JOSUA 19 - Pathien Lekhabu Inthieng (BSI)

Rambung Simeon kuoma pêk chu

¹ Chun, aisân pahnina chu Simeon chungah, Simeon thla- hai hnam chungah an sûngkuo izir ang peiin a tlu tah a; an chanpuol chu Juda thlahai chanpuol lai khan a ṭhang ve a nih.

² An chanpuola tluhai chu, Beer- seba, Seba, Molada,

³ Hazar-sual, Bala, Ezem,

⁴ Eltolad, Bethul, Horma,

⁵ Ziklag, Beth-markaboth, Hazar- susa,

⁶ Beth-lebaoth le Saruhen, khaw- pui sâwmpathum a khaw chînhai leh.

⁷ Ain, Rimmon, Ether le Asan; khawpui pali a khaw chînhai leh;

⁸ chuong khawpui vêla khaw chîn- hai po po Baalath-beer, simtienga Ramah chenin. Chuong chu a nih Simeon thlahai hnam an sûngkuo izir ang peia an chanpuola ruot chu.

⁹ Simeon thlahai chanpuol chu Juda thlahai chanpuol laia mi a nih; Juda thlahai chanpuol chu anni ta dingin a lien taluo sih a; chuleiin, Simeon thlahai chanpuol chu an chan lai khan a ṭhang ve a nih.

Rambung Jebulun kuoma pêk chu

¹⁰ Chun, aisân pathumna chu Zebulun thlahai chungah an sûngkuo izir ang peiin a tlu tah a; an chanpuol ramri chu Sarid chenin a nih;

¹¹ chun, an ramri chu thlangtieng pangah Marala tlung zakin a fe pei a; Dabbeseth a va tlung a, chun, Jokneam saka vadungte a va tlung a;

¹² Sarida inthawkin saktieng pangah nisa suokna tieng pangah Kisloth-tabor ramri chenin a hang kâwi a; Daberathah a suok a, Japhiaa chun a fe pei a;

¹³ chun, chutaka inthawk chun saktieng pangah Gitta-hepher le Eth- kazinah a fe pei a; Nea tieng panin Rimmonah a suok a;

¹⁴ chun, ramri chu hmârtienga chun Hannathon-ah ân kuol phei a, Iphtahel ruomah a suok a,

¹⁵ chun, Kattath, Nahalal, Sim- ron, Idala le Bethlehem; khawpui sâwmpahni a khaw chînhai leh.

¹⁶ Chuong chu a nih Zebulun thlahai an sûngkuo izir ang peia an chanpuola ruot chu; chuong khawpui- hai le a khaw chînhai chu.

Rambung Issakar kuoma pêk chu

¹⁷ Aisân palina chu Issakar chungah, Issakar thlahai an sûngkuo izir ang peiin a tlu tah a;

¹⁸ an ramri chin chu Jezreel, Kesulloth le Sunem,

¹⁹ Hapharaim Sion, Anaharath,

²⁰ Rabbith, Kision, Ebez;

²¹ Remeth, En-gannim, En-hadda le Beth-pazez chenin a nih;

²² ramri chu Tabor, Sahazuma le Beth-semes a va tlung a nih; chuong- chun, an ramri suokna chu Jordanah a nih; khawpui sâwmparuk, a khaw chînhai leh.

²³ Chuong chu a nih Issakar thlahai hnam an sûngkuo izir ang peia an chanpuola ruot chu, khaw- puihai le a khaw chînhai chu.

Rambung Aser kuoma pêk chu

²⁴ Aisân pangana chu Aser thlahai hnam chungah an sûngkuo izir ang peiin a tlu tah a.

