NAMBAR 7 - Pathien Lekhabu Inthieng (BSI)

Mâichâm inhlânna dinga thilinhlânhai

¹ Chuongchun, Mosie chun biekbûk chu ân ngir zo a, hriek a nâl a, a sukthieng a, a thuomhnaw po po le a mâichâm le a bûrlebêlhai po po hriek a nâl a, a sukthieng ni chun,

² Israel ṭhuoituhai, an pahnam ṭhuoituhai chun thilinhlân an inhlân a, chuonghai chu an hnam ṭhuoi- tuhai, an tiemhai chunga kha um an nih.

³ An thilinhlânhai chu tawlailîr chung nei paruk le, bâwngchal sâwm- pahni, ṭhuoitu pahniin tawlailîr pakhat pei, pakhatin bâwngchal pakhat pei LALPA hmaa chun an hung lâk a, biekbûk bula chun an hung inhlân a.

⁴ LALPA chun Mosie a biek a,

⁵ “Biekbûk sina dingin a ṭangkai ding a na, lo la raw khai, Levi mihai an sin thaw izir ang peiin pe seng i ta,” tiin.

⁶ Chuongchun, Mosie chun tawlai- lîrhai le bâwngchalhai chu a lâk a, Levi mihai a pêk a.

⁷ Tawlailîr pahni le bâwngchal pali chu Gerson naupasalhai chu an sin izir peiin a pêk a.

⁸ Tawlailîr pali le bâwngchal pa- riet chu thiempu Aron naupa Ithamar rawihai Merari naupasalhai chu an sin izir peiin a pêk a.

⁹ Kohath naupasalhai ruok chu a pêk ve nawh; hmun inthieng sin chu an chanpuol a na, a zâwna zâwn ding a ni leiin.

¹⁰ Thiempuhai chun hriek nâl ni chun mâichâm inhlânna dinga an thilinhlânhai chu mâichâm bula chun an inhlân a.

¹¹ Chun, LALPAIN Mosie kuom- ah, “Ṭhuoitu tinin mâichâm inhlânna dinga thilinhlân chu anni chan peiah an inhlân ding a nih,” a ta.

¹² Ni khat nia thilinhlân inhlântu chu Juda chi Amminadab naupa Nason a na;

¹³ a thilinhlân chu tangkaruo thlêng pakhat a rikzie chu shekel za le sâwmthum, hmun inthienga she- kel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

¹⁴ shekel sâwm tluka rik rimin- hnika sip rangkachak haihaw pakhat;

¹⁵ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

¹⁶ suol thâwina dingin kêlchal pakhat;

¹⁷ chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga, hieng hi Amminadab naupa Nason thilinhlânhai chu an nih.

¹⁸ Ni hni ni chun Issakarhai ṭhuoitu Zuar naupa Nethanel chun ân hlân a;

¹⁹ a thilinhlâna ding chun tang- karuo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

²⁰ shekel sâwm tluka rik rimin- hnika sip rângkachak haihaw pakhat;

²¹ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

²² suol thâwina dingin kêlchal pakhat;

²³ inremna inthâwi thilinhlâna dingin bâwngchal pahni, berâmchal panga, kêlchal panga, berâmte a chal kum khat mi panga ân hlân a. Hieng hi Zuar naupa Nethanel thilin- hlânhai chu an nih.

²⁴ Ni thum ni chun Zebulun thlahai ṭhuoitu Helon naupa Eliab chun ân hlân a;

²⁵ a thilinhlân chu tangkaruo thlêng pakhat, a rikzie chu shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

²⁶ shekel sâwm tluka rik rim- inhnika sip rângkachak haihaw pakhat;

²⁷ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

²⁸ suol thâwina dinga kêlchal pakhat;

²⁹ inremna inthâwi thilinhlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Helon naupa Eliab thilinhlânhai chu an nih.

