NEHEMIA 12 - Pathien Lekhabu Inthieng (BSI)

Thiempuhai le Levi chihai

¹ Sealtiel naupa Zerubbabel le Jesua kuoma fe ve thiempuhai le Levi mihai chu hieng hi an nih; Seraia, Jeremia, Ezra,

² Amaria, Malluk, Hattus,

³ Sekania, Rehum, Meremoth,

⁴ Iddo, Ginnethoi, Abija,

⁵ Mijamin, Maadia, Bilga,

⁶ Semaia, Joiarib, Jedaia,

⁷ Sallu, Amok, Hilkia le Jedaia. Hieng- hai hi Jesua dam laia thiempuhai lai le an unauhai laia hotuhai an nih.

⁸ Chuong naw khawm Levi mihai chu: Jesua, Binnui, Kadmiel, Serebia, Juda, lâwmthu hrila hotu Mattania, ama le a unauhai leh.

⁹ Bakbukia le Unno le an unauhai khawm chu a pâwl pâwlin inepin an ngîr hlak a.

¹⁰ Chun, Jesua chun Joiakim chu a nei a, Joiakim chun Eliasib a nei a, Eliasib chun Joiada a nei a,

¹¹ Joiada chun Jonathan a nei a, Jonathan chun Jaddua a nei a nih.

¹² Chun, hienghai hi Joiakim dam lai chun thiempu, an sûngkaw luhai chu an nih: Seraia thlaa mi Meraia; Jeremia thlaa mi Hanania;

¹³ Ezra thlaa mi Mesullam, Amaria thlaa mi Jehohanan;

¹⁴ Malluki thlaa mi Jonathan, Sebania thlaa mi Josef;

¹⁵ Harim thlaa mi Adna; Meraioth thlaa mi Helkai;

¹⁶ Iddo thlaa mi Zekaria; Ginnethon thlaa mi Mesullam;

¹⁷ Abija thlaa mi Zikri; Miniamin thlaa mi; Moadia thlaa mi Piltai;

¹⁸ Bilga thlaa mi Sammua; Semaia thlaa mi Jehonathan;

¹⁹ Joiarib thlaa mi Mattenai; Jedaia thlaa mi Uzzi;

²⁰ Sallai thlaa mi Kallai; Amok thlaa mi Eber;

²¹ Hilkia thlaa mi Hasabia; Jedaia thlaa mi Nethanel.

²² Eliasib, Joiada, Johanan le Jaddua hai dam laia Levi mihai chu sûngkaw luhaia ziek an na; Persia mi Daria inlal laia thiempuhai khawm chu.

²³ Eliasib naupa Johanan dam lai chen khawmin Levi nauhai sûngkaw luhai chu chanchin ziekna bua chun ziek an nih.

²⁴ Chun, Levi chia a luhai: Hasabia, Serebia, Kadmiel naupa Jesua le an unau, Pathien mi David thupêk anga a pâwl pâwla inkhienga inpâk le lâwmthu hril dinghai leh.

²⁵ Mattania, Bakbukia, Obadia, Mesullam, Talmon le Akkub hai chu kawtkhâr kâwla thuomhnaw siekhâwmna le kawtkhâr vêngtuhai an nih.

²⁶ Hienghai hi Jesua, Jozadak naupa Joiakim dam laia mi le ram awptu Nehemia le Ezra, thiempu le lakhaziektu dam laia mi an nih.

Kul inhlân thu

²⁷ Jerusalem kul an inhlânnaa chun dârbenthekhai, perkhuonghai, ṭingṭanghai le hla sak le, lâwmthu hril lâwmtaka an inhlânnaa ṭhang dinga Jerusalema hung ṭhuoi dingin Levi mihai chu an hmun po poa inthawk chun an zawng suok a.

²⁸ Jerusalem kâwl vêl le, Netophath mihai khuohaia inthawk dâmin hla sak hotu nauhai chu an fe khâwm a;

²⁹ Beth-gilgal le, Geba le, Azmaveth rama inthawk dâm khâwmin hlasaktuhai chun Jerusalem vêla chun khuo an lo siem tâwl ta si a.

