LEVI DÂN 11 - Pathien Lekhabu Inthieng (BSI)

Sa inthieng le inthieng nawhai

¹ LALPA chun Mosie le Aron a biek a,

² “Israel thlahai chu hril unla. ‘Hnuoi chunga um sa po po laia in fâk thei ding thil hringhai chu hienghai hi an nih:

³ Sa laia a tin inkâk a, a irsuok sawi chi taphawt chu fa thei in tih.

⁴ Amiruokchu, irsuok sawi chi le tin inkâk laia miah hienghai hi chu in fâk ding a ni nawh: sanghâwngsei, irsuok chu a sawi a, a ke tin ân kâk naw leiin in ta dingin a thieng naw a nih.

⁵ Râwl mazupui, irsuok a sawi deha chu, a tin ân kâk naw leiin in ta dingin thieng naw a nih.

⁶ Mazupui, irsuok a sawia chu a tin ân kâk naw leiin in ta dingin a thieng naw a nih.

⁷ Vawk, a tin chu ân kâk a, irsuok a sawi naw leiin in ta dingin a thieng- naw a nih.

⁸ An sa in fâk ding a ni nawh a, an ruong khawm in tâwk ding a ni nawh, in ta dingin an inthieng naw a nih.

⁹ “Tuia chêng po po lai hienghai hi fa thei in tih: Tuisuorieta manih, vadunga manih, tuia chêng pângpar le phuhlip nei taphawt chu fa thei in tih.

¹⁰ Tuia chêng hai po po le, tuia thilhring um po po laiah, tuisuorieta mi amanih, vadunga mi amanih pângpar le phuhlip nei naw taphawt chu in ta dingin thil tirdakum an nih.

¹¹ In ta dingin thil tirdakum nîng an ta, an sa in fâk ding a ni nawh a, an ruonghai khawm chu thil tirdak- umah in nei ding a nih.

¹² Tuia mi pângpar le phuhlip nei naw taphawt chu in ta dingin thil tirdakum an nih.

¹³ “Vatehai laia mi chu hienghai hi thil tirdakuma in nei ding chu an nih: fâk lo ding an na, thil tirdakum an nih, mupui dâm, musie dâm, muârla dâm,

¹⁴ mute dâm, muvânlai chi hrim hrim dâm;

¹⁵ vaâk tieng chi hrim hrim dâm,

¹⁶ ostrik dâm, vabak dâm, tuipui pelêu dâm, mu chi hrim hrim dâm,

¹⁷ simbu dâm, kaikuongrâl dâm, chingpirinu dâm,

¹⁸ tui vatâwk dâm, tuivalawng dâm, mulukawl dâm,

¹⁹ tuivaârngo dâm, awinu chi hrim hrim, va khawhri dâm le bâk dâm khawm.

²⁰ “Thla nei ke palia lâwn chi hrim hrim chu in ta dingin thil tirdakum nîng an ta.

²¹ Amiruokchu, thla nei, ke palia lâwn chi khawm hnuoi chunga inchâwmna dinga an kepâr chung tienga êlpui nei po po fa thei in ta;

²² chuonghai laia chun, khâuṭhik- ṭhi chi hrim hrim dâm, ṭhângkhâu chi hrim hrim dâm, khuongbai chi hrim hrim dâm fa thei in tih.

²³ Amiruokchu, thla nei, ke pali nei, a lâwna lâwn chi po po chu in ta dingin thil tirdakum ni vawng an tih.

²⁴ “Chun, hieng lei hin inthieng naw hung kai thei in tih; mi tukhawm saruong tâwk taphawt chu zântieng chenin inthieng naw nîng an ta;

²⁵ tukhawm hieng ruonghai latu- hai chun an puonhai an sâwp ding a na, zântieng chenin inthieng naw nîng an tih.

²⁶ Ran a tin inkâk a, inkâk suok lo, irsuok khawm sawi lo chi taphawt chu in ta dingin thil tirdakum nîng an tih.

²⁷ Chun, sapheimanli chi po poah kebawra lâwn taphawt chu in ta dingin thil tirdakum an na: an ruong tâwk taphawt chu zântieng chenin inthiengnaw nîng an tih.

