1 Krunika 25 - Hanunuu

Ti manga Manugkanta

¹ Nagpili si Dabid ag ti manga kumandir manga sundalu sa manga tawu ginan sa manga anak ni Asap, Himan, ag Hidutun. Pinili sida sa pagbagaw tultulanun Diyus pag kaskasan manga alpa, lira, ag manga simbals. Inda ti listahan nida manga ngaran ag manga buwat:

² Ginan sa manga anak lalaki ni Asap: si Sakur, si Husi, si Nitanyas, ag si Asarila. Nagsirbi sida sa sirung pagpanguna nida ama si Asap. Si Asap ti magtultul bagaw Diyus nu pagsuguun hari.

³ Ginan sa manga anak lalaki ni Hidutun: si Gidalyas, Siri, Hisayas, Simiy, Hasabiya, ag Matitiya, unum sida tanan. Nagsirbi diman sida sa sirung pagpanguna nida ama si Hidutun. Si Hidutun magtultul bagaw Diyus pagkaskasan alpa, may pagpasalamat ag pagdayaw sa Panginuun.

⁴ Ginan sa manga anak lalaki ni Himan: si Bukya, Matanyas, Usyil, Sibwil, Hirimut, Hananiyas, Hanani, Ilyita, Gidalti, Rumamti-Isir, Husbikasa, Maluti, Hutir, ag Mahasyut.

⁵ Sida tanan manga anak ni Himan purupita hari. Pagpapaladan siya Diyus sa panab-anan pagpakaun sa kanya 14 ka anak lalaki ag tulu ka babayi, angay sa itinaratu Diyus sa kanya.

⁶ Inda tanan pag manga lalaki pagpangunahan nida ama sa kanda pagpatnug sa manga simbals, lira, ag manga alpa sa kanda pagsirbi sa Balay Diyus. Si Asap, Hidutun, ag Himan pagpangunahan hari.

⁷ Sida ag ti kanda manga katawuhan, 288 tanan, manga madunung gid pag manga manugkanta para sa Panginuun.

⁸ Nanlunggungan sida hampay maalaman ti kada nida katungkulan, anak man ngatay gurangun, manugtudlu man ngatay manug-adal.

⁹ Ti kabag-u nabunut sa magtal-anakan ni Asap si Husi ag kay manga anak lalaki ag manga katawuhan; 12 sida tanan. Ti ikadwa si Gidalyas ag kay manga anak ag manga katawuhan; 12 waydi sida.

¹⁰ Ti ikatlu imaw si Sakur ag kay manga anak ag manga katawuhan; 12 waydi sida.

¹¹ Ti ikap-at imaw si Isri ag kay manga anak ag manga katawuhan; 12 waydi sida.

¹² Ti ikalima imaw si Nitanyas ag kay manga anak ag manga katawuhan; 12 waydi sida.

¹³ Ti ikan-um imaw si Bukya ag kay manga anak ag manga katawuhan; 12 waydi sida.

¹⁴ Ti ikapitu imaw si Hisarila ag kay manga anak ag manga katawuhan; 12 waydi sida.

¹⁵ Ti ikawalu imaw si Hisayas ag kay manga anak ag manga katawuhan; 12 waydi sida.

¹⁶ Ti ikasiyam imaw si Matanyas ag kay manga anak ag manga katawuhan; 12 waydi sida.

¹⁷ Ti ikasampu imaw si Simiy ag kay manga anak ag manga katawuhan; 12 waydi sida.

¹⁸ Ti ika-11 imaw si Asaril ag kay manga anak ag manga katawuhan; 12 waydi sida.

¹⁹ Ti ika-12 imaw si Hasabiya ag kay manga anak ag manga katawuhan; 12 waydi sida.

²⁰ Ti ika-13 imaw si Sibwil ag kay manga anak ag manga katawuhan; 12 waydi sida.

²¹ Ti ika-14 imaw si Matitiya ag kay manga anak ag manga katawuhan; 12 waydi sida.

²² Ti ika-15 imaw si Hirimut ag kay manga anak ag manga katawuhan; 12 waydi sida.

²³ Ti ika-16 imaw si Hananiyas ag kay manga anak ag manga katawuhan; 12 waydi sida.

²⁴ Ti ika-17 imaw si Husbikasa ag kay manga anak ag manga katawuhan; 12 waydi sida.

²⁵ Ti ika-18 imaw si Hanani ag kay manga anak ag manga katawuhan; 12 waydi sida.

²⁶ Ti ika-19 imaw si Maluti ag kay manga anak ag manga katawuhan; 12 waydi sida.

²⁷ Ti ika-20 imaw si Ilyita ag kay manga anak ag manga katawuhan; 12 waydi sida.

²⁸ Ti ika-21 imaw si Hutir ag kay manga anak ag manga katawuhan; 12 waydi sida.

²⁹ Ti ika-22 imaw si Gidalti ag kay manga anak ag manga katawuhan; 12 waydi sida.

³⁰ Ti ika-23 imaw si Mahasyut ag kay manga anak ag manga katawuhan; 12 waydi sida.

³¹ Ti ika-24 imaw si Rumamti-Isir ag kay manga anak ag manga katawuhan; 12 waydi sida.