³⁰ Chun, thiempuhai le Levi mihai chu an insukthieng a, chun, mipuihai, kulhai, a kawtkhârhai an sukthieng a.

³¹ Chuongchun, Judahai mi lienhai chu kul chunga chun ka hang ṭhuoi a; lâwmthu hrilna hla saktu ding pâwl lientak ve ve pahni ka ruot a; pâwl khat chu hmunhnawk kawtkhâr tieng, kul chung changtieng pangah an fe a;

³² chun, anni chu Hosaia le Juda mi lien zâtve hai;

³³ Azaria, Ezra Mesullam,

³⁴ Juda, Benjamin, Semaia, Jeremia,

³⁵ tawtawrâwt chawi thiempu nau ṭhenkhathai le, Asaph naupa Zakkur, chu naupa Mikaia, chu naupa Mattania, chu naupa Semaia, chu naupa Jonathan, chu naupa Zekaria hai;

³⁶ a unau Semaia, Azarel, Milalai, Gilalai, Maai, Nethanel, Juda, Pathien mi David sut hlak thilhai chawi Hanani hai chun an zui a; chun, lekhaziektu Ezra chun an hma a ṭhuoi a.

³⁷ Chun, tuikhur kawtkhâr an tlungin kul hang kai ṭannaa an hmazâwn David khaw kailâwna hang fein David in saka chun an fe a, saktieng panga Tui kawtkhâr tlung rakin.

³⁸ Chun, lâwmthu hriltu pâwl danghai chu anni le intuok dingin vawi tieng pangah an fe a, chun, keiin mipui zâtve hai leh Meipui sepna Insâng sakah, kul chungah kullien chenin ka zui a,

³⁹ Ephraim kawtkhâr chunga dâm, Kawtkhâr hluia dâm, nga kawtkhâra dâm, Hananel insânga dâm, Za insânga dâm, Beram kawtkhâr tlung rakin; chun, Vengtu kawtkhâra chun an ngîr a.

⁴⁰ Chuongchun, lâwm thu hriltu pâwl hnihai chu Pathien inah an ngîr a, kei le rorêltu zâtve hai leh;

⁴¹ chun, tawtawrâwt chawi thiempuhai Eliakim, Maaseia, Miniamin, Mikaia, Elioenai, Zekaria le Hanania,

⁴² chun, Maaseia, Semaia, Eleazar, Uzzi, Jehohanan, Malkija, Elam le Ezer leh. Chun, hlasaktuhai chun an hotu Jezrahia rawiin inringtakin an sak a.

⁴³ Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

Thiempuhai le Levi chihai chan

⁴⁴ Chun, chu ni chun thawlâwmhai, a thêna thêna thilinhlân dâm, thlai thar hmasa tak dâm, sâwmapakhat dâm, siekhâwmna pindanhaia hotu, dânin a ruot ang thiempu le Levi mihai chanvo khaw tin lohma izir ang pei la khâwmtu dinghai an ruot a; Judahai chu rawngbâwltu thiempu le Levi mihai lei chun an lâwm hle a.

⁴⁵ An Pathien rawngbâwl dân ding le, insukthiengna dân chu an zâwm a, hlasaktuhai le kawtkhâr vengtuhai khawmin, David le a naupa Solomon thupêk ang chun.

⁴⁶ Tienlaia David le Asaph dam lai chun hlasak pâwl hotu an um hlak a, Pathien inpâkna hla le lâwmna hla an sak hlak a nih.

⁴⁷ Zerubbabel dam lai le, Nehemia dam lai chun Israel po poin hlasaktuhai le kawtkhâr vêngtuhai chu ni tina an tlâk tâwk ding chanvo an siempêk hlak a; chun, Levi mihai chu chanvo a suktumpêk bawk a; chun, anni Levi mihai chun Aron naupasalhai chanvo chu an suktumpêk hlak a.