1 Krunika 4 - Hanunuu

Ti Iba waya manga Lahi ni Huda

¹ Imaw inda ti iba waya pag manga lahi ni Huda: si Paris, Hisrun, Karmi, Hur, ag Subal.

² Kay anak ni Subal si Riayas imaw kay ama ni Hahat. Si Hahat imaw kay ama ni Ahumay ag ni Lahad. Sida kay manga magtal-anakan manga Suratita.

³ Imaw inda kay manga anak ni Itam: si Hisriil, Isma, ag Idbas. Kay ngaran nida patar-ari babayi imaw si Hasililpuni.

⁴ Si Pinwil kay ama ni Gidur, ag si Isir kay ama ni Husa. Inda sida manga linahi ni Hur, kay panganay anak ni Iprata. Si Hur imaw ti ginurang sa manga taga Bitlihim.

⁵ Si Asur kay ama ni Tikwa may duwa ka asawa, si Hila ag si Naara.

⁶ Imaw inda sida ti manga anak lalaki ni Naara ag ni Asur: Ahusam, Hipir, Timini, ag Haahastari.

⁷ Kay manga anak nida ni Hila ni Asur sida ni Sirit, ni Isar, ni Itnan,

⁸ ag ni Kus. Si Kus kay ama ni Anub ag ni Hasubiba, ag siya ti gimpuunan magtal-anakan ni Aharhil anak ni Harum.

⁹ May usa ka tawu kay ngaran si Habis. Garalangun siya pag tawu kaysa kay manga patar-ari lalaki. Iningarnan siya niya ina Habis dahil magkun kay ina, “Masyadu aku nakurian sa kang magpanganak sa kanya.”

¹⁰ Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

¹¹ Si Kilub patar-ari ni Suha kay ama ni Mihir. Si Mihir kay ama ni Istun, ag

¹² si Istun kay ama ni Bit Rapa, ni Pasya, ag ni Tihina. Si Tihina kay ama ni Ir Nahas. Sida kay manga linahi ni Rika.

¹³ Kay manga anak lalaki ni Kinas imaw si Utniyil ag si Siraya. Kay manga anak lalaki ni Utniyil imaw si Hatat ag si Miyunutay.

¹⁴ Si Miyunutay kay ama ni Upra. Si Siraya kay ama ni Huab, ti nagpundar Luung manga Panday. Iningarnan inda Luung manga Panday dahil ati ulian mayamu pag manga panday.

¹⁵ Inda kay manga anak lalaki ni Kalib anak ni Hipuni: si Iru, Ila, ag Naam. Kay anak lalaki ni Ila imaw si Kinas.

¹⁶ Kay manga anak lalaki ni Hihalilil sida ni Sip, Sipa, Tirya, ag Asaril.

^17-18 Kay manga anak lalaki ni Isra imaw sida ni Hitir, Mirid, Ipir, ag Halun. Si Mirid may asawa si Bitya anak hari Ihiptu. May manga anak sida ni Miryam, Samay, ag Isba. Si Isba kay ama ni Istimwa. May asawa diman si Mirid taga Huda ag may anak sida si Hirid (kay ama ni Gidur), Hibir (kay ama ni Suku), ag Hikutyil (kay ama ni Sanwa).

¹⁹ Inasawa ni Hudya kay patar-ari ni Naham. Kay usa sa kanda manga anak imaw kay ama ni Kiyla pag Garmita, ag kay usa kay ama ni Istimwa Maakatiyu.

²⁰ Kay manga anak lalaki ni Simun sida ni Amnun, Rina, Bin Hanan, ag Tilun. Kay manga linahi ni Isi si Suhit ag si Bin Suhit.

²¹ Imaw inda kay manga linahi ni Sila anak ni Huda: si Ir (kay ama ni Lika), si Laada (kay ama ni Marisa), ag kay manga magtal-anakan manga manugbuwat linu sa Bit Asbiya.

²² Manga linahi diman ni Sila si Hukim, ti manga nasakupan Kusiba, si Huas, ag si Sarap ti magpanguna sa Muab ag Hasubi Lihim. (Inda pag lista ginan sa dugay yi pag papilis.)

²³ Sida ti manga manugbuwat anglit mag-uli sa Nitaim ag Gidira. Magtarabahu sida para sa hari.

Kay manga Lahi ni Simyun

²⁴ Kay manga anak lalaki ni Simyun sida ni Nimwil, ni Hamin, ni Harib, ni Sira, ag ni Saul.

²⁵ Si Saul kay ama ni Salum, si Salum kay ama ni Mibsam, ag si Mibsam kay ama ni Misma.

²⁶ Si Misma kay ama ni Hamwil, si Hamwil kay ama ni Sakur, ag si Sakur kay ama ni Simiy.

²⁷ May 16 ka anak lalaki si Simiy ag unum ka anak babayi. Dapat kay manga patar-ari pira lang kanda manga anak, nakan kanda buu linahi balaw parihu kayamu sa nasakupan Huda.

²⁸ Nangulian sida sa Biirsiba, Mulada, Hasar Suwal,

²⁹ Bilha, Isim, Tulad,

³⁰ Bitwil, Hurma, Siklag,

³¹ Bit Markabut, Hasar Susim, Bit Biri, ag Saaraim. Imaw tunda kanda manga banwa tugka sa maghari ni Dabid.

³² Nangulian waydi sida sa lima ka banwa: sa Itam, Ain, Rimun, Tukin, ag Asan,

³³ hanggan diman sa manga baryu sa kalibut sa inda pag manga banwa tugka sa Baalat. Imaw tunda pag manga rugar kanda inulianan, ag itinagu nida ti manga listahan nida manga linahi. Inda waya kay iba manga lahi ni Simyun:

³⁴ si Mishubab, si Hamlik, si Husa (kay anak ni Amasiyas),

³⁵ si Huwil, si Hihu (kay anak ni Husibya ag laki ni Siraya, ag umput ni Asyil),

³⁶ si Ilyunay, si Haakuba, si Hisuhaya, si Asaya, si Adyil, si Hisimyil, si Binaya,

³⁷ ag si Sisa (kay anak ni Sipi ag laki ni Alun, ag umput ni Hidaya. Inda si Hidaya anak ni Simri ag laki ni Simaya).

³⁸ Inda sida manga takinan nida manga magtal-anakan. Nagyamu gid kanda manga magtal-anakan,

³⁹ nakan nankalat sida tugka sa rugar Gidur, sa butlakan sa luung. Nanhanap sida ati paraharaban para sa kanda manga karanidu,

⁴⁰ ag nakakit sida malangba ag marinu pag paraharaban. Malapad inda pag rugar ag may kahusayan. Sa kabag-u ati pag nangulian kay iba manga linahi ni Kam.

⁴¹ Dapat ati katpung pag udas si Isikyas ti hari sa Huda, ti manga linahi ni Kam sinalakay manga lahi ni Simyun kanda manga ngaran balaw sinampit sa tungud. Ginira diman nida ti manga Miyunita ati pag mag-uli, ag rinuris nida sida lubus. Bag-u sida ti nangulian ati tugka kainda, dahil may paraharaban ati para sa kanda manga karanidu.

⁴² Kay 500 sa kanda nan-gira sa kabantudan Siir. Pagpangunahan sida ni Pilatyas, Niryas, Ripayas ag Usyil, kay manga anak ni Isi.

⁴³ Minatay nida ati ti nasawad pag manga Amalikita, ag ati sida nangulian tugka kainda.