JEREMIA 45 - Pathien Lekhabu Inthieng (BSI)

Baruk kuoma Jeremia thucha

¹ Juda ram lal Josia naupa Jehoiakim inlal kum, kum linaa, Jeremia baua inthawka lekhabua thuhai a ziek laia, Neria naupa Baruk kuoma zâwlnei Jeremia thuhril thu chu:

² “Aw Baruk, Lalpa, Israel Pathien chun i kuoma chun hieng hin a tih.

³ ‘Lalpa chun ka natna chunga hin lungngaina chu a belsa si a, ka chung a va rik de! kân rûmna leiin ka chau a, sâwldamna hrim ka hmu nawh,’ i ti a.

⁴ Chuongchun, ama kuoma chun hieng hin hril i tih: Lalpa chun hieng hin a tih: Ngai ta, ka rem ta chu sukchim ka ta, ka phun ta khawm chu phawidawk ka tih; hi hi ram pumpui sûnga hin:

⁵ Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.