1 Krunika 1 - Hanunuu

Ginan sa kan Adam tugka sa manga Anak ni Nuwi

¹ Kay manga linahi ni Adam sida ni Sit, ni Inus,

² ni Kinan, ni Mahalalil, ni Harid,

³ ni Inuk, ni Matusalim, ni Lamik, ag ni Nuwi.

⁴ Kay manga anak lalaki ni Nuwi sida ni Sim, Kam, ag ni Yapit.

Kay manga Linahi ni Yapit

⁵ Kay manga anak lalaki ni Yapit sida ni Gumir, ni Magug, ni Madai, ni Haban, ni Tubal, ni Misik, ag ni Tiras.

⁶ Si Gumir may manga anak diman sida ni Askinas, ni Ripat, ag ni Tugarma.

⁷ Kay manga anak ni Haban sida ni Ilisa, ni Tarsis, ni Kitim, ag ni Rudanim.

Kay manga Linahi ni Kam

⁸ Kay manga anak lalaki ni Kam sida ni Kus, ni Misraim, ni Put, ag ni Kanaan.

⁹ Si Kus may manga anak diman sida ni Siba, ni Habila, ni Sabta, ni Raama, ag ni Sabtika. Kay manga anak ni Raama si Shiba ag si Didan.

¹⁰ May usa waya ka anak si Kus kay ngaran si Nimrud. Si Nimrud inda imaw ti bantug makapangyarihan pag tawu sa kalibutan.

¹¹ Si Misraim ti gimpuunan manga Ludiyu, Anamiyu, Lihabiyu, Naptuniyu,

¹² Patrusiyu, Kasluniyu, ag Kapturiyu imaw ti gimpuunan manga Pilistiyu.

¹³ Si Kanaan kay ama ni Sidun ag ni Hit. Si Sidun kay panganay.

¹⁴ Si Kanaan diman ti gimpuunan manga Hibusiyu, Amuriyu, Girgisiyu,

¹⁵ Hibiyu, Arkiyu, Siniyu,

¹⁶ Arbadiyu, Simariyu, ag Hamatiyu.

Kay manga Linahi ni Sim

¹⁷ Kay manga anak lalaki ni Sim sida ni Ilam, ni Asur, ni Arpaksad, ni Lud, ag ni Aram. Kay manga anak ni Aram sida ni Us, ni Hul, ni Gitir, ag ni Misik.

¹⁸ Si Arpaksad kay ama ni Sila, ag si Sila kay ama ni Ibir.

¹⁹ May duwa ka anak lalaki si Ibir: kay usa iningarnan Pilig, dahil sa kay kaudasan ti manga tawu sa kalibutan naduwa; kay ngaran niya patar-ari si Huktan.

²⁰ Si Huktan kay ama nida ni Almudad, ni Silip, ni Hasarmabit, ni Hira,

²¹ ni Haduram, ni Usal, ni Dikla,

²² ni Ubal, ni Abimail, ni Shiba,

²³ ni Upir, ni Habila, ag ni Hubab. Sida tanan imaw kay manga anak ni Huktan.

²⁴ Nakan inda ti manga linahi ginan kan Sim: si Arpaksad, si Sila,

²⁵ si Ibir, si Pilig, si Riyu,

²⁶ si Sirug, si Nahur, si Tira,

²⁷ ag si Abram imaw diman si Abraham.

Kay manga Linahi ni Abraham

²⁸ Kay manga anak ni Abraham si Isaak ag si Ismail.

²⁹ Kay manga anak ni Ismail sida ni Nibayut (kay panganay), ni Kidar, ni Adbiil, ni Mibsam,

³⁰ ni Misma, ni Duma, ni Masa, ni Hadad, ni Tima,

³¹ ni Hitur, ni Napis, ag ni Kidima. Sida kay manga anak ni Ismail.

³² Kay manga anak lalaki ni Kitura, sa usa waya ka asawa ni Abraham, sida ni Simran, ni Huksan, ni Midan, ni Midyan, ni Isbak, ag ni Suwa. Kay manga anak lalaki ni Huksan si Shiba ag si Didan.

³³ Kay manga anak lalaki ni Midyan sida ni Ipa, ni Ipir, ni Hanuk, ni Abida, ag ni Ildaa. Imaw inda sida tanan kay manga linahi ni Kitura.

Kay manga Linahi ni Isaw

³⁴ Si Abraham kay ama ni Isaak. Kay manga anak ni Isaak si Isaw ag si Israil.

³⁵ Kay manga anak ni Isaw sida ni Ilipas, ni Ruwil, ni Hius, ni Halam, ag ni Kura.

³⁶ Kay manga anak ni Ilipas sida ni Timan, ni Umar, ni Sipu, ni Gatam, ni Kinas, ag ni Amalik. Si Amalik inda anak niya kan Timna.

³⁷ Kay manga anak ni Ruwil sida ni Nahat, ni Sira, ni Sama, ag ni Misa.

Ti manga Idumita

³⁸ Kay manga anak lalaki ni Siir sida ni Lutan, ni Subal, ni Sibyun, ni Ana, ni Disun, ni Isir, ag ni Disan.

³⁹ Kay manga anak ni Lutan si Huri ag si Humam. Magtar-ari si Lutan ag si Timna sa usa waya ka asawa ni Ilipas.

⁴⁰ Kay manga anak ni Subal sida ni Alban, ni Manahat, ni Ibal, ni Sipu, ag ni Unam. Kay manga anak ni Sibyun si Aya ag si Ana.

⁴¹ Kay anak ni Ana si Disun. Kay manga anak ni Disun sida ni Himdan, ni Isban, ni Itran, ag ni Kiran.

⁴² Kay manga anak ni Isir sida ni Bilhan, ni Saaban, ag ni Akan. Kay manga anak ni Disan si Us ag si Aran.

Ti manga Hari Idum

⁴³ Inda sida ti manga hari sa Idum katpung panahun udwaya may manga hari ti manga Israilita: Si Bila pag taga Dinhaba anak ni Biyur.

⁴⁴ Pagkamatay niya, inublusan siya ni Hubab anak ni Sira taga Busra.

⁴⁵ Pagkamatay ni Hubab, inublusan siya ni Husam taga Timan.

⁴⁶ Pagkamatay ni Husam, inublusan siya ni Hadad taga Abit anak ni Bidad. Si Hadad ti nakatalu sa manga Midyanita ati sa Muab.

⁴⁷ Pagkamatay ni Hadad, inilisan siya ni Samla taga Masrika.

⁴⁸ Pagkamatay ni Samla, inublusan siya ni Saul taga Rihubut arani sa Sapa Iyupratis.

⁴⁹ Pagkamatay ni Saul, inublusan siya ni Baal Hanan anak ni Akbur.

⁵⁰ Pagkamatay ni Baal Hanan, inublusan siya ni Hadad taga Pay. Kay asawa si Mihitabil anak ni Matrid ag linahi ni Misahab.

⁵¹ Sa uryan namatay waydi si Hadad. Inda sida ti manga takinan sa manga linahi Idum: si Timna, si Alba, si Hitit,

⁵² si Uhulibama, si Ila, si Pinun,

⁵³ si Kinas, si Timan, si Mibsar,

⁵⁴ si Magdiil, ag si Iram.