HEBRAIHAI 6 - Pathien Lekhabu Inthieng (BSI)

¹ Chuongchun, Krista thu bul hril ta loin puitling tieng pan ei tiu; lungphûm chu phûm nâwk ta loin– simna dâm, Pathien tienga ringna dâm,

² baptismahai le, kut innghat le, mithi thonâwkna le, chatuona rorêl- na kawng thu inchûktirna lungphûm chu.

³ Pathienin rem a ti chun chu chu thaw ngei ei tih.

⁴ Chun, vawikhat lungril sukvara, vân thilpêk intema, Thlarau Inthieng inchangtira,

⁵ Pathien thu ṭha le hun la hung um dinga thilthawtheina intem ta zeta,

⁶ tlûksanhai kawng thu chu — chuong mihai chu an simna dingin siem thar nâwk ruol an ni nawh, Pathien Naupa chu anni ta dinga hemde nâwka sukmuolpho an ni leiin.

⁷ Hnuoi, a chunga ruotui tla rawp lo dâwn taa, thloa a umna sanhai ta dinga thlai fâk tlâk hung insuotu chun, Pathiena inthawkin malsâwm- na a hmu hlak a nih.

⁸ Amiruokchu, hlohlingnei le buor- hai ân suo chun mâkin a hung um a, ṭawngsephur hielin a um hlak a, a tâwpa chun raw a tuok hlak.

⁹ Nisienlakhawm, dittakhai, chuong ang chun hril inlang khawm, nangni chun, thil ṭha lem sandamnaa ṭhang thilhai chu in thaw kan ring tlat cheu a nih.

¹⁰ In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

¹¹ Chun, in beiseina chu a fam- kima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

¹² Chuongchun, inthlada naw ti niu a, ringna le nghâk peina leia thutiemhai ro hluotahai inchûk tuhai ni lem in tih.

Pathien thutiem ringum chu

¹³ Pathienin Abraham kuoma thu a hung tiem lai khan, ama nêka ropui lem sâlin ân khâm thei naw leiin ama le ama insâlin,

¹⁴ “Matheiloin, mal sâwm ngei ngei ka ti che a, pung khawm suk pung pêk ngei ngei ka ti che,” tiin ân khâm tah a.

¹⁵ Chuongchun, seltaka a tuor suok hnungin thiltiem chu a hmu ta ngei a.

¹⁶ Mihriem hin anni nêka ropui lem sâlin an inkhâm hlak a nih, an insêlna tinrênga khawm sukdetna dingin inkhâm hi suktâwpna a ni hlak a.

¹⁷ Chuongchun, Pathienin thu- tiem rohluo dinghai kuoma chun a rêl danglam thei nawzie, nasa nâwk zuola inentir nuomin inkhâmin a sukdet a;

¹⁸ Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai in- fuina nasatak ei nei theina dingin.

¹⁹ Chu beiseina chu hringnaa thîr- chakaiah ei nei a, ringum le dettak a nih, puonzâr sûnga mia khawm chun a lût a,

²⁰ chutaka chun Isu, Melkizedek um dân anga chatuon Thiempu Laltak lo ni tain, ei hmaṭhuoitu dingin a lût tah a.