INṬANNA 10 - Pathien Lekhabu Inthieng (BSI)

Noa naupasalhai thlahai

¹ Hieng hi Noa naupasal, Sem, Ham, le Japheth thlahai chu an nih; tuilêt hnunga naupasal an ineihai chu.

² Japheth naupasalhai chu: Gomer, Magog, Madai, Javan, Tubal, Mesek le Tiras an nih.

³ Gomer naupasalhai chu: Askenaz, Riphath le Togarma an nih.

⁴ Javan naupasalhai chu: Elisa, Tarsis, Kittim le Dodanim an nih.

⁵ Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

⁶ Ham naupasalhai chu: Kush, Mizraim, Put le Kanaan an nih.

⁷ Kush naupasalhai chu Seba, Havila, Sabta, Raama le Sabteka hai an nih. Raama naupasalhai chu Sheba le Dedan an nih.

⁸ Kush chun naupasal Nimrod a nei a: ama chu hnuoia mi hrât hmasatak a nih.

⁹ Lalpa hmaa ramsuok mi hrâttak a nih; chuleiin a nih, “Lalpa hmaa ramsuok mi hrâttak Nimrod ang a nih,” an ti hlak chu.

¹⁰ Ân lal phutna chu Sinar rama Babel, Erek, Akkad le Kalne khuo a nih.

¹¹ Chu rama inthawk chun a suok a, Assuriaah a lût a, Ninevi, Rehoboth-Ir, Kala le,

¹² Ninevi le Kala inkâra Resen khuohai a siem a (chu Resen chu khaw ropuitak a nih).

¹³ Chun, Mizraim chun Lud, Anam, Lahab, Naphtu,

¹⁴ Pathrus, Kaslu (Philistinhai suokna) le Kaphtor mihai a thla a.

¹⁵ Kanaan chun a nau lutîrah Zidon a nei a, Heth khawm a nei bawk a;

¹⁶ Jebus-hai, Amor-hai, Girgashai,

¹⁷ Hiv-hai, Arko-hai, Sin-hai,

¹⁸ Arvad-hai, Zemar-hai, Hamathai, a thla a; chu hnunga chun Kanaan hnamhai chu an hung indar lien pei ta a.

¹⁹ Chun, Kanaan hnamhai ramri chu Zidona inthawkin Gerar pan zâwngin Gaza chenin; Sodom, Gomorra, Adma le Zeboiim pan zâwngin, Lasa chenin a nih.

²⁰ Chuonghai chu Ham thlahai chu an nih, anni hnamhai ang pei le anni ṭawng ang peiin, anni ram rama le anni chi lai chun.

²¹ Sem, Eber nau po pohai thlatu, Japheth u khawm chun nauhai a nei ve a.

²² Sem naupasalhai chu: Elam, Assur, Arpaksad, Lud le Aram an nih.

²³ Aram nauhai chu: Uz, Hul, Gether le Mash an nih.

²⁴ Arpaksad chun naupasal Sela a nei a; Sela chun naupasal Eber a nei a.

²⁵ Eber chun naupasal pahni a nei a: pakhat hming chu Peleg a na, a dam lai chun hnuoi hi ṭhein a um ta si a, a sang hming chu Joktan a nih.

²⁶ Joktan chun naupasal Almodad, Seleph, Hazarmaveth, Jera,

²⁷ Hadoram, Uzal, Dikla,

²⁸ Obal, Abimael, Seba,

²⁹ Ophir, Havila le Jobab a nei a: chuong po po chu Joktan naupasalhai an nih.

³⁰ Chun, an umna chu Mesaa inthawkin khawsak tlâng Sephar pan zâwngin a nih.

³¹ Chuonghai chu Sem thlahai chu an ni a, anni hnamhai ang pei le anni ṭawnghai ang peiin, anni ram ramhaiah, anni chihai ang pei chun.

³² Chuonghai chu Noa thlahai hnamhai an ni a, an thlahai ang peiin, an chihai lai chun: tui lêt hnungin chuonghaia inthawk chun a nih, hnuoia hin chi tin an indar ta chu.