JOSUA 15 - Pathien Lekhabu Inthieng (BSI)

Juda kuoma rambung pêka um chu

¹ Juda thlahai hnam an sûngkuo izir ang peia an chanpuola ruot chu Edom ramri chin simtieng pang, Zin thlalêr tlung rakin, sim tâwp chenin a va nih.

² Simtieng panga an ramri chu Tuipui thi tâwp chen, sim sawng likilkawia inthawkin a nih;

³ chun Akrabim fena simtieng panin a fe pei a, Zin a va tlung a, chun, Kades-barnea simtieng khan a fe a, Hezron a va tlung a, chun Adara khan a tungin a fe a, Karka a kuolkhum a,

⁴ Chun, Azmonah a fe pei a, Aigupta vadungah a suok a; chun, Mediterranean tuipuiah ramri chu a tâwp a. Chu chu simtieng panga in ramri ding chu nîng a tih.

⁵ Chun, saktieng pang ramri chu Tuipui Thi, Jordan suo tak chu a nih. Hmartieng pang ramri chu likilkawi, Jordan suoa inthawkin a nih;

⁶ chun, ramri chu Beth-hoglaah a tungin a fe a, Beth-araba hmârah a fe pei a; chun, ramri chu Reuben naupa Bohan lunga chun a fe pei a;

⁷ chun, ramri chu Akor ruoma inthawkin Debira chun a fe pei a, chun, vadung simtienga um Adummima hang fena depa Gilgal tieng panin hmârtieng a fe pei a; chun, ramri chu En-rogelah a suok a nih;

⁸ chun, ramri chu Hinnom naupa ruoma Jebus mihai ram sîr simtieng (chu chu Jerusalem a nih) chenin a fe pei a, chun, ramri chu Hinom thlangtieng panga ruom bula um tlâng sîpah a fe a, chu chu Rephaim hmârtieng pang ruom tâwp tak a nih,

⁹ chun, ramri chu tlâng sîpa inthawkin Nephtoa vadung tuihai chenin an infetir a; Ephron tlângah khawpuiahai chun a fe pei a; chun, ramri chu Baala-ah (chu chu Kiriath-Jearim a nih) an infetir a;

¹⁰ chun, ramri chu Baala-ah inthawk chun thlangtieng panga Seir tlâng chenin ân kuol thla nâwk a; hmârtieng panga Jearim (chu chu Kesalon a nih) tlâng hrûlah a fe pei a; Beth-Semesah a suok a, Timnaah a fe pei a;

¹¹ chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infetir a; chun, Baala tlângah a fe pei a, Jabneelah a fe thla a, chuongchun, ramri chu Mediterranean tuipuiah a va tâwp a.

¹² Chun, thlangtieng pang ramri chu Mediterranean Tuipui le a kam po chu a nih. Chu chu a nih Juda mihai an sungkuo izir ang peia ruot ramri chu.

Kalebin Hebron le Debir a hne

¹³ Jephunne naupa Kaleb chu Lalpain Josua thu a pêk angin Juda thlahai laia chun chanpuol a siempêk ve a; chu chu Kiriath-arba a nih; (chu chu Hebron an ti bawk a). Arba chu Anak pa a nih.

¹⁴ Kaleb chun chu khuoa inthawk chun Anak naupasalhai pathum Sesai hai, Ahiman hai, Talmai hai, Anak nauhai chu a hnawt suok a.

¹⁵ Chutaka inthawk chun Debira mihai a hang rûn a; a hma chun Debir hming chu Kiriath-sepher a nih.

¹⁶ Kaleb chun, “Tukhawm Kiriathsepher hang thaw a, hang la thei taphawt chu ka naunu Aksa hi nuhmeiah inneitir ka tih,” a ti a.

¹⁷ Kaleb unau Kenaz naupa Othniel chun a hang lâk a; chuongchun, a nau- nu Aksa chu nuhmeiah ân neitir ta a.

¹⁸ Aksa chu Othniel kuom a va tlung chun, ram hni dingin a thlêm a, a sabengtunga inthawk chu a ṭum a; Kaleb chun a kuomah, “Ieng am i dit a?” a lo ti a.

¹⁹ Ama chun, “Mal mi sâwm rawh, simtieng rama i mîn umtir ta si hin chu tui hnâr neihai khawm mi pe sa rawh,” a ta. Chuongchun, tui hnâr nei sakhnunghai le tui hnâr nei thlanghnunghai chu a pêk ta a.

