ISAI 4 - Pathien Lekhabu Inthieng (BSI)

¹ Chun, chu ni chun nuhmei pasa- riin pasal pakhat chel an ta, “Keini bu fâng kan ta, keini silfên inbel kan tih, i hming chau mîn puttir la; kan hming sie hi mîn khumpêk rawh,” tîng an tih.

Jerusalem la hung ropuina ding chu

² Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawi- takin um a tih.

³ Chun, Ziona la um le, Jerusalem- a la umhai chu inthieng ti ni tâng an tih, Jerusalema a la damhai laia hming ziekhai po po chu:

⁴ LALPAIN rorêlna thlarau le kângna thlaraua Zion naunuhai in- thieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

⁵ Chun, LALPAIN Zion tlânga um- na po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni sih a.

⁶ Sûna chun nisa sat hlietu ding le thlipui le ruopuia inthawka inhum- himna le inbîkhmangna ding hmun dinga bâwktê nîng a tih.