²⁸ An ruong latuhai taphawt chun an puonhai an sâwp ding a na, zântieng chenin inthieng naw nîng an tih; in ta dingin thil tirdakum a nih.

²⁹ “Chun, hnuoia invâka invâk chi laia in ta dinga thil tirdakum chu hieng hi nîng an tih: bui dâm, mazu dâm, tangkâwng chi hrim hrim dâm,

³⁰ sawkkhe dâm, khawmuol awle dâm, chawlru dâm, tangmâm dâm, laikîng dâm.

³¹ Hieng hi invâka invâk chi po po laia in ta dinga thil tirdakumhai chu an nih.

³² An thia thil iengkhawm an del chu inthieng naw ni pei an tih; thil hmang lai phawt, thing hmangruo dâm, puon dâm, savun dâm, saiip dâm khawm ni sienla, tuia inchie ding a na, zântieng chenin inthieng naw nîng a tih; chu zo chun inthieng a tih.

³³ Pil bêl iengkhawm sûngah a tla lût chun, a sûnga um po po chu in- thieng naw a nih a, in sukkawi ding a nih.

³⁴ Chu bêla fâk mi po po khawm, chutaka tuiin a khieng ta hrim hrim chu thil inthieng naw nîng a tih; chuong ang bêl hrim hrima dâwnmi dâwn thei chi po po inthieng naw an nih.

³⁵ Thil iengkhawm an ruong a ieng lai khawma a del taphawt chu thil tirdakum ni pei a ta, bei urna thuk amanih, a zêuna bêl amani khawm ni sienla vuok kawi pei ding a nih; a pawrche tah a, in ta dingin thil inthieng naw a ni ding a nih.

³⁶ Amiruokchu, tuikhur amanih, tuibêl amanih, tui intling khâwm amani chu pawrche naw nih a, an ruongin a itâwk taphawt ruok chu zântieng chenin inthieng naw nîng a tih.

³⁷ Chun, thlai chi chîngmi hrim hrim chu an ruong chun a ieng lai khawm lo del ta sienla a pawrche nawh a.

³⁸ Amiruokchu, thlai chi tuia inchie hnung an ruong a ieng lai khawmin del sienla, in ta dingin thil inthien gnaw a nih.

³⁹ “Ran in fâk thei chi hrim hrim khawm lo thi ta sienla, a ruong tâwktu taphawt chu zântieng chenin inthieng naw nîng a tih.

⁴⁰ A sa fa taphawt chun an puon sâwp an ta, zântieng chenin inthieng naw nîng an tih; a ruong latu khawm chun a puonhai a sâwp ding a na, zântieng chenin inthieng naw nîng a tih.

⁴¹ “Thilhring hnuoia bawkinvâk chi po po chu thil tirdakum an na, in fâk ding a ni nawh.

⁴² Phînga intawl chi le ke palia invâk chi amanih, ke tamtak nei chi amanih, hnuoia bawkinvâk chi hrim hrim chu in fâk ding a ni nawh, thil tirdakum an ni sih a.

⁴³ Bawkinvâk chi hrim hrimin in insukpawrche ding a ni nawh; thieng naw in ni nawna dingin anni chun in insukpawrche ding a ni bawk nawh.

⁴⁴ Kei hi LALPA in Pathien ka ni sih a; chuleiin, insukthieng unla, inthiengin um ro; kei kân thieng sih a; hnuoia chêng, bawkinvâk chi a ieng ieng khawma insukpawrche naw ro.

⁴⁵ In Pathien ni dinga Aigupta rama inthawka ṭhuoitu cheu LALPA chu ka ni sih a; kei kân thieng sih a, chuleiin, nangni khawm in inthieng ding a nih.

⁴⁶ Hi hi sa le vate le thilhring tuia chêng mi tinrêng le hnuoia bawkin- vâk chi tinrênghai chungchânga dân ding chu a nih;

⁴⁷ a thieng le thieng naw thlierna ding le, thilhring fâk thei mi le fâk theilo mi thlierna dingin,’ ti rawh,” tiin.