ESTHER 2 - Pathien Lekhabu Inthieng (BSI)

Esther lalnu a hung ni thu

¹ Hieng thilhai hnunga lal Ahasuer lunginsenna chu a hung rê hnunga chun, Vasti le a thilthaw le, a chunga thupêk um chu a hriet zing a.

² Chun, lal siehlaw ama rawng- bâwltu chun thurawt a siem a, “Lal ta ding hin nunghâk tleirawl hmêl ṭhahai zawng ni raw se.

³ Susa khawpuia nuhmeihai inah hieng nunghâk tleirawl hmêl ṭhahai po po hung ṭhuoi khâwm dingin lal hin a rambung sûng po poa dingin hotuhai ruot bawk sien. Anni chu nuhmeihai kawltu, lal mitillâk Hegai enkawlna hnuoiah sie ni hai sien; chun, incheimawina hmangruohai pêk ni bawk hai sien.

⁴ Chun, nunghâk lal suklungâwitu chu Vasti aiah lalnu hung ni raw se,” tiin. Chu thil chun lal chu a suklâwm a, chuong ang tak chun a thaw tah a.

⁵ Susa khawpuia chun Juda mi, a hming Mordekai, Benjamin mi Kis naupa, Simei naupa, Jair naupa chu a um a;

⁶ ama chu Juda lal Jehoiakin ruola Babulon lal Nebukadnezzarin a ṭhuoi hmang sal intânghai ruola Jerusalema inthawka ṭhuoi hmang a ni veh a.

⁷ Ama chun a pami naunu Hadassa, chu chu Esther a nih, chu a châwmlien a, amanu chun nu ama- nih, pa amani khawm a nei si nawh a; chu nunghâk chu hmêl ṭha ditumtak a na; chuongchun, a nu le a pa an thi chun Mordekai chun ama naunu dingin a lâk a nih.

⁸ Chuongchun, lal thupêk le a thu sukthlûk chu hriet a na, nunghâk tamtakhai chu Susa khawpuia Hegai enkawlna hnuoia chun ṭhuoi khâwm an ni phing chun, nuhmei enkawltu Hegai enkawlna hnuoiah lal ina chun Esther khawm chu ṭhuoi a ni ve tah a.

⁹ Chu nunghâk chun ama chu a suklâwm a, a lungsietna chu a hlaw tah a; lal chun incheimawina hmang- ruohai le a fâk ding chanpuol chu lal ina mi nunghâk thlang suok pasari leh inhmawtakin a pêk a; nuhmeihai in hmun ṭhatna taka chun ama le a nunghâkhai chu a sie tah a.

¹⁰ Esther chun a chihai le a lai- bunghai khawm ân hriettir nawh a; Mordekai chun inhriettir lo dingin a khap sih a.

¹¹ Chun, Esther chu ieng angin am a thawh a, ieng am a chang a ti hre dingin, nuhmei in tuol puoa chun Mordekai chu ni tin hin a fe hlak a.

¹² Nunghâk chu lal Ahasuer kuom- a a lût hun a tlung hma chun nuhmei- hai ta dinga incheimawina hun ruot thla sâwmpahni a hmang zo ding a na, thla ruk sûng chu mura hriek leh, thla ruk dang chu riminhnik danghai leh.

¹³ Chun, nunghâk chu lal kuoma a lût dân ding chu hieng ang hi a nih: lal ina va fe dinga nuhmeihai ina a dit zâwng taphawt chu chawi dinga pêk a na.

¹⁴ Zântieng chun chutaka chun fêng a ta, zingkâr chun nuhmeihai in pahnina, thaikêmhai enkawltu, lal mitillâk Saasgaz enkawlna hnuoia chun hung kîr a ta. Lal chu a chungah a lâwm nawh a, a hminga a ko naw chun lal kuoma chun a kîr nâwk ta ngainaw ding a nih.

¹⁵ Chuongchun, a naunu dinga ama enkawltu Mordekai pami Abi- hail naunu Esther ta dinga lal kuoma lût hun a hung tlung chun, ieng- khawm a ngên nawh a, nuhmeihai enkawltu, lal mitillâk Hegaiin a ruotpêkhai chau naw chu.

¹⁶ Chun, a hmu taphawthai mit- hmuah Esther chun ditsakna a hlawh a. Chuongchun, a rorêl kum sarina. Tebeth thla, thla sâwmnaa chun, a lal inah, lal Ahasuer kuoma chun Esther chu ṭhuoi lût a ni tah a.

¹⁷ Chuongchun, nuhmei danghai po po nêkin lal chun Esther chu a ditzâwng a, nunghâk po pohai nêk chun a mithmua chun lunginsietna le ditsak a hlaw nasa lem a; chuong- chun, a lua chun lallukhum ân khumtir a, Vasti aia chun lalnuah a siem tah a.

¹⁸ Chun, lal chun a lalhai le a siehlawhai po po ta dingin, ruoi ropuitak, Esther ruoiṭhe, chu a siem tah a, rambunghai ta dingin châwl a siem a, lal tiktlâina ang peiin lâwm- manhai khawm a pêk bawk a.

Mordekaiin lal chunga thu phierrûk a phuong

¹⁹ Nunghâkhai an hung inkhâwm a vawihninaa chun Mordekai chu lal kul kawtkhâra chun a ṭhung a,

²⁰ Esther chun a sûnghai le a hnam khawm a la hrillang nawh a, Mordekai chun a khap leiin; ama a umpui lai ang bawk khan Esther chun Mordekai thu chu a awi sih a.

²¹ Chuong nihaia Mordekai chu lal in kawtkhâra a ṭhung lai chun, mi tillâk pahni, Bigthan le Teres, kawt- khâr vêngtuhai chu an lunginsen a, lal Ahasuer chunga kut thlâkna ding an zawng a.

²² Chu thil chu Mordekai chun a lo hriet a, ama chun lalnu Esther kuoma chun ân hriettir a; chuong- chun, Esther chun Mordekaia hming chun lal chu a hril tah a.

²³ Chuonga chu thu chu dâwp- suokna siem a hung ni chun, chuong ang ngei chu a ni ti hmusuok a ni tah a, anni chu thinga khai hlum an ni ve ve tah a; chun, lal hmaa chun lal chanchin ziekna bua chun ziek a ni nghe ngheh a.