³⁰ Ni li ni chun Reuben thlahai ṭhuoitu Sedeur naupa Elizur chun ân hlân a;

³¹ a thilinhlân chu tangkaruo thlêng pakhat a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlân dinga hriek chawkpawlsa beiphit inditaka sip ve ve;

³² shekel sâwm tluka rik rimin- hnika sip rângkachak haihaw pakhat;

³³ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

³⁴ suol thâwina dingin kêlchal pakhat; inremna inthâwi thilinhlân dingin bâwngchal pahni;

³⁵ berâmchal panga, kêlchal panga, berâmte a chal kum khat mi panga a nih. Hieng hi Sedeur naupa Elizur thilinhlânhai chu an nih.

³⁶ Ni nga ni chun Simeon thla Zurisaddai naupa Selumiel chun ân hlân a;

³⁷ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

³⁸ shekel sâwm tluka rik rimin- hnika sip rângkachak haihaw pakhat;

³⁹ pumrawhmang thilinhlâna dingin bâwngchal tuoi pakhat, be- râmchal pakhat, berâmte kum khat mi pakhat;

⁴⁰ suol thâwina ding kêlchal pakhat;

⁴¹ inremna inthâwi thilinhlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Zurisaddai naupa Selumiel thilin- hlânhai chu an nih.

⁴² Chun, ni ruk ni chun Gad thla- hai ṭhuoitu Deuel naupa Eliasaph chun ân hlân a,

⁴³ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlân dinga hriek chawkpawlsa beiphit inditaka sip ve ve;

⁴⁴ shekel sâwm tluka rik rimin- hnika sip rângkachak haihaw pakhat;

⁴⁵ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

⁴⁶ suol thâwina dingin kêlchal pakhat;

⁴⁷ chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga an nih. Hieng hi Deuel naupa Eliasaph thilinhlânhai chu an nih.

⁴⁸ Ni sari ni chun Ephraim thlahai ṭhuoitu Ammihud naupa Eliasam chun ân hlân a;

⁴⁹ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlân dinga hriek chawkpawlsa, beiphit inditaka sip ve ve;

⁵⁰ shekel sâwm tluka rik rimin- hnika sip rângkachak haihaw pakhat;

⁵¹ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat,

⁵² suol thâwina dingin kêlchal pakhat;

⁵³ chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Ammihud naupa Eliasam thilinhlânhai chu an nih.

⁵⁴ Ni riet ni chun Manasse thlahai ṭhuoitu Pedahzur naupa Gamaliel chun ân hlân a;

⁵⁵ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlân dinga hriek chawkpawlsa beiphit inditaka sip ve ve;

⁵⁶ shekel sâwm tluka rik rimin- hnika sip rângkachak haihaw pakhat;

⁵⁷ pumrawhmang thilinhlâna dingin bâwngchal tuoi pakhat, be- râmchal pakhat, beramtê a chal kum khat mi pakhat;

⁵⁸ suol inthâwina dingin kêlchal pakhat;

⁵⁹ chun, inremna inthâwi thilin- hlâna dingin bâwngchal pahni, be- râmchal panga, kêlchal panga, berâmte kum khat mi panga a nih. Hieng hi Pedahzur naupa Gamaliel thilinhlânhai chu an nih.

⁶⁰ Ni kuo ni chun Benjamin thla Gideoni naupa Abidan chun ân hlân a;

⁶¹ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlân dinga hriek chawkpawlsa beiphit inditaka sip ve ve;

⁶² shekel sâwm tluka rik rimin- hnika sip rângkachak haihaw pakhat;

⁶³ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

⁶⁴ suol thâwina dingin kêlchal pakhat;

⁶⁵ chun, inremna inthâwi thilin- hlâna dingin bâwngchal pahni, be- râmchal panga, kêlchal panga, berâmte a chal kum khat mi panga a nih. Hieng hi Gideoni naupa Abidan thilinhlânhai chu an nih.

