1 Jon 1 - Hano Niu Testamen

Avoanan Tabeana

¹ Nomai roroi geki gam ravae lalai kimiu huri roroi huri rahuana, avoan mataisao. Avoana non God lalai kimiu mahavana be ureure sigai radu. Take avoan Mataisao non God gea nu togo huba. Bweromai nu ron̄oe i matamai nu gitae, i limamai nu sibweri avoana geki.

² Kea gabe nu lai rahuana nu visirai! I kadogaha gam bevea rahuan gara gabe nu togo mai Tata i mwa bisirai lalai gida.

³ Gam bev ginau lalai kimiu be gam ron̄oe i gam ḡitae. Huria be kimiu giv bulu mai kamai lol rahuana. I gam bulu maia lol Tata i mai Nituna Jisas Kraes.

⁴ Gam ravae geki be gamen vev seserai ginau kera geki lalai kimiu, bwatuna be geki mwa lol kamai gam samsamwara mwasigi.

God kea Gigita

⁵ Jisas nu vevea lalai kamai be God kea gigita i ute meto mwa hav tu te ḡoroe. Geki gam bevea lalai kimiu.

⁶ Be gida tas vevea be gida tam lago alolon rahuan tavuha mai God take nonda lalaḡova mwa lol ute meto, gida tam dentene i nonda lalaḡova mwa hav vora te mwasigi.

⁷ Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

Tai van Burigai nin Vuroda

⁸ Be gida tas siehi gida siboda be tam hav vuroga tehe, kunia mwasigi sigai aloloda.

⁹ Be tas seserai lua vuroda lalai God, gida tai vinihi mwasigi be kea vi binihi kaburai vuroda.

¹⁰ Be tas vevea be vuroda sigai, tam lol God gi tenteneana, i mwasigi mwa hav togo tehe aloloda.