1 Krunika 2 - Hanunuu

Kay manga Anak ni Israil

¹ Inda kay manga anak lalaki ni Israil: si Rubin, si Simyun, si Libi, si Huda, si Isakar, si Sabulun,

² si Dan, si Husi, si Binhamin, si Niptali, si Gad, ag si Asir.

Kay manga Lahi ni Huda

³ May tulu ka anak lalaki si Huda sa kay asawa sa kan Batsuwa usa ka Kananiya, sida ni Ir, ni Unan, ag ni Sila. Si Ir kay panganay. Daut siya sa magbantay Panginuun, nakan minatay siya Panginuun.

⁴ May manga anak waya lalaki si Huda sa kan Tamar sa kay umagad, sida ni Paris ni Sira. Lima tanan kay anak lalaki ni Huda.

⁵ Kay manga anak lalaki ni Paris si Hisrun ag si Hamul.

⁶ Kay manga anak lalaki ni Sira sida ni Simri, ni Itan, ni Himan, ni Kalkul, ag ni Darda — lima sida tanan.

⁷ Kay anak lalaki ni Karmi si Akar. Si Akar imaw ti nagdara kaguluhan sa Israil dahil sa kay pagbuul bagay ipinakaun yi lubus sa Diyus.

⁸ Kay anak lalaki ni Itan si Asariyas.

Ti Gimpuunan Linahi ni Dabid

⁹ Kay manga anak lalaki ni Hisrun sida ni Hiramiil, ni Ram, ag ni Kalib.

¹⁰ Si Ram kay ama ni Aminadab, ag si Aminadab kay ama ni Nashun takinan lahi ni Huda.

¹¹ Si Nashun kay ama ni Salmun, ag si Salmun kay ama ni Buus.

¹² Si Buus kay ama ni Ubid, ag si Ubid kay ama ni Isai.

¹³ Kay anak panganay ni Isai si Ilyab, kay ikadwa si Abinadab, kay ikatlu si Simya,

¹⁴ kay ikap-at si Natanyil, kay ikalima si Raday,

¹⁵ kay ikan-um si Usim, ag kay ikapitu si Dabid.

¹⁶ Kanda manga patar-ari babayi sida ni Siruya ni Abigil. Si Siruya may tulu ka anak lalaki sida ni Abisay, ni Huab, ag ni Asahil.

¹⁷ Kay asawa ni Abigil si Hitir usa ka Ismailita ag may anak sida lalaki si Amasa.

Kay manga Linahi ni Hisrun kan Kalib ag sa Iba waya Niya manga Anak

¹⁸ Si Kalib kay anak ni Hisrun may manga anak sa kay asawa sa kan Asuba pag-ingarnan diman Hiryut. Sida si Hisir, si Subab, ag si Ardun.

¹⁹ Pagka namatay si Asuba inasawa ni Kalib si Iprat ag may anak sida si Hur.

²⁰ Si Hur kay ama ni Uri, ag si Uri kay ama ni Bisalil.

²¹ Katpung 60 ka timpu kay idad ni Hisrun, inasawa niya kay anak ni Makir, kay patar-ari babayi ni Gilyad. May anak sida si Sigub.

²² Si Sigub kay ama ni Hair, magdumara sa 23 ka banwa sa Gilyad.

²³ (Nagras-ug ti udas inagaw ni Gisur ag ni Aram ti manga banwa ni Hair hanggan ti Kinat, kaibahan ti manga baryu sa sangput, 60 tanan ka rugar.) Sida tanan imaw kay manga lahi ni Makir kay ama ni Gilyad.

²⁴ Udwaya dugay namatay si Hisrun sa Kalib Iprata pagka nanganak kay asawa si Abya. Kanda anak si Asur imaw kay ama ni Tikwa.

Kay manga Linahi ni Hisrun sa kan Hiramiil

²⁵ Inda sida kay manga anak lalaki ni Hiramiil kay panganay ni Hisrun: Si Ram kay panganay, dumasun si Buna, si Urin, si Usim, ag si Ahiyas.

²⁶ Si Hiramiil may usa waya ka asawa kay ngaran si Atara. Siya kay ina ni Unam.

²⁷ Kay manga anak lalaki ni Ram kay panganay ni Hiramiil sida ni Maas, ni Hamin, ag ni Ikir.

