2 Jon 1 - Hano Niu Testamen

Avoanan Tabeana

¹ Nin muai bwatmetue ata lol imwa tataro. Lalai vavin gitalua mai ira nituna. Nam dabe kimiu duluai lol mwasigi. Avoana geki mwa hav mai tehe niniau siboku n̄ano take kera duluai be ram ilo mwasigi ram dabe kimiu.

² Gam dabe kimiu bwatun mwasigi be mwa dogo alolomai i vi togo mai kamai vai tuai.

³ Hogoi, sine hagavi i tamwata non God tata, i nituna, Jisas Kraes vi togo mai gida lol mwasigi i lolotabetabe.

⁴ Nam samsamwara maragai be nam iloe be ira nitumiu rituai ram huri halan mwasigi, kunia be tamanda mwa vevea lalai gida.

⁵ I kadogaha, vavin gitalua geki vorate tatauleo gara take tatauleo n̄ano be tan ron̄oe la bwativuna. Nam hudali kimiu be tav tabetabe gida duluai

⁶ Lolotabe, binihivanana be tav togo la hala be God mwa bevea. La bwativuna mwa bevea lalai kimiu be giv lolotabetabe lalainia.

⁷ Ira vagahi dentene ivusi lol ureure kadogaha be ram hav vev te luae be Jisas Kraes nu mai lol ureure kun abe atatu. Ihei tehe be mwa hav vev te luae kunia kea vagahi dentene i ivwalu non Kraes.

⁸ Giv gitaḡoro sibomiu be gisav haḡo te bahal ginau duluai be gin lol rovoga huria, take be giv lai tavwe duluai.

⁹ Ihei tehe be mwa ban avare la silo vagahi non Kraes i mwa hav lol te rahurahuinia be men huri non Silo Vagahi n̄ano kea mwa hav huri te God Vai lol rahuna. Take ihei be mwa huri rahurahu silo vagahi non Kraes kea mwa lai saraḡo tamanda i nituna vai alolona.

¹⁰ Be atatu vwate vi mai vai abemwa take mwa hav lai te non silo vagahi maia, gosav lai te ḡoḡoe sage gosav dame tehe be vi haroro la imwamwa.

¹¹ Be gov laiḡoḡo atatu kunia, gom lai rovoga daltale.

Nogonan Avoan Helheloi

¹² Inau nam dogo mai ginau ivusi be nav ravae lalainigo, take nam hav doron te didi lolia la pepa mai uli; ninia gea nam doronhohov be nav mai abemwa, i nav avo lolmatamwa i giḡo lol mataku bwatuna be tav masiri gin samwarana.

¹³ Ira hogosi gitalua gita lua ram hora nora avoan helheloi lalainigo.