NAMBAR 26 - Pathien Lekhabu Inthieng (BSI)

Moaba Israel tiema an um thu

¹ Hremna chu a rê hnung chun LALPA chun Mosie le thiempu Aron naupa Eleazar chu a biek a.

² “Israel thlahai pungkhâwm po pohai chu, kum sâwmhni chen chung- tieng, a chi chiin, Israel rama râl kâp thei chin chu tiem vawng ro,” tiin.

³ Chuongchun, Mosie le thiempu Eleazar chun Jeriko zâwn, Jordan pang, Moab phaiah anni chu an biek a,

⁴ “Mipuihai chu kum sâwmhni chin chungtieng tiem ro,” tiin, LALPAIN Mosie le Aigupta rama inthawka hung Israel thlahai kuoma thu a pêk ang khan.

⁵ Israel nau lutîr Reuben; Reuben nau pasalhai; Hanok pahnama mi Hanok; Pallu pahnama mi Pallu;

⁶ Hezron pahnama mi Hezron; Karmi pahnama mi Karmi.

⁷ Hienghai hi Reuben pahnama mi chu an nih, tiem ta po chu sîng li sâng thum za sari le sâwmthum an nih.

⁸ Pallu thla Eliab;

⁹ Eliab thlahai chu; Namuel, Dathan, le Abiram an nih. Hieng Dathan le Abiram hai hi an nih LALPA an thaw laia Mosie le Aron thawtu Kora pâwla ṭhang pung- khâwmhai ithlanghai chu.

¹⁰ Chu pâwl chu an thi lai chun hnuoiin a bâu a kah a, Kora hai le chun a lem tah a; meiin mi za hni le sâwmnga a kâng hlum ṭum khan; chuongchun, inchikna a hung ni tah a.

¹¹ Nisienlakhawm, Kora naupa- salhai chu an thi nawh.

¹² An pahnam indawt dân ang peia Simeon thlahai; Namuel thlahai Namuelrawi, Jamin thlahai Jamin- rawi;

¹³ Jakin thlahai Jakinrawi; Jera thlahai Jerarawi; Shaul thlahai Shaulrawi an nih.

¹⁴ Hienghai hi Simeon thlahai chu an nih, sîng hni sâng hni le za hni an nih.

¹⁵ An pahnam indawt dân ang peia Gad naupasalhai: Zephon thla- hai Zephonrawi; Haggi thlahai Haggirawi; Suni thlahai Sunirawi;

¹⁶ Ozni thlahai Oznirawi; Eri thlahai Erirawi;

¹⁷ Arod thlahai Arodrawi; Areli thlahai Arelirawi an nih.

¹⁸ Hienghai hi Gad naupasalhai thlahai nizât chu a nih, sîng li le za nga an nih.

¹⁹ Juda naupasalhai Era le Onan an nih. Era le Onan chu Kanaan ramah an thih a.

²⁰ Chun, Juda thlahai pahnam fe dân chun hieng ang hi a nih; Sela thlahai Selarawi; Perez thlahai Perez- rawi; Zera thlahai Zerarawi an nih.

²¹ Perez thlahai chu: Hezron thlahai Hezronrawi; Hamul thlahai Hamulrawi an nih.

²² Hienghai hi Juda naupasalhai thlahai nizât chu a nih, sîng sari sâng ruk le za nga an nih.

²³ An pahnam indawt dân ang peia Issakar thlahai: Tola thlahai Tolarawi; Puva thlahai Puvarawi;

²⁴ Jasub thlahai Jasubrawi; Simron thlahai Simronrawi an nih.

²⁵ Hienghai hi an tiem dân anga Issakar naupasalhai thlahai nizât chu a nih, sîng ruk sâng li le za thum an nih.

²⁶ An pahnam indawt dân ang peia Zebulun thlahai: Sered thlahai Seredrawi; Elon thlahai Elonrawi; Jaleel thlahai Jaleelrawi an nih.

²⁷ Hienghi Zebulun thlahai nizât chu a nih, sîng ruk le za nga an nih.

²⁸ An pahnam indawt dân ang peia Josef thlahai: Manasse le Ephraim;

²⁹ Manasse thlahai; Makir thlahai chu Makirrawi, Makir chun Gilead a thla a. Gilead thlahai chu Gileadrawi an nih.

³⁰ Chun, hienghi Gilead thlahai an nih: Iezer thlahai chu Iezerrawi; Helek thlahai chu Helekrawi;

³¹ Asriel thlahai chu Asrielrawi; Sekem thlahai chu Sekemrawi;

³² Semida thlahai chu Semida- rawi; Hepher thlahai chu Hepherrawi an nih.

³³ Chun, Hepher naupa Zelophe- had chun naupasal nei loin naunu- hmei a nei a; Zelophehad naunuhmei- hai hming chu Mahla, Noa, Hogla, Milka le Tirza an nih.

³⁴ Hienghi Manasse thlahai an nih, an nizât chu sîng nga sâng hni le za sari an nih.

