ISAI 12 - Pathien Lekhabu Inthieng (BSI)

Lâwmthu hrilna hla

¹ Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

² Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

³ Chuleiin, sandamna tuikhura inthawk chun hlimtakin tui la chawi in tih.

⁴ Chu nia chun hieng ang hin la hril in tih, “Lalpa kuoma chun lâwmthu hril unla, a thilthawhai chu mi tin kuomah inhriettir unla, a hming chu chawimawiin a um ti hril ro.

⁵ Lalpa chawimawiin hla sak unla, ama chun thil ṭhatakhai chu a lo thaw ta si a; chu chu hnuoi chunga um po pohaia hin hrietin um raw se.

⁶ Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.