HOSEA 3 - Pathien Lekhabu Inthieng (BSI)

Hosea le uirenu

¹ Chun, LALPA chun ka kuomah, “Fe nâwk ta la, nuhmei, mi dang- in an idit lai, uirenu chu va hmangai rawh, Israel thlahai chu pathien dang tieng nghain grêp bei thlum chu ngaina hai sien khawm LALPAIN a hmangai zing ang bawk hin,” a tih a.

² Chuongchun, tangka sâwm- panga le buṭei homer khat le a chenvein ama chu kân châwk a;

³ chun, a kuomah, “Ni tamtak sûng chu ka ta dingin i um ding a nih, nawchi i zawr ding a ni nawh a, tu nuhmei khawm i ni bawk ding a ni nawh; chuong ang bawk chun kei khawm i kuoma chun um ka tih,” ka ta.

⁴ Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

⁵ Chu hnunga chun Israel thlahai chu hnungkîr an ta, LALPA an Pathien le an laltak David chu zawng an ta; ni nuhnunghaia chun LALPA le a ṭhatna chu inthin pumin pan an tih.