INṬANNA 36 - Pathien Lekhabu Inthieng (BSI)

Esau thlahai

¹ Chun, hieng hi Esau thlahai chu an nih (Esau chu Edom a nih).

² Esau chun a nuhmeihai chu Kanaan nunghâk laia mi a nih a nei chu: Hit mi Elon naunu Ada le, Hiv mi Zibeon tunu Ana naunu Oholibama le,

³ Ismael naunu, Nebaioth farnu Basemath an nih.

⁴ Ada chun Esau chu Eliphaz a neipêk a; Basemath chun Reuel a nei a,

⁵ Oholibama chun Jeus, Jalam le Kora a nei a; chuong chu Esau naupasal Kanaan rama pienghai chu an nih.

⁶ Chun, Esau chun a nuhmeihai, a naupasalhai, a naunuhmeihai le, a ina mi po po, a ranhai, a sa po po le, Kanaan rama a lam suok a thilnei po po chu a sawm a, a sang kuoma inthawk chu ram dangah a fe ta dai a.

⁷ An thil neihai chu a nasa taluoh a, an um hmunkhat thei naw a nih; an ranhai leiin an khuolchâmna ram chun a dai ta si nawh a.

⁸ Chuongchun, Esau chu Seir tlânga chun a um tah a; Esau chu Edom a nih.

⁹ Hieng hi Seir tlânga Edom mihai thlatu Esau thlahai chu an nih.

¹⁰ Hieng hi Esau naupasalhai hming chu an nih: Esau nuhmei Ada naupa Eliphaz, Esau nuhmei Basemath naupa Reuel.

¹¹ Eliphaz naupasalhai chu Teman, Omar, Zepho, Gatam le Kenaz an nih.

¹² (Timna chu Esau naupa Eliphaz thaikêm a nih, ama chun Eliphaz chu Amalek a neipêk a). Hieng hi Esau nuhmei Ada naupasalhai chu an nih.

¹³ Hieng hi Reuel naupasalhai chu an nih: Nahath, Zera, Samma le Mizza hi. Hieng hi Esau nuhmei Basemath naupasalhai chu an nih.

¹⁴ Hieng hi Zibeon tunu Ana naunu Oholibama, Esau nuhmei, naupasalhai an nih: ama chun Esau chu Jeus, Jalam le Kora a neipêk a.

¹⁵ Hieng hi Esau naupasalhai laia hotuhai chu an nih: Esau nau lutîr Eliphaz naupasalhaia hotuhai: Teman, Omar, Zepho, Kenaz,

¹⁶ Kora, Gatam le Amalek hi: hieng hi Edom rama Eliphaz-a inthawka suok hotuhai chu an nih; chuong chu Ada naupasalhai chu an nih.

¹⁷ Hieng hi Esau naupa Reuel naupasalhai chu an nih: hotu Nahath, Zera, Samma le Mizza hi: hieng hi Edom rama Reuela inthawka suok hotuhai chu an nih, hieng hi Esau nuhmei Basemath naupasalhai chu an nih.

¹⁸ Hieng hi Esau nuhmei Oholi- bama naupasalhai chu an nih: hotu Jeus, Jalam le Kora hi; hieng hi Ana naunu, Esau nuhmei Oholibama naupasalhai chu an nih.

¹⁹ Hieng hi Esau naupasalhai chu an nih; hieng hi anni laia hotuhai chu an nih: Esau chu Edom a nih.

Seir thlahai

²⁰ Hieng hi Hor mi, Seir nau- pasalhai chu rama umhai chu an nih: Lotan, Sobal, Zibeon, Ana,

²¹ Dison, Ezer le Disan hi. Hieng hi Edom rama Seir naupasalhai, Hor mihaia inthawka suok hotuhai chu an nih.

²² Lotan nauhai chu Hori le Hemam an nih, chun, Lotan farnu chu Timna a nih.

²³ Hieng hi Sobal nauhai chu an nih: Alvan, Manahath, Ebal, Sepho le Onam hi.

²⁴ Hieng hi Zibeon nauhai chu an nih: Aia le Ana hi. Hi Ana hi a nih a pa Zibeon sabengtung lien chihai an thla laia thlalêra tuilumkhurhai hmu suoktu kha.

²⁵ Hieng hi Ana nauhai chu an nih: Dison le Ana naunu Oholibama hi.

²⁶ Hieng hi Dison nauhai chu an nih: Hemdan, Esban, Ithran le Cheran hi.

²⁷ Hieng hi Ezer nauhai chu an nih: Bilhan, Zaavan le Akan hi.

²⁸ Hieng hi Disan nauhai chu an nih: Uz le Aran hi.

²⁹ Hieng hi Hor mihaia inthawka suok hotuhai chu an nih: hotu Lotan, Sobal, Zibeon, Ana,

³⁰ Dison, Ezer le Disan hi: hieng hi Seir rama an chihai ang peia Hor mihaia inthawka suok hotuhai chu an nih.

Edom lalhai

³¹ Hieng hi lal hrim hrimin Israel thlahai chunga ro an rêl hmaa Edom rama rorêltu lalhai chu an nih.

³² Beor naupa Bela chun Edomah ro a rêl a; a khawpui hming chu Dinhaba a nih.

³³ Bela chu a thih a, Bozra mi Zera naupa Jobab chun a ai awin ro a rêl a.

³⁴ Jobab chu a thih a, Teman mihai rama mi Husam chun a ai awin ro a rêl a.

³⁵ Husam chu a thih a, Bedad naupa Hadad, Moab phûla Midian mihai thattu khan a ai awin ro a rêl a, a khawpui hming chu Avith a nih.

³⁶ Hadad chu a thih a, Masreka mi Samla chun a ai awin ro a rêl a.

³⁷ Samla chu a thih a, Vadungpui kama Rehoboth mi Saula chun a ai awin ro a rêl a.

³⁸ Saula chu a thih a, Akbor naupa Baal-hanan chun a ai awin ro a rêl a.

³⁹ Akbor naupa Baal-hanan chu a thih a, Hadar chun a ai awin ro a rêl a; a khawpui hming chu Pau a nih; a nuhmei hming chu Mezahab naunu Matred naunu Mehetabel a nih.

⁴⁰ Chun, hieng hi an sûngkuo ang pei, an hmun ang pei le an hming ang peia Esau thla hotuhai hming chu a nih: Hotuhai Timna, Alva, Jetheth,

⁴¹ Oholibama, Ela, Pinon,

⁴² Kenaz, Teman, Mibzar,

⁴³ Magdiel le Iram hi: Hieng hi an ram neia an umna ang peia Edom (chu chu Edom mihai thlatu Esau) thla hotuhai chu an nih.