LEVI DÂN 7 - Pathien Lekhabu Inthieng (BSI)

¹ “Hi hi bawsietna inthâwina dân ding chu a nih: Thil inthieng tak a nih.

² Pumrawhmang thilinhlân an thatna hmuna chun bawsiet in- thâwina khawm chu an that ding a nih; chun, a thisen chun mâichâm chu an the vêl ding a nih.

³ A thâu po po chu inhlân an ta; a mei thâu tak dâm, a sûng thâu dâm,

⁴ a kalhai pahni le a tuomtu thâu, a diemnêma mi le a thin tuomtu duorda, a kalhai pum chun phawr a ta;

⁵ thiempu chun LALPA kuoma mei hmanga thilinhlânin mâichâm chunga chun a raw ding a nih; chu chu bawsiet inthâwina a nih.

⁶ Thiempu sungkuoa pasal ta- phawt chun chu chu fâng an ta; hmun inthienga fâk ding a nih; chu chu thil inthieng tak a nih.

⁷ Bawsiet inthâwina chu suol inthâwina ang bawk a na, dân ang- khat a nih; chutaka intlanna siemtu thiempu chun, chu chu a nei ding a nih.

⁸ Pumrawhmang thilinhlân in- hlânpêktu thiempu ngei chun pumrawhmang thilinhlâna a în- hlân vun chu a chang vawng ding a nih.

⁹ Chun, a zêunaa zêu fâkmi thilin- hlân taphawthai, a urnaa ur le thlêngdâra zêu po pohai chu ân hlântu thiempu chanpuol ding a nih.

¹⁰ Fâkmi thilinhlân po po chu hrieka hmet khawm, a ṭâwl khawm a dang ang bawkin Aron naupasalhaiin an insem tlâng ding a nih.

¹¹ “Hi hi miin LALPA kuoma a înhlân ding, inremna thilinhlân inthâwina dân ding chu a nih:

¹² Lâwmthu hrilna dinga ân hlân chun, lâwmthu hril inthâwinaa chun hrieka hmet chawl ṭhanglo bei le, hrieka nâl chawl ṭhanglo beiphêk inphânhai le, hrieka hmet beiphit inditak inchie zawp ân hlân sa ding a nih.

¹³ Lâwmthu hrilna dinga inremna thilinhlâna inthâwina ding chun chawl ṭhang bei ân hlân sa ding a nih.

¹⁴ Chutaka mi chu thilinhlân tina mi LALPA kuoma thêna thilinhlân dingin pakhat seng inhlân a ta; inremna thilinhlân thisena thetu thiempu chanpuol ding a nih.

¹⁵ Lâwmthu hrilna dinga inremna thilinhlân inthâwina sa chu, chu thilinhlân ân hlân ni ngei chun fâk zo ding a nih; zîngkâr chen iengkhawm a khêk ding a ni nawh.

¹⁶ Amiruokchu, a thilinhlân in- thâwina chu thutiem amanih, mâni nuomthua thilinhlân amanih a ni chun, ân thâwina ân hlân ni ngei chun fâk ding a nih; fâk mahla chu a zîng tûka fâk ding a nih;

¹⁷ amiruokchu, inthâwina sa a ni thum ni chena la um ta rawp chu raw el ding a nih.

¹⁸ A inremna thilinhlân inthâwina sa chu ni thum ni chena an fâk chun pawmpêk ni naw nih a, ân hlântu khawm chu inhlâna ngai ni naw bawk a tih; thil tirdakum nîng a ta, tukhawm a fa taphawt chun an khawhlona maw chu phur an tih.

¹⁹ “Sa, thil inthiengnaw hrim hrim le intâwk chu fâk ding a ni nawh a, raw el ding a nih. Sa chu ân thienghai po chun fa thei an ta,

²⁰ inthienglo puma LALPA chan- puol inremna thilinhlân inthâwina sa fatu ruok chu, a chipuihai laia inthawka tuithlârin a um ding a nih.

²¹ Tukhawma thil inthiengnaw hrim hrim, mi inthiengnaw amanih, ran inthiengnaw amanih, thil tirdak- um pawrche hrim hrim a tâwk a, inremna thilinhlân inthâwina sa, LALPA chanpuol chu a fâk chun, ama chu a chipuihai laia inthawka tuithlârin a um ding a nih,” tiin.

²² LALPA chun Mosie a biek a,

²³ “Israel thlahai chu hril la: Sebâwng amanih, berâm amanih, kêl amani thâu chu in fâk ding a ni nawh.

²⁴ Mâniha thi thâu le sa ise thâu chu thil dang ienga khawm hmang thei nîng a ta, fâk ruok chu in fâk dêr ding a ni nawh.

²⁵ Tukhawm LALPA kuoma mei hmanga thilinhlâna inhlân sa thâu fatu chu, a chipuihai laia inthawkin tuithlârin a um ding a nih.

²⁶ In umna taphawta chun thisen hrim hrim, vate amanih, ramsa amanih thisen chu in fâk ding a ni nawh.

²⁷ Tukhawm ni sienla, thisen fa hrim hrim chu, a chipuihai laia in- thawkin tuithlârin a um ding a nih,” tiin.

²⁸ LALPA chun Mosie a biek a,

²⁹ “Israel thlahai kuoma chun hril la: LALPA kuoma inremna thilinhlân inthâwina inhlân taphawt chun a thilinhlân chu LALPA kuomah a hung inhlân ding a nih; a inremna thil- inhlânhai inthâwinaa inthawk chun,

³⁰ ama kuthai ngeiin mei hmanga thil inhlânhai chu LALPA kuomah a hung chawi ding a na; a thâu chu a âwm pumin a hung lâk ding a nih, a âwm chu LALPA hmaa thên thilinhlâna thên a ni theina dingin.

³¹ Thiempu chun a thâu chu mâichâmah rawng a ta; a âwm ruok chu Aron le a naupasalhai chanpuol ding a nih.

³² A mal changtieng chu, i in- remna thilinhlân hai inthâwinaa inthawka i thilinhlân dingin thiempu kuoma chun i pêk ding a nih;

³³ Aron naupasalhai laia mi, in- remna thilinhlânhaia thisen le thâu inhlântu chun, a mal changtieng chu ama chanpuol dingin a nei ding a nih.

³⁴ A âwm an ithên le a mal an inhlân hlak chu, Israel thlahai an inremna thilinhlân inthâwinahaia inthawkin ka lâkpêk a, Israel thlahai kumkhaw thaw dân dingah thiempu Aron le a naupasalhai ka pêk tah a nih.

³⁵ Hi hi a nih, Aron le a nau- pasalhai chanpuol dinga, LALPA kuoma mei hmanga thilinhlânhaia inthawka sie hran, anni chu thiempu sin thawh a, LALPA rawngbâwl dinga inhlân an nia inthawka an chanpuol ding chu;

³⁶ anni chu hriek nâla an um niin, Israel mipuihaiin hi thil hi pe dingin LALPAIN thu a pêk tah a nih; hi hi an thlahai chena dinga kumkhaw thil phût chu a nih,” tiin.

³⁷ Hi hi, pumrawhmang thilinhlân dâm, fâkmi thilinhlân dâm, suol thâwina thilinhlân dâm, bawsiet in- thâwina thilinhlân dâm, inhlân inthiengna thilinhlân dâm, inremna thilinhlânhai dâm dinga,

³⁸ Sinai thlalêrah, an thilin- hlânhai chu, Israel mipuihai chun LALPA kuoma hung inhlân dinga thu a pêk nia, Sinai tlânga LALPAIN Mosie kuoma thu a pêk chu a nih.