ati ti Kaban Kasunduan.

³² Nagsirbi sida sa panab-anan pagkanta ati sa Turda Tiripnan (pagtawagun diman Turda Taragbuan), tugka sa udas naipatindug ni Sulumun ti Balay Diyus Panginuun sa Hirusalim. Binwat nida kanda buruwatun angay sa manga surundanun pag-isugu sa kanda.

³³ Inda sida ti manga nagsirbi kaibahan kanda manga anak: Si Himan usa ka manugkanta ginan sa lahi ni Kuhat. (Si Himan kay anak ni Huwil. Si Huwil anak ni Samwil. Si Samwil anak ni Ilkana.

³⁴ Si Ilkana anak ni Hiruham. Si Hiruham anak ni Ilyil. Si Ilyil anak ni Tua.

³⁵ Si Tua anak ni Sup. Si Sup anak ni Ilkana. Si Ilkana anak ni Mahat. Si Mahat anak ni Amasay.

³⁶ Si Amasay anak ni Ilkana. Si Ilkana anak ni Huwil. Si Huwil anak ni Asariyas. Si Asariyas anak ni Sipanyas.

³⁷ Si Sipanyas anak ni Tahat. Si Tahat anak ni Asir. Si Asir anak ni Ibiyasap. Si Ibiyasap anak ni Kura.

³⁸ Si Kura anak ni Isar. Si Isar anak ni Kuhat. Si Kuhat anak ni Libi. Si Libi anak ni Israil.)

³⁹ Si Asap kay linahi ni Girsun. Siya ti un-an kaawat ni Himan. (Si Asap kay anak ni Birikyas anak ni Simya.

⁴⁰ Si Simya anak ni Mikail. Si Mikail anak ni Baasiya. Si Baasiya anak ni Malkiya.

⁴¹ Si Malkiya anak ni Itni. Si Itni anak ni Sira. Si Sira anak ni Adayas.

⁴² Si Adayas anak ni Itan. Si Itan anak ni Sima. Si Sima anak ni Simiy.

⁴³ Si Simiy anak ni Hahat. Si Hahat anak ni Girsun. Si Girsun anak ni Libi.)

⁴⁴ Kay lahi ni Mirari si Itan, kay ikadwa pag kaawat ni Himan. (Si Itan anak ni Kisi. Si Kisi anak ni Abdi. Si Abdi anak ni Maluk.

⁴⁵ Si Maluk anak ni Hasabiya. Si Hasabiya anak ni Amasiyas. Si Amasiyas anak ni Hilkiyas.

⁴⁶ Si Hilkiyas anak ni Amsi. Si Amsi anak ni Bani. Si Bani anak ni Simir.

⁴⁷ Si Simir anak ni Mali. Si Mali anak ni Musi. Si Musi anak ni Mirari. Ag si Mirari anak ni Libi.)

⁴⁸ Kanda kaparihu manga Libita pinakan-an tuhay pag manga buruwatun sa Turda Taragbuan, ti Balay Diyus.

⁴⁹ Dapat si Aarun ag kay manga linahi imaw lang ti binwat manga manughandug. Sida ti maghandug sa harandugan handug pagsunugun hanggan sa harandugan surunugan kamangyan. Sida diman waydi ti manugbuwat sa iba pag buruwatun may kinalaman sa Pinakabanal pag Sulud-sulud. Magsagda sida para malukat ti manga Israilita sa kanda manga kasalanan. Pagbuwatun nida inda angay sa tanan isinugu ni Muysis ti suruguun Diyus.

⁵⁰ Imaw inda kay manga lahi ni Aarun: si Iliyasar, Piniis, Abisuwa,

⁵¹ Buki, Usi, Sirahiya,

⁵² Mirayut, Amarya, Ahitub,

⁵³ Saduk, ag Ahimaas.

Kay manga Daga manga Lahi ni Libi

⁵⁴ Inda ti manga rugar ipinakaun sa manga lahi ni Aarun ginan sa lahi ni Kuhat. Sida ti un-an pinakan-an daga sa panab-anan lunggungan.

