JOSUA 21 - Pathien Lekhabu Inthieng (BSI)

Levi chihai khawpuihai chu

¹ Chun, Levi chi sûngkuo lusa- hai chu thiempu Eleazar kuoma le Nun naupa Josua kuoma le Israel thlahai hnam sûngkuo lusahai kuoma chun an va feh a,

² Kanaan rama khawpui Silo khuoa chun, “LALPAIN Mosie hmang- in kan umna ding khawpuihai, kan ran tlatna ding a khawkâwl vêl leh mi pe dingin thu a lo pêk a nih ie,” tiin an hril a.

³ Chuongchun, Israel thlahai chun LALPA thupêk angin an chanpuola inthawk chun chuong khawpuihai chu an khawkâwl vêlhai le chun Levi chihai chu an pêk tah a.

⁴ Aisân chu Kohath mihai hnam chungah a tlu tah a, chuongchun, thiempu Aron thla Levi chihai chun Juda hnam chanpuola mi dâm, Simeon mihai hnam chanpuola mi dâm, Benjamin hnam chanpuola mi dâm khawpui sâwmpathum aisânin an chang veh a.

⁵ Kohath thla danghai chun Ephraim hnam thlahai chanpuola mi dâm, Dan hnam chanpuola mi dâm, Manasse hnam zâtve chanpuola mi dâm khawpui sâwm aisânin an chang ve tah a.

⁶ Gerson thlahai chun Issakar hnam thlahai chanpuola mi dâm, Basan rama Manasse hnam zâtve chanpuola mi dâm khawpui sâwm- pathum aisânin an chang ve tah a.

⁷ Merari thlahai chun an sûngkuo izir ang peiin Reuben hnam chan- puola mi dâm, Gad hnam chanpuola mi dâm, Zebulun hnam chanpuola mi dâm khawpui sâwmpahni an chang veh a.

⁸ Israel thlahai chun LALPAIN Mosie hmanga thu a pêk ang khan chu khawpuihai le a khaw kâwlvêlhai chu aisânin Levi chihai an pêk a.

⁹ Juda thlahai hnam chanpuola mi dâm, Simeon thlahai hnam chanpuol- a mi dâm, chu an pêk a, hieng khaw- pui an hming hitaka hrilhai hi;

¹⁰ chuong chu Levi thla, Kohath mihai hnamhai, Aron thlahai ta ding a nih; aisân chu an chungah a tlu hmasatak hrim a.

¹¹ Chun, Juda tlâng rama Kiriath- arba (chu chu Hebron) le a khaw kâwlvêlhai chu an pêk a. Arba chu Anak pa a nih.

¹² Khawpui sîrvêl le a khuo chînhai chu Jephunne naupa Kaleb ta dingin a chanpuolah an pêk a.

¹³ Chun, thiempu Aron thlahai chu Hebron, mi thattuhai inhumhim- na khawpui le, a khaw kâwlvêlhai, Libna le a khaw kâwlvêlhai,

¹⁴ Jattir le a khaw kâwlvêlhai, Estemoa le a khaw kâwlvêlhai,

¹⁵ Holon le a khaw kâwlvêlhai, Debir le a khaw kâwlvêlhai leh,

¹⁶ Ain le a khaw kâwlvêlhai, Jutta le a khaw kâwlvêlhai, Beth- semes le a khaw kâwlvêlhai leh; chuong hnam hnihai chanpuola inthawka khawpui pakuohai chu an pêk a.

¹⁷ Chun, Benjamin hnam chan- puola mi chu Gibeon le a khaw kâwl- vêlhai, Geba le a khaw kâwlvêlhai,

¹⁸ Anathoth le a khaw kâwlvêlhai, Almon le a khaw kâwlvêlhai leh, khawpui pali an pêk bawk a.

¹⁹ Aron thla thiempuhai khawpui po po chu sâwmpathum a nih, a khaw kâwlvêlhai leh.

²⁰ Levi chi Kohath thlahai sûngkuo, Kohath thla danghai khawma an chan- puol khawpuihai chu Ephraim hnam chanpuola mi kha a nih an nei chu.

²¹ Mi thattuhai inhumhimna khawpui Ephraim tlâng rama Sekem chu a khaw kâwlvêlhai leh, Gezer le a khaw kâwlvêlhai,

²² Kibzaim le a khaw kâwlvêlhai, Beth-horon le a khaw kâwlvêlhai leh khawpui pali an pêk a.

