JOSUA 12 - Pathien Lekhabu Inthieng (BSI)

Mosie ihne lalhai chu

¹ Hienghai hi an nih chuong ram lal, Israelhaiin an sukbohmang a, an ram Jordan vadung râl, nisa suokna tieng ram, Arnon ruoma inthawka Hermon tlâng chen dâm, saktieng panga Araba po po le an ineipêk ram lalhai chu.

² Amorhai lal Sihon, Hesbona um chun Arnon ruom sîra um Aroera inthawkin ro a rêl a na; chun, ruom laitaka khawpuihai, Ammon thlahai ramri Jabbok vadung chenin Gilead ram zâtve chunga chun a rêl bawk a.

³ Saktieng chun Arabaa Galili dîl chenin a ni a; chun, saktienga ma, Bethjesimoth fena lampui tienga Araba tuipui, Tuipui Thi chenin a nih, chun, simtienga chu Pisga pangpêr ṭên chenin a nih;

⁴ chun, Astaroth le Edrei khuoa um Rephaim hnam la um sunhai laia chun Basan lal Og chu ân lal a.

⁵ Ama chun Hermon tlânga dâm chun, Salkaa dâm le Basan ram po poah Gesur mihai le Maakat mihai ramri chen le, Hesbon lal Sihon ramri chin Gilead ram zâtve chenin ro a rêl a.

⁶ Lalpa siehlaw Mosie le Israel nauhai chun chuonghai chu an that a; Lalpa siehlaw Mosie chun Reuben chihai, Gad chihai, Manasse hnam zâtve chu an rochan dingin a sempêk a.

Josua ihne lalhai chu

⁷ Chun, hieng ram lalhai hi an nih Josua le Israel nauhaiin Jordan vadung râl thlangtieng panga an thathai chu; Lebanon ruom Baalgada inthawka Seir tlâng hang khawtu Halak tlâng chenin, chun, Josua chun Israel hnamhai chu an inṭhe ang peiin chu ram chu an rochan dingin a pêk tâwl a,

⁸ tlâng rama dâm, phai rama dâm, Arabaa dâm, tlâng pangpêr rama dâm, thlalêr rama dâm, Sim rama dâm, chuong chu Hit mihai, Amor mihai, Kanaan mihai, Periz mihai le Jebus mihai ram kha a nih.

⁹ Jeriko lal pakhat; Bethel depa Ai khuo lal pakhat;

¹⁰ Jerusalem lal pakhat; Hebron lal pakhat;

¹¹ Jarmuth lal pakhat; Lakis lal pakhat;

¹² Eglon lal pakhat; Gezer lal pakhat;

¹³ Debir lal pakhat; Geder lal pakhat;

¹⁴ Horma lal pakhat; Arad lal pakhat;

¹⁵ Libna lal pakhat; Adullam lal pakhat;

¹⁶ Makeda lal pakhat; Bethel lal pakhat;

¹⁷ Tappua lal pakhat; Hepher lal pakhat;

¹⁸ Aphek lal pakhat; Lasaron lal pakhat;

¹⁹ Madon lal pakhat; Hazor lal pakhat;

²⁰ Simron-meron lal pakhat; Aksaph lal pakhat;

²¹ Taanak lal pakhat; Megiddo lal pakhat;

²² Kedes lal pakhat; Karmel tlânga Jokneam lal pakhat;

²³ Dor tlâng sang Dor lal pakhat; Galilia Goiim lal pakhat;

²⁴ Tirza lal pakhat; lal po po chu sâwmthum le pakhat an nih.