ISAI 9 - Pathien Lekhabu Inthieng (BSI)

Inremna lal piengna le a rorêlna

¹ Nisienlakhawm, lunginzînga um- nu ta ding chun nguina hrim hrim um ta naw nih a. Tienlai chun Zebulun ram le Naphtali ram chu hmusitumin ân umtir a; nisienla- khawm, hun nuhnunga chun ro- puitakin ân umtir tah a, dîl pang- ah, Jordan râlah, hnam tin Galili chu.

² Mi inthim hnuoia fehai chun var nasatak an hmu tah a; thina hlim rama umhai chunga ngei chun var a hung var tah a.

³ Hnam chu i suktam tah a, an hlimna khawm i sukpung tah a; bu sîk laia hlim angin i hmaah an hlim tah a, miin râllâk sum an sema an hlim ang elin.

⁴ A rikphurna rîngkawl le a lieng- koa zâwnfung, a nêksâwrtu hem- bâwk chu, Midianhai hne ni ang khan i suktliekpêk ta sih a.

⁵ Sa mur mura mi râlthuoma ân thuomna po po le, silfên thisen le inchiepawl niei nuoi po po chu, rawa meia ti ding el chau a ni sih a.

⁶ Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

⁷ David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tung- ding dingin. Sipaihai LALPA ṭha- hnemngaina chun chuong chu thâwng a tih.

Israel chunga Lalpa lungsenna

⁸ Lalpa chun Jakobhai rama chun thu a thawn a, Israelhai chungah a tla tah a.

⁹ Chuongchun, mi po po, Ephraim- hai le Samaria um, chapotak le lungrila uongtaka,

¹⁰ “Ṭêkleihai chu chim sienla khawm, lungthîr sutin rem el ei tih; theichang thinghai chu sât bawngin um sienla khawm, sidar thinghaiin thleng el ei tih,” tituhai chun la hrieng an tih.

¹¹ Chuleiin, LALPA chun Rezin dotuhai chu ama do dingin chawisâng a ta, a hmêlmahai chu chawktho a tih.

¹² Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

¹³ Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

¹⁴ Chuleiin, LALPA chun Israel- haia inthawk chun a lu le a mei, intûm kau le thielkuong ni khat thilah sawk tâwl a tih.

¹⁵ Upa le mi inzaumhai chu a lu chu an na, khêl inchûktir hlak zâwl- neihai chu a mei chu an nih.

¹⁶ Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

¹⁷ Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

¹⁸ Rîtlona chu mei angin a chawk dur dur hlak sih a, buor le hlohling- neihai chu a kâng hmang hlak; anih, ramhnuoi thing bitna hmunahai chun a kâng dur dur a, a khu ân tung ngut ngut hlak.

¹⁹ Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

²⁰ Chuongchun, miin an chang- tienga mi inchûng an ta, nisienla- khawm, an phîng la ṭâm ta rawp a ta, an vawitienga mi fâng an ta, nisien- lakhawm, tlai chuong naw ni hai, mi tinin mâni bân taksa fa seng an tih.

²¹ Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si nawh a, a kut chu a lân let ta rawp a.