EZEKIEL 2 - Pathien Lekhabu Inthieng (BSI)

Ezekiel kova a umna

¹ Chun, ka kuomah, “Mihriem naupa, i kehai chun ngîr la, inbiekpui ka ti che,” a mi ti a.

² Chun, ka kuoma thu a hril lai chun thlarau chu ka sûnga chun a hung lût a, ka kehai chun a mîn ngîrtir a; chun, ka kuoma thuhriltu chu ka ngai ta a.

³ Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

⁴ Chu thla chu zakmawtak le lungril ngar an na; an kuoma chun ka tir che a ni hi; chun, an kuoma chun hieng ang hin hril i tih, ‘Lalpa Pathien chun hieng ang hin a tih,’ tiin.

⁵ Chun, an lo ngai khawma, an lo ngaisak naw khawmin amanih, anni laia zâwlnei a um ti chu hre chêk an tih, (sûngkaw hel an ni si a).

⁶ Chun, nang mihriem naupa, anni chu ṭi naw la, hlo hlingnei le buorhai i kâwla chun umin, ainuvêt laia chun chêng la khawm, an thuhai chu ṭi chuong bawk naw la; sûngkaw hel hmang ni hai sien khawm an thuhaia chun ṭi naw la, an hmêl enin beidawng bawk naw rawh.

⁷ Chun, an lo ngai khawma, an lo ngaisak naw khawma, an kuoma chun ka thuhai chu hril hrim hrim i ta; hel hmangtak el an ni si a.

⁸ Nisienlakhawm, nang mihriem naupa, i kuoma ka hril chu ngai ta; chu sûngkuo hel hmang ang chun hel hmang ni ve naw la; i bau chu ka la, ka pêk che chu fa rawh,” a ta.

⁹ Chun, ka hang en a, ngai ta, keia tieng hin bân hin a mi hei ban a; chun, ngai ta, chutaka chun lekhabu zuol hi a um a;

¹⁰ ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.