²⁵ An ramri chin chu Helkath, Hali, Beten, Aksaph,

²⁶ Allammelek, Amad le Misal an nih; thlangtieng panga chun Karmel le Sihor-libnath a zu tlung a;

²⁷ chun, nisa suokna tieng panga chun Beth-dagonah an kuol a, chun, Zebulun le hmârtieng pangah Iphtah- el ruomah Bethemek le Neiel a va tlung a, chun, hmârtieng panga chun fe peiin Kabul,

²⁸ Ebron, Rehob, Hammon, Kana le Sidon ropui tlung zakin a fe pei a;

²⁹ chun, ramri chu Ramaa le Tura khawpui kul neia chun ân kuol phei a; chun, ramri chu Hosaah ân kuol phei pei a, chuongchun, Akzib ram tuisuorietah a suok a.

³⁰ Umma, Aphek le Rehob, khaw sâwmhni pahni le a khaw chînhai leh,

³¹ Chuong chu a nih Aser thlahai hnam an sûngkuo izir ang peia an chanpuol chu, chuong khawpuihai le a khaw chînhai chu.

Rambung Naphtali kuoma pêk chu

³² Aisân parukna chu Naphtali thlahai chungah an sûngkuo izir ang pei bawkin Naphtali thlahai chung ngeiah a tlu tah a.

³³ An ramri chin chu Helepha inthawk dâm, Zanannima thingsai- suoa inthawk dâm, Adami-nekeb le Jabneela inthawka Lakkum chenin a nih; chun, a suokna chu Jordanah a nih;

³⁴ chun, ramri chu thlangtieng panga chun Aznoth-taborah a fe thlah a; chutaka inthawkin Hukkok- ah a feh a; chun, simtienga chun Zebulun a va tlung a, thlangtienga chun Aser a tlung a, chun, nisa suokna tienga chun Juda rama Jordan a hang tlung a.

³⁵ Chun, khawpui kul nei mihai chu Ziddim, Zer, Hammath, Rakkath, Kinnereth,

³⁶ Adama, Rama, Hazor,

³⁷ Kedes, Edrei, En-hazor,

³⁸ Iron, Migdal-el, Horem, Beth- anath le Beth-semes an nih; khawpui sâwmpakuo a khaw chînhai leh,

³⁹ Chuong chu a nih Naphtali thlahai hnam an sûngkuo izir ang peia an chanpuol chu, khawpuihai le a khaw chînhai chu.

Rambung Dan kuoma pêk chu

⁴⁰ Aisân pasarina chu Dan thlahai hnam chungah an sûngkuo izir ang peiin a tlu tah a.

⁴¹ An chanpuol ramri chu Zora, Estaol, Ir-semes,

⁴² Saalabin, Aijalon, Ithla,

⁴³ Elon, Timna, Ekron,

⁴⁴ Elteke, Gibbethon, Baalat,

⁴⁵ Jehud, Bene-berak, Gath- rimmon,

⁴⁶ Me-jarkon, Rakkon, Joppa dep ramhai le khan an nih.

⁴⁷ Dan thlahai ramri chun chuong chu a va khêl a, Dan thlahai chun Lesem an hang do a, an lâk a, kâwl- hnâmin an sukbohmang a, an nei tah a; chutaka chun an um nghâl ta a, an pu Dan hming chu chawi- in Lesem chu Dan an lo inbûk tah a nih.

⁴⁸ Chuong chu a nih Dan thlahai hnam an sûngkuo izir ang peia an chanpuol chu, chuong khawpuihai le a khaw chînhai le chun.

Rambung Josua kuoma pêk chu

⁴⁹ Chuongchun, an chanpuol ding anga ramri siem ang peiin ram chu an lo sem zo tah a; chuongchun, Israel thlahai chun Nun naupa Josua chu anni lai chanpuol an siempêk veh a;

⁵⁰ LALPA thupêk angin Ephraim tlâng rama a khawpui hni Timnath- Sera khuo chu an pêk a; chun, khawpui chu a siem ṭha a, chutaka chun a um tah a.

⁵¹ Chuonghai chu a nih thiempu Eleazar hai, Nun naupa Josua hai le Israel thlahai hnam sûngkuo upahai- in Siloa LALPA hmaa inbiekna puon in kawtkhâra aisâna an rochan dinga an lo sempêk tahai chu, chuongchun, ram ṭhe chu an zo tah a nih.