INPÂKNA HLABU 13 - Pathien Lekhabu Inthieng (BSI)

Sukrimsika um chânga ṭhangpuina ngênna Hla ṭhuoitu ta dingin. David Inpâkna Hla.

¹ Aw LALPA, ieng chen am i mi theinghil kumkhuo ding a na? Ieng chen am ka kuoma hin i hmai i thup ding a na?

² Sûnnithlâkin ka lungrila lungngaina neiin, Ieng chen am ka lungvarah rem ka ruot ding a na? Ieng chen am ka hmêlma chu ka chungah chawimawiin a um ding a na?

³ Aw LALPA ka Pathien, ngaituo la, mi hung dawn ta khai, Ka mit mi sukvarpêk rawh, chuong naw chun thina inin in rawi ka tih.

⁴ Ka hmêlma chun, “Ama ka ngam tah,” ti rawi a tih, Kân hnîng chun a mi dotuhai lâwm rawi an tih.

⁵ Nisienlakhawm, kei chun chu i ngilneina hi ka ring a nih, I mi sandamnaa hin ka lungril chu lâwm a tih.

⁶ Ka chunga ṭhataka a thaw ta leiin, LALPA chawimawiin hla sak ka tih.