Juda khawpuihai chu

²⁰ Juda thlahai hnam an sûngkuo izir ang peia an rochan chu hieng hi a nih:

²¹ Sim tâwpa Edom ramri va deptu, Juda thlahai hnam khawpui hmawrtawnghai chu Kabzeel, Eder, Jagur,

²² Kina, Dimona, Adada,

²³ Kedes, Hazor, Ithnan,

²⁴ Ziph, Telem, Bealoth,

²⁵ Hazor-Hadatta, Kerioth-hezron, (chu chu Hazor a nih),

²⁶ Amam, Sema, Molada,

²⁷ Hazar-gada, Hesmon, Bethpelet,

²⁸ Hazar-sual, Beerseba, Biziothia,

²⁹ Baala, Iim, Ezem,

³⁰ Eltolad, Kesil, Horma,

³¹ Ziklag, Madmanna, Sansanna,

³² Lebaoth, Silhim, Ain le Rimmon hai hi a nih; khawpui po po chu a sîrvêl khuohai leh sâwmhni pakuo a nih.

³³ Chun, phai ram tienga chun Estaol, Zora, Asna,

³⁴ Zanoa, En-gannim, Tappua, Enam,

³⁵ Jarmuth, Adullam, Soko, Azeka,

³⁶ Saaraim, Adithaim, Gedera le Gederothaim, khawpuihai chu a sîrvêl khuohai leh sâwmpali a nih.

³⁷ Zenan, Hadasa, Migdal-gad,

³⁸ Dilean, Mizpe, Joktheel,

³⁹ Lakis, Bozkath, Eglon,

⁴⁰ Kabbon, Lahmam, Kitlis,

⁴¹ Gederoth, Beth-dagon, Naama le Makeda khawpuihai chu a sîrvêl khuohai leh sâwmparuk a nih.

⁴² Libna, Ether, Asan,

⁴³ Iphta, Asna, Nezib,

⁴⁴ Keila, Akzib le Maresa, khawpuihai chu a sîrvêl khuohai leh pakuo a nih.

⁴⁵ Ekron le a sîrvêl khuohai le a khaw chînhai chu:

⁴⁶ Ekrona inthawka Mediterranean Tuipui chen hielin Asdod hrûla umhai po po a khaw chînhai leh.

⁴⁷ Asdod le a sîrvêla khuohai le a khaw chînhai chu: Gaza le a sîrvêl khuohai le a khaw chînhai chu; Aigupta vadung le Mediterranean Tuipui le a kam chenin.

⁴⁸ Chun, tlâng ram tieng chun Samir, Jattir, Soko,

⁴⁹ Danna, Kiriath-sanna (chu chu Debir a nih);

⁵⁰ Anab, Estemo, Anim,

⁵¹ Gosen, Holon, Gilo, khawpuihai chu a khaw chînhai leh sâwmpakhat a nih.

⁵² Arab, Duma, Esan,

⁵³ Janim, Beth-tappua, Apheka,

⁵⁴ Humta, Kiriath-arba (chu chu Hebron a nih) le Zior; khawpuihai chu a khaw chînhai leh pakuo a nih.

⁵⁵ Maon, Karmel, Ziph, Jutta,

⁵⁶ Jezreel, Jokdeam, Zanoa,

⁵⁷ Kain, Gibea le Timna, khawpuihai chu a khaw chînhai leh sâwm a nih.

⁵⁸ Halhul, Beth-zur, Gedor;

⁵⁹ Maarath, Beth-anoth, Eltekon, khawpuihai chu a khaw chînhai leh paruk a nih.

⁶⁰ Kiriath-baal (chu chu Kiriath-Jearim) a nih; Rabba dâm, khawpuihai chu a khaw chînhai leh khaw hni a nih.

⁶¹ Thlalêr tienga chun Betharaba, Middin le Sekaka,

⁶² Nibsan, Machi khawpui le, En-gedi, khawpuihai chu a khaw chînhai leh paruk a nih.

⁶³ Jerusalem khuoa mi Jebus mihai ruok chu Juda mipuihaiin an hnawt suok thei naw a: chuongchun, Jebus mihai chu Juda mipuihai leh tuchen hin Jerusalemah an la um hmunkhat ta zing a nih.