⁵⁵ Sakup sa inda pag manga rugar ti Hibrun sa Huda ag kay manga paraharaban sa sangput.

⁵⁶ Dapat ti manga katanmanan ag ti manga baryu sa sangput Hibrun ipinakaun sa kan Kalib anak ni Hipuni.

^57-59 Nakan ipinakaun sa manga lahi ni Aarun ti dasun pag manga rugar sakup ti manga paraharaban siyun: Hibrun (ti darangpan pag banwa), Libna, Hatir, Istimwa, Hilin, Dibir, Asan, Huta, ag Bit Simis.

⁶⁰ Ag ginan sa daga lahi ni Binhamin ipinakaun sa kanda ti Gibyun, Giba, Alimit, ag Anatut, sakup yi ti manga paraharaban siyun. 13 tanan ka banwa ti ipinakaun sa tunda pag manga lahi ni Kuhat.

⁶¹ Ti nasawad pag manga lahi ni Kuhat pinakan-an 10 ka banwa sa panab-anan lunggungan ginan sa daga katunga lahi ni Manasis.

⁶² Ti manga linahi ni Girsun, angay sa kada magtal-anakan, pinakan-an 13 ka banwa ginan sa manga lahi ni Isakar, Asir, Niptali, ag ginan sa katunga lahi ni Manasis sa Basan.

⁶³ Ti manga lahi ni Mirari, angay sa kada magtal-anakan, pinakan-an 12 ka banwa ginan sa lahi ni Rubin, Gad, ag Sabulun.

⁶⁴ Nakan ipinakaun manga Israilita sa manga lahi ni Libi inda pag manga banwa ag ti manga paraharaban siyun.

⁶⁵ Ipinakaun sa kanda sa panab-anan lunggungan ti sinampit yi pag manga banwa ginan sa lahi ni Huda, Simyun, ag Binhamin.

⁶⁶ Ti iba pag manga lahi ni Kuhat pinakan-an manga banwa ginan sa lahi ni Ipraim.

⁶⁷ Ipinakaun sa kanda ti Sikim (ti darangpan pag banwa sa kabantudan Ipraim), Gisir,

⁶⁸ Hukmiyam, Bit Hurun,

⁶⁹ Ayalun, ag Gat Rimun, hanggan yi ti manga paraharaban siyun.

⁷⁰ Ti iba waya gid pag lahi ni Kuhat pinakan-an nida kaparihu manga Israilita manga banwa ginan sa katunga lahi ni Manasis. Ti ipinakaun sa kanda imaw ti Anir Ag Bilyam hanggan ti manga paraharaban siyun.

⁷¹ Ti manga lahi ni Girsun pinakan-an sa dumasun pag manga banwa: Ginan sa katunga lahi ni Manasis: Gulan sa Basan ag ti Astarut, hanggan ti manga paraharaban siyun.

⁷² Ginan sa lahi ni Isakar: Kidis, Dabirat,

⁷³ Ramut, ag Anim, hanggan ti manga paraharaban siyun.

⁷⁴ Ginan sa lahi ni Asir: Masal, Abdun,

⁷⁵ Hukuk, ag Rihub, hanggan ti manga paraharaban siyun.

⁷⁶ Ginan sa lahi ni Niptali: Kidis sa Galiliya, Hamun, ag Kiryataim, hanggan ti manga paraharaban siyun.

⁷⁷ Ti nasawad pag manga lahi ni Mirari pinakan-an sa dumasun pag daga: Ginan sa lahi ni Sabulun: Hukniyam, Karta, Rimunu, ag Tabur, hanggan ti manga paraharaban siyun.

⁷⁸ Ginan sa lahi ni Rubin sa baliw Sapa Hurdan sa butlakan Hiriku: Bisir sa may pangawakawaan, Hasa,

⁷⁹ Kidimut, ag Mipaat, hanggan ti manga paraharaban siyun.

⁸⁰ Ag ginan sa lahi ni Gad: Ramut sa Gilyad, Mahanaim,

⁸¹ Hisbun, ag Hasir, hanggan ti manga paraharaban siyun.