²⁸ Kay manga anak lalaki ni Unam si Samay ag si Hada. Kay manga anak lalaki ni Samay si Nadab ag si Abisur.

²⁹ Kay ngaran asawa ni Abisur si Abihail. May manga anak sida lalaki si Aban ag si Mulid.

³⁰ Kay manga anak lalaki ni Nadab si Silid ag si Apaim. Namatay si Silid unman may anak.

³¹ Kay anak lalaki ni Apaim si Isi. Si Isi kay ama ni Sisan, ag si Sisan kay ama ni Alay.

³² Kay manga anak lalaki ni Hada kay patar-ari ni Samay si Hitir ag si Hunatan. Namatay si Hitir unman may anak.

³³ Kay manga anak lalaki ni Hunatan si Pilit ag si Sasa. Inda sida ti manga linahi ni Hiramiil.

³⁴ Si Sisan unman may anak manga lalaki nu unman manga babayi lang. May suruguun siya Ihipsiyu kay ngaran si Harha.

³⁵ Ipinaasawa ni Sisan sa kan Harha kay usa niya ka anak babayi, ag nagkaanak sida lalaki kay ngaran si Atay.

³⁶ Si Atay kay ama ni Natan, si Natan kay ama ni Sabad,

³⁷ ag si Sabad kay ama ni Iplal. Si Iplal kay ama ni Ubid,

³⁸ si Ubid kay ama ni Hihu, ag si Hihu kay ama ni Asariyas.

³⁹ Si Asariyas kay ama ni Hilis, si Hilis kay ama ni Iliasa,

⁴⁰ ag si Iliasa kay ama ni Sismay. Si Sismay kay ama ni Salum,

⁴¹ si Salum kay ama ni Hikamyas, ag si Hikamyas kay ama ni Ilisama.

Kay Iba waya pag manga Linahi ni Hisrun sa kan Kalib

⁴² Kay panganay pag anak lalaki ni Kalib patar-ari ni Hiramiil si Misa kay ama ni Sip. Kay ikadwa niya pag anak si Marisa kay ama ni Hibrun.

⁴³ Kay manga anak lalaki ni Hibrun sida ni Kura, ni Tapwa, ni Rikim, ag ni Sima.

⁴⁴ Si Sima kay ama ni Raham, ag si Raham kay ama ni Hurkiam. Si Rikim kay ama ni Samay,

⁴⁵ si Samay kay ama ni Maun, ag si Maun kay ama ni Bit Sur.

⁴⁶ Kay usa waya ka asawa ni Kalib si Ipa kay ina nida ni Haran, ni Musa, ag ni Gasis. Si Haran may anak si Gasis diman kay ngaran.

⁴⁷ Kay manga anak lalaki ni Haday sida ni Rigim, Hutam, Gisan, Pilit, Ipa, ag Saap.

⁴⁸ Kay usa waya gid ka asawa ni Kalib si Maaka. May manga anak sida lalaki sida ni Sibir, Tirhana,

⁴⁹ Saap (kay ama ni Madmana), ag Siba (kay ama ni Makbina ag ni Gibiya). Kay anak babayi ni Kalib si Aksa.

⁵⁰ Sida ti manga linahi ni Kalib. Si Hur ti panganay pag anak ni Kalib ag ni Iprata. Kay manga anak lalaki ni Hur sida ni Subal kay ama ni Kiryat Harim,

Kay manga Linahi Anak ni Kalib si Hur

⁵¹ si Salma kay ama ni Bitlihim, ag si Harip kay ama ni Bit Gadir.

⁵² Kay manga linahi ni Subal kay ama ni Kiryat Harim imaw kay manga nasakupan sa Haru kay katunga manga mag-uli sa Minuhut.

⁵³ Ag kay manga lahi ni Kiryat Harim ag ti manga Itriyu, Putiyu, Sumatiyu ag Misraita. Sida ti gimpuunan manga Suratita hanggan manga Istaulita.

⁵⁴ Kay manga linahi ni Salma ti manga taga Bitlihim, ti manga taga Nitupa, ti manga taga Atrut Bit Huab, kay katunga manga Manahatiyu, ti manga Surita,

⁵⁵ ag ti manga linahi madunung sa magsurat manga papilis mag-ulian ati sa banwa Habis ti manga Tiratiyu, Simyatiyu, hanggan ti Sukatiyu. Sida ti manga Kiniyu ginan sa kan Hamat, ti nagpundar sa Bit Rikab.