EPHESI 3 - Pathien Lekhabu Inthieng (BSI)

Jentailhai kuoma Paula rawngbâwlna

¹ Chuleichun, kei Paula, nangni Jentailhai leia Krista Isu mi intâng hin.

² Nangni tienga Pathien lungin- sietna enkawlna sin a mi pêk kha lo hre ta ngei in ta;

³ khânga thurûk chu inhriettirnaa inhriettira ka um kha, inhmaa tawitea ka ziek ang thu kha.

⁴ Kha lei khan in tiemin, Krista thurûk ka hriet zie hi hre thei in tih.

⁵ Chu chu tulaia a tirko inthieng- hai le zâwlnei inthienghai kuoma Thlarau inhriettirin a um ta ang hin, tuta hma tieng khan mihriem nauhai kuoma inhriettirin a um ngai nawh.

⁶ Chu chu hi hi a nih: Chanchin Ṭha leiin, Krista Isua chun Jentailhai hi rohluopuihai, taksa pêngpuihai, thutiem dawngpuihai an ni hi.

⁷ A thilthawtheina thaw zie anga, a thlâwna a pêk, Pathien lungin- sietna chu a mi pêk ang peia, chu Chanchin Ṭha rawngbâwltua siem ