ISAI 16 - Pathien Lekhabu Inthieng (BSI)

¹ Ram rorêltu ta dingin berâm- tehai chu Sela khuo thlalêr tienga uma inthawk chun Zion naunu tlânga chun inphur ro.

² Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

³ Rem mi ruotpêk la, ro mi rêlpêk rawh; i hlim chu sûn laia zân angin siem la, hnawt suoka umhai chu inbîkhmangtir rawh; tlân hmang chu inmantir naw.

⁴ Moabhai laia hnawt suoka umhai chu i kuomah um raw hai se, an ta dingin suksetu hmêla inthawka inbîkna ni rawh; hlêprutu chu ieng- khawm ni loa siemin a um ta sih a, suksietna a bo tah a; nêksâwrtuhai chu rama inthawk hin sukbohmangin an um tah.

⁵ Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawng- in, thil fel inhmâwtaka thaw nghâlin, titakzetin ṭhung a tih.

⁶ Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

⁷ Chuleiin, Moabhai chu Moabhai chunga chun khêk rak rak an ta, mi tin chu khêk rak rak an tih: Kir-hareseth grêp inhro hlawm chu lungsetakin la ṭâng in tih.

⁸ Hesbon lohai chu a châu zo ta sih a, Sibma grêp hrui leh; hnam tin lalhai chun a kûng ṭha mihai chu an suktliek pheng phung a, Jazer khuo chen chenin ân zâm tâwl a, thlalêrah an inzâm lût a, a kauhai chu ân zâm dar sung a; tuipui chu ân zâm kai tah a.

⁹ Chuleiin, Sibma grêp hrui chu Jazer ṭain ṭâng ka tih; aw Hesbon le Eleale, ka mitthli hin buok ka ti che: i nipui rahai chunga le i bu sîk chunga chun indona ri chu a tla ta sih a.

¹⁰ Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw nih a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrim- in uoin sir pût ta naw ni hai a; grêp sîk khêk ri chu ka sukbo tah.

¹¹ Chuleiin, ka rîhai chu Moab lunginsiet leiin ṭingṭang angin ân rih a, ka phîng sûng chu Kirheres lungin- siet leiin ṭingṭang angin ân ri bawk a.

¹² Chun, Moab chu ân lang pha chun bâwlhmuna insuksâwla, ṭawngṭai dinga a hmun inthienga a hung pha chun hlawtling naw nih.

¹³ Chuong chu Moab chungchâng thu LALPAIN kha hmaa a hril kha a nih.

¹⁴ Tu ruok hin chu LALPAIN, “In- hlawfa kum tiema kum thum sûngin Moab ropuina chu, a mipui nasatak- hai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.