INPÂKNA HLABU 3 - Pathien Lekhabu Inthieng (BSI)

Pathiena innghat mi zîng ṭawngṭâina

A naupa Absaloma inthawka a tlân hmang laia David inpâkna hla.

¹ Lalpa, a mi dotuhai hi an va pung ta de! A mi hung thawtuhai hi tamtak an nih;

² “Pathiena chun a ta dingin ṭhangpuina hrim a um nawh,” tia, Ka hringna chungchâng thu hriltu tamtak an um.

³ Nisienlakhawm, aw Lalpa, nang chu ka vêlin ka phaw i na, Ka ropuina le ka lu dawm kângtu i nih.

⁴ Ka râwlin Lalpa chu ka ko a, A tlâng inthienga inthawk chun a mi hung dawn hlak a.

⁵ Kei chu ka zâl chu ka lo ininnghil ta a; Ka hang har nâwk a, Lalpa chun a mi lo chel zing hlak a nih.

⁶ Mi sîng khat khawm hi ṭi naw ning, Kei mi hung doa, mi hung inhuol vêltuhai hi.

⁷ Aw Lalpa, tho la, aw ka Pathien; mi sandam rawh! Ka hmêlmahai po po bekbawra chun i benpêk tâwl ta si a; Mi rilohai hahai chu i suktlam a.

⁸ Sandamna chu Lalpa ta a na, I malsâwmna chu i mihai chungah um raw se.