JOB LEKHABU (THE BOOK OF JOB) 25 - Pathien Lekhabu Inthieng (BSI)

Bildadin Pathien anga mihriemin thiem a chang ding thu a pawm nawh

¹ Chun, Bildad Suhi mi chun a dawn a, a hril tah a,

² “Rorêlna le ṭitna chu ama kuoma chun a um a; A hmun insângahai chun inremna a siem a.

³ A sipaihai chu iengzât tawp am an ni leh? Anni chunga chun a var chu a suok naw am a nih?

⁴ Chuong a ni chun iengtin am mihriem chu Pathien hmaa chun mi dik ni thei a ta? Annawleh, nuhmei inei taphawt chu iengtin am inthieng ni thei a ta?

⁵ Ngai ta, thla khawm khin varna a nei nawh a, Arasihai khawm khi a mithmua chun an inthieng nawh;

⁶ Mihriem, chawkchawnâl el chu, a vân thieng naw nâwk zuol awm de! Mihriem naupa, chawkchawnâl el ni chu!” tiin.