⁶⁶ Chun, ni sawm ni chun Dan thlahai ṭhuoitu Ammisaddai naupa Ahiezer chun ân hlân a;

⁶⁷ a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlâna dinga hriek chawkpawlsa beiphit inditaka sip ve ve;

⁶⁸ shekel sâwm tluka rik rimin- hnika sip rângkachak haihaw pakhat;

⁶⁹ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat,

⁷⁰ suol thâwina dingin kêlchal pakhat;

⁷¹ chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Ammisaddai naupa Ahiezer thilinhlânhai chu a nih.

⁷² Ni sâwmpakhat ni chun, Aser thlahai ṭhuoitu Okran naupa Pagiel chun ân hlân a;

⁷³ a thilinhlân chu tangkaruo thlêng pakhat, a rikzie chu shekel za le sâwmthum, hmun inthienga she- kel sâwmsari tluka rik tangkaruo châwtawl pakhat, fâkmi thilinhlâna dinga hriek chawkpawlsa beiphit inditaka sip ve ve;

⁷⁴ shekel sâwm tluka rik rimin- hnika sip rângkachak haihaw pakhat;

⁷⁵ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

⁷⁶ suol thâwina dingin kêlchal pakhat;

⁷⁷ chun, inremna inthâwi thilin- hlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Okran naupa Pagiel thilinhlânhai chu an nih.

⁷⁸ Ni sâwmpahni ni chun, Naph- tali thlahai ṭhuoitu Enan naupa Ahira chun ân hlân a;

⁷⁹ a thilinhlânhai chu tangkaruo thlêng pakhat, a rikzie shekel zâ le sâwmthum, hmun inthienga shekel sâwmsari tluka rik tangkaruo châw- tawl pakhat, fâkmi thilinhlâna dinga hriek chawkpawlsa beiphit inditaka sip ve ve;

⁸⁰ shekel sâwm tluka rik rimin- hnika sip rângkachak haihaw pakhat;

⁸¹ pumrawhmang thilinhlâna dingin bâwngchal tuoi pakhat, be- râmchal pakhat, berâmte a chal kum khat mi pakhat;

⁸² suol thâwina dingin kelchal pakhat;

⁸³ inremna inthâwi thilinhlâna dingin bâwngchal pahni, berâmchal panga, kêlchal panga, berâmte a chal kum khat mi panga a nih. Hieng hi Enan naupa Ahira thilinhlânhai chu an nih.

⁸⁴ Chun, mâichâm hriek nâl nia Israel ṭhuoituhai thilinhlânhai chu tangkaruo thlêng sâwmpahni, tang- karuo châwtawl sâwmpahni, rângka- chak haihaw sâwmpahni;

⁸⁵ tangkaruo thlêng chu shekel zâ le sâwmthum tluka rik seng an nih; châwtawl chu sâwmsari seng a rik a nih; tangkaruo bûrlebêlhai po po chu hmun inthienga shekel sâng hni le za li tluka rik a nih.

⁸⁶ Riminhnika sip rângkachak haihaw sâwmpahni chu hmun in- thienga shekel sâwm tluka rik seng an nih; rângkachak haihawhai po po chu shekel za le sâwmhni tluka rik a nih;

⁸⁷ pumrawhmang thilinhlân ding- a bâwngchal po po chu sâwmpahni an nih; berâmchal sâwmpahni, berâmte a chal kum khat mi sâwmpahni, an fâkmi thilinhlânhai leh; chun, suol thâwina dingin kêlchal sâwmpahni;

⁸⁸ inremna inthâwi thilinhlâna dingin bâwngchal sâwmhni pali, berâmchal sâwmruk, kêlchal sâwm- ruk le berâmte a chal kum khat mi chu sâwmruk a nih. Hi hi hriek nâl hnunga mâichâm inhlânna thilin- hlânhai a nih.

⁸⁹ Chuongchun, intuokna puon ina ama be dinga Mosie a lût chun thuthlung bâwm chunga zângaina ṭhungpha chungtienga cherub pahni- hai inkâra inthawk chun ama hung bein rawl a hriet a; rawl chun a biek tah a.