Jemes 2 - Hano Niu Testamen

Tabe Sinombu Duluai

¹ Ira tuaku duluai be nam dabe kimiu, gim binihimwasigi lol nonda Ratahigi sarisari Jisas Kraes, i gisav vinihia tehe be atatu rituai raumatan atatu liu rituai.

² Be atatu gairua rav mai lol nomiu imwa tataro mai gaisaga tavuha mai gaihurin bihu be nu loliana mai vatan̄oga. Lol taro gea hiru vwate mwa haroro mai gaisaga maleiga, nu bibili.

³ Gom seserai binihi marahi lalainia be mwa saga gaisaga tavuha i gom bevea be, “Togo mahuri la togotogo tavuha geki.” Take gom bevea lalai atat hiruga be, “Tu dagai kahaḡa, sage togo ata hurin bwalageku.”

⁴ Gom lol havanau? Gom lol atatu rituai ram liu rituai. Be gom binihi be atatu rituai ran liu rituai kea binihiv bwatigoro.

⁵ Giv roron̄tai ira tuaku! God mwa ḡita lua ira hiru lol ureure be rav rosoga lol binihimwasigi garagusi, i rav haḡo ute ratahigi be God nu tatauleo huria lalainira be ram dabea.

⁶ Take gom hav vinihi te marahi ira hiru. Atatu rosoga ram domuai rahumiu tagaro. Kera haḡea ram domuai kimiu vai lol imwan harahara. Kera haḡea ram domuai kimiu vai lol imwan harahara.

⁷ Kera haḡea be ram bev avoan hahantai vai alun Jisas, kea be mwa haḡo rahumiu.

⁸ Silo gaivua geki mwa du lol ravrava sabuga: “gov tabe tuamwa kunigo sibomwa.” Be gov tabe silo geki giḡo gom lol ginau vavtutu.

⁹ Take be gov vevea be atatu vwate nu liu vwate, kea gom buroga. Gom bahala huribe gom bahal silo non God.

¹⁰ Atatu be mwa huri silo non God duluai, take mwa hav tabe te silo kolo vwate, kea mwa bahala, huribe mwa bahal silo non God duluai.

¹¹ God mwa bevea be, “Gosav vuroga tehe lol halan lagiana.” God n̄an geki mwa bevea be, “Gosav wehi te bonogai.” Be vorate gom buroga lol halan lagiana take gom wehi bonogai kea gom bahal silo non God duluai.

¹² Gov vinihi dumwia be God vi vevegi ginau duluai be gom bevea i gom lolia. Silo non God mwa lol atatu ram maribwesi.

¹³ Haḡe gov hagav atatu dodolua. Be gosav hagav te atatu God sihav hagavigo tehe lol taro be vi vevegigo. Take atatu be mwa hagav sihav matagu tehe lol taron vevegi.

Binihimwasigi Garagusi i Rovoga Tavuha.

¹⁴ Ira tuaku be nam dabera, be atatu rai vevea be, nora binihimwasigi garagusi abena take ram hav lol te dum ginau vwate, nora binihimwasigi garagusi mwa du bonogai n̄ano. Binihimwasigi garagusi geki vi varahu dumwira?

¹⁵ Be tuada vwate lol Kraes vi togo hahagavi huri gaisaga sa ginaganiana.

¹⁶ Be gov vevea lalainia be, “God mwa dogo maigo! Gov aruaru i gov gan tavuhai ginau,” take gom hav lai te havanau be atatu gea mwa doronia.

¹⁷ Nom avoana ram bora ginau vuroi n̄ano. La hala n̄an gea, binihimwasigi garagusi be mwa du sibona, binihimwasigi garagusi be mwa hav lol te ginau vwate, binihimwasigi garagusi gea nu mate.

¹⁸ Kebe atatu vwate si vevea be, “Giḡo gom haḡo binihimwasigi garagusi, take inau nan masiri gin ginau be nan lolia.” Vagahiau gin binihimwasigi garagusi be mwa hav lol te ginau vwate, i inau nav vagahigo gin noḡu binihimwasigi garagusi gin havanau be nam lolia.

¹⁹ Gom binihimwasigi be God gaituvwa. Nu tavuha! Atmate ram binihimwasigi be God gaituvwa, i kera ram birururu i ram matagu.

²⁰ Kimiu ira daloi! Gom doronbe nai vagahigo be binihimwasigi garagusi mwa hav lol te ginau vwate?

²¹ God mwa lol sibimai Ebraham mwa bavtutu maia huri ginau be Ebraham nu lolia huribe nu lolia be men lol nituna Aisak gi tataroi tuntun la olta.

²² Haḡe gom iloe be binihimwasigi garagusi non Ebraham mai ginau duluai be mwa lolia ram lol rovoga utegaituvwa n̄ano. Non binihimwasigi garagusi nu melmelo gin havanau be nu lolia.

²³ Geki mwa seserai binihiva duluai ata lol ravrava sabuga be mwa bevea be, “Ebraham mwa binihimwasigi God, i God mwa laiḡoḡo binihimwasigi garagusi non Ebraham i binihimwasigi garagusi gea mwa lolia mwa bavtutu mai God.” I God nu uloi Ebraham gi tuana.

²⁴ Haḡe gom iloe be atatu ram bavtutu mai God gin ginau duluai be ram lolia, vorate gin binihimwasigi garagusi n̄ano.

²⁵ Gov vinihi dum vevurin Rehab be vavinen rovrovoi homu. God mwa lol Rehab mwa bavtutu maia sivi ginau be Rehab nu lolia. Mwa laiḡoḡo ira gita surai aten imwana i mwa buluira ram ban sivi hala duluai.

²⁶ Kunia be rebehin atatu be vui alolona nu mate, i binihimwasigi garagusi be mwa hav lol te ginau vwate kea mulei nu mate!