²³ Dan chanpuola mi Elteke le a khaw kâwlvêlhai, Gibbethon le a khaw kâwlvêlhai,

²⁴ Aijalon le a khaw kâwlvêlhai, Gath-rimmon le a khaw kâwlvêlhai leh, khawpui pali;

²⁵ Manasse hnam zâtvehai chan- puola mi Ta-anak le a khaw kâwl- vêlhai, Gath-rimmon le a khaw kâwlvêlhai leh, khawpui pahni.

²⁶ Kohath thla danghai hnam khawpui po po chu khaw sâwm a nih, a khaw kâwlvêlhai leh.

²⁷ Gerson thlahai, Levi hnamhai chu Manasse hnam zâtvehai chan- puola mi, mi thattuhai inhumhimna khawpui, Basan rama Golan chu a khaw kâwlvêlhai leh, Be-estera le a khaw kâwlvêlhai leh, khawpui pahni an pêk a.

²⁸ Issakar hnam chanpuola mi Kison le a khaw kâwlvêlhai, Dabe- rath le a khaw kâwlvêlhai,

²⁹ Jarmuth le a khaw kâwlvêlhai, En-gannim le a khaw kâwlvêlhai leh; khawpui pali;

³⁰ Aser hnam chanpuola mi Misal le a khaw kâwlvêlhai, Abdon le a khaw kâwlvêlhai,

³¹ Helkath le a khaw kâwlvêlhai, Rehob le a khaw kâwlvêlhai leh, khawpui pali;

³² Naphtali hnam chanpuola mi, mi thattuhai inhumhimna khaw- pui Galili rama Kadesh chu a khaw kâwlvêlhai leh, Hamoth-dor le a khaw kâwlvêlhai, Kartan le a khaw kâwlvêlhai leh, khawpui pathum;

³³ Gersonhai chu an sûngkuo izir ang peiin an chanpuol khawpui po po chu khawpui sâwmpathum a nih, a khaw kâwlvêlhai leh.

³⁴ Merari thlahai sûngkuo, Levi mi danghai chu Zebulun hnam chanpuola mi Jokneam le a khaw kâwlvêlhai, Karta le a khaw kâwl- vêlhai leh an pêk a;

³⁵ Dimna le a khaw kâwlvêlhai, Nahalal le a khaw kâwlvêlhai leh, khawpui pali;

³⁶ Reuben hnam chanpuola mi Bezer le a khaw kâwlvêlhai, Jahaz le a khaw kâwlvêlhai,

³⁷ Kedemoth le a khaw kâwlvêl- hai, Mephaath le a khaw kâwlvêlhai leh, khawpui pali,

³⁸ Gad hnam chanpuola mi, mi that- tuhai inhumhimna khawpui, Gilead rama Ramoth, a khaw kâwlvêlhai Mahanaim a khaw kâwlvêlhai leh,

³⁹ Hesbon a khaw kâwlvêlhai leh, Jazer le a khaw kâwlvêlhai, a rêngin khawpui pali.

⁴⁰ Chuong po po chu Levi chihai sûngkuo danghai Merari thlahai an sûngkuo izir ang peia an khawpuihai chu an nih: chuongchun, an chanpuol chu khawpui sâwmpahni a nih.

⁴¹ Israel thlahai chanpuola mi Levi chihai khawpui po po chu khawpui sâwmli le pariet a nih, a khaw kâwlvêlhai leh.

⁴² Chuong khawpuihai chun khaw kâwlvêl a nei seng a, chuong khawpui po po chu chuong ang vawng chu an nih.

Israelin Ram chu a nei

⁴³ Chuongchun, LALPAIN an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluoh a, a sûngah an chêng tah a.

⁴⁴ Chun, LALPAIN an thlatuhai kuoma inkhâma a lo tiem ta ang ngei khan hmun tinah muongna a pêk a, an hmêlmahai po po chu tukhawm an hmaa ṭhang thei an um nawh a;

⁴⁵ LALPAIN Israel sûnghai kuomah a ṭha tieng thu a lo hril ta hrim kha a thlâwn hrim hrim a um nawh a, a hung tlung vawng a nih.