JOSUA 13 - Pathien Lekhabu Inthieng (BSI)

La lâk sa ding ram chu

¹ Josua chu a hung upa a, a hung tar ta hle el a; chun, LALPA chun a kuomah, “I hung upain i hung tar ta hle el a, ram hlak chu lâk ding a la tam vieu sih a.

² Hieng ramhai hi a nih lâk lo chu: Philistin mihai ram po pohai le, Gesur mihai ram po pohai,

³ (Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

⁴ simtienga Avim ram khawm; Kanaan mihai ram po po le Sidon mihai rama Meara, Amor mihai ramri Aphek khuo chenin,

⁵ chun, Gebal mihai ram le nisa suokna tienga Lebanon ram po po, Hermon tlâng hnuoi Baal-gada inthawka Hamath khuo lûtna chenin;

⁶ Lebanona inthawka Misrephoth- maim hmun chenin, tlâng rama chênghai po po, Sidon mihai po po chu. Anni chu Israel thlahai hmaa hin hnawt suok ka ta, thu ka pêk ang che khan Israelhai rochanah siempêk phawt el rawh.

⁷ Chuleiin, tuhin hi hnam kuohai le Manasse hnam zâtvehai rochanah sempêk rawh,” a tih a.

Manasse, Reuben le Gad kuoma rambung pêka um chu

⁸ Manasse hnam zâtve danghai le Reuben chihai le Gad chihai chun Jordan râla saktiengah an chanpuol ding Mosien a lo pêk ta chu an chang a, Lalpa siehlaw Mosien anni a lo pêk ta ang khan.

⁹ Arnon ruom sîra um Aroera inthawk le, ruom laitaka khawpui le, Medeba phai ram po po, Dibon chenin;

¹⁰ chun, mihai lal Sihon, Hesbona lala inṭhung khawpui po po Ammon thlahai ramri chenin;

¹¹ chun, Gilead ram le Gesur mihai le Maakat mihai ramri chin le Hermon tlâng po po le Basan ram po po, Salka chenin;

¹² Astaroth le Edrei khuoa lala inṭhung Basan lal Og ram po po leh (ama chu Rephaim hnama la um sun chu a nih); chuonghai chu Mosie khan a lo thawh a, a lo hnawt suok tah a nih.

¹³ Gesur mihai le Maakat mihai ruok chu Israel thlahai chun an hnawt suok nawh. Gesur mihai le Maakat mihai chu tu chen hin Israel mihai lai an la um ta zing lem a nih.

¹⁴ Levi hnamhai chau a nih rochan ding a pêk naw chu; an kuoma a lo hril ta ang khan, LALPA, Israelhai Pathien kuoma meia thilinhlânhai kha an rochan a ni lem sih a.

¹⁵ Reuben thlahai chu an sûngkuo izir ang peiin Mosie chun ram a lo pêk tah a.

¹⁶ An ramri chu Arnon ruom sîra um Aroer khuoa inthawka ruom laitaka khawpui le Medeba phai ram po po;

¹⁷ Hesbon le chu phai rama khawpui po po, Dibon le Bamoth-baal dâm, Beth-baal-meon dâm,

¹⁸ Jahaz dâm, Kedemoth dâm, Mephaath dâm,

¹⁹ Kiriathaim dâm, Sibma dâm, ruom tlânga Zereth-sahar dâm,

²⁰ Beth-peor dâm, Pisga ṭên pang dâm, Beth-jesimoth dâm,

²¹ Chuong chu, phai ram khawpui po po dâm, Hesbona rorêla um Amor mihai lal Sihon ram po po dâm a nih; ama chu Mosien, Midian mihai hotuhai Evi, Rekem, Zur, Hur le Reba hai le chun a lo sukbohmang tah a; anni chu Sihon mihai ram sûnga lo chêng hrim an nih.

²² Beor naupa Balaam aisânthiem khawm Israel thlahaiin mi dang an thathai laia chun kâwlhnâmin an that sa ve a.

²³ Chun, Reuben thlahai ram chin chu Jordan le a kam po po chu a nih. Hieng ram le khawpuihai le khuohai hi a nih Reuben thlahai ta dinga an sûngkuo izir peia rochana an ruot chu.

²⁴ Mosie chun Gad chi, Gad thla- hai kuoma chun an sûngkuo izir ang peiin ram a pêk a.

²⁵ An ramri chu Jazer le Gilead ram khawpui po po le Ammon thlahai ram zâtve, Rabba saka um Aroer chenin,

²⁶ Hesbona inthawka Ramath- mizpa le Betonim chenin, Maha- naima inthawka Debir ramri chen- in;

²⁷ chun, ruoma chun Beth-haram dâm, Beth-nimra dâm, Sukkoth dâm, Zaphon dâm, Hesbon lal Sihon ram dang dâm, Jordan le a panghrûl vêl le, Jordan râl saktieng panga Kin- nereth dil tâwp chenin a nih.

²⁸ Hienghai hi a nih Gad thlahai ta dinga an sûngkuo izir ang peia an rochana ruot chu, a khawpuihai le khuohai chu.

²⁹ Mosie chun Manasse hnam zâtvehai chu rochan a pêk a, Manasse chi zâtve ta dingin an sûngkuo izir ang peiin a nih a pêk chu.

³⁰ An ramri chu Mahanaima in- thawkin Basan ram po po, Basan ram lal Og ram po po le Basan rama Jair khawpui po pohai leh, chu chu khaw sâwmruk a nih;

³¹ Gilead ram zâtve le Basan ram lal Og rama Astaroth dâm, Edrei khuohai leh; chuong chu Manasse nau Makir thla, Makir thla zâtvehai ta dingin, an sûngkuo izir ang peia a ruot a nih.

³² Hieng Moab phai Jeriko zâwn, Jordan râl saktieng panghai hi a nih Mosien an rochan dinga a lo sem chu.

³³ Levi chihai ruok chu Mosie chun rochan ding a pêk ve nawh; an kuoma a lo hril ta ang khan, LALPA Israel- hai Pathien chu an rochan a ni lem.