³⁵ Hienghi an pahnam indawt dân ang peia Ephraim thlahai an nih: Suthela thlahai chu Suthelarawi; Beker thlahai chu Bekerrawi; Tahan thlahai chu Tahanrawi an nih.

³⁶ Chun, hienghi Suthela thlahai chu an nih. Eran thlahai chu Eran- rawi an nih.

³⁷ Hienghi Ephraim thlahai pa- hnam nizât an nih; sîng thum sâng hni le za nga an nih. Hienghi an pahnam indawt dân ang peia Josef thlahai an nih.

³⁸ An pahnam indawt dân ang peia Benjamin thlahai: Bela thlahai chu Belarawi; Asbel thlahai chu Asbelrawi; Ahiram thlahai chu Ahiramrawi an nih.

³⁹ Sesupham thlahai chu Sesu- phamrawi; Hupham thlahai chu Huphamrawi an nih.

⁴⁰ Bela thlahai chu Ard le Naaman an nih. Ard thlahai chu Ardrawi; Naaman thlahai chu Naamanrawi an nih.

⁴¹ Hienghi an pahnam indawt dân peia Benjamin thlahai an nih; an nizât chu sîng li sâng nga le za ruk an nih.

⁴² Hienghi an pahnam indawt dân ang peia Dan thlahai an nih; Suham thlahai chu Suhamrawi an nih. Hienghi an pahnam indawt dân ang peia Dan thlahai chu an nih.

⁴³ Suhamrawi thlahai po po nizât chu sîng ruk sâng li le za li an nih.

⁴⁴ An pahnam indawt dân ang peia Aser thlahai chu: Imna thlahai chu Imnarawi; Isvi thlahai chu Isvirawi; Beria thlahai chu Beriarawi an nih.

⁴⁵ Beria thlahai chu: Heber thlahai chu Heberrawi; Malkiel thlahai chu Malkielrawi an nih.

⁴⁶ Aser nau nuhmei hming chu Sera a na.

⁴⁷ Hienghi Aser naupasalhai thla- hai nizât chu a nih, sîng nga sâng thum le za li an nih.

⁴⁸ An pahnam indawt dân ang peia Naphtali thlahai chu: Jazeel thlahai chu Jazeelrawi; Guni thlahai chu Gunirawi;

⁴⁹ Jazer thlahai chu Jazerrawi; Sillem thlahai chu Sillemrawi an nih.

⁵⁰ Hienghi an pahnam indawt dân ang peia Naphtali thlahai an nih; an tiem po hai chu sîng li sâng nga le za li an nih.

⁵¹ Hieng hi Israel thlahai an tiem po hai chu an na, nuoi ruk sâng khat za sari le sâwmthum an nih.

Aisânin ram chu insem ding a nih

⁵² Chun, LALPA chun Mosie a biek a,

⁵³ “Hienghai hi an hming tam dân ang hu peiin ram hi sempêk ding a nih.

⁵⁴ A tam deuhai chu ram pe tam deu i ta, a tlâwm deuhai chu pe tlâwm deu i tih; an tam dân ang peiin ram chu pêk seng ding a nih.

⁵⁵ Amiruokchu, aisânin ram chu sem ding a nih; an puhai hnam hming indawt dân ang peiin ram chu chang an tih.

⁵⁶ Chun, aisân ang pei chun a tam le tlâwmhai kuoma khawm ram chu sem nîng a tih,” tiin.

Levi pahnam

⁵⁷ Chun, hieng hi Levi mihai an pahnam indawt dân ang peia tiemhai chu an nih: Gerson thlahai chu Gersonrawi; Kohath thlahai chu Kohathrawi; Merari thlahai chu Merarirawi an nih.

⁵⁸ Hienghi Levi thlahai an nih: Libna thlahai, Hebron thlahai, Mahli thlahai, Musi thlahai, Kora thlahai an nih. Kohath chun Amram a thlah a.

⁵⁹ Amram nuhmei hming chu Jokebed, Levi naunu, Aigupta rama Levi kuoma pieng a nih. Chun, ama chun Amram le chun Aron le Mosie le an farnu Miriam chu a nei a.

⁶⁰ Aron chun Nadab hai, Abihu hai, Eleazar hai, Ithamar hai a nei a.

⁶¹ Nadab le Abihu chu LALPA hmaa hmang lo ding chi mei an hmang lai khan an thih a.

⁶² Tiem po po pasal thla khat chin chungtieng chu sîng hni le sâng thum an nih. Israel mihai laia ram sem chang ve ding an ni naw leiin Israel mihai laia tiem an ni nawh.

⁶³ Hieng hi a nih Jeriko zâwn, Jordan vapang, Moab phaia Israel thlahai tiemtu Mosie le Eleazarin an tiemhai chu.

⁶⁴ Nisienlakhawm, Sinai thlalêra Israel mihai Mosie le thiempu Aronin an tiemhai kha pakhat khawm a um an um ta nawh a.

⁶⁵ LALPA chun, “Thlalêrah an thi ngei ngei ding a nih,” a lo ti ta leiin. Jephunne naupa Kaleb le Nun naupa Josua chau naw chu tukhawm a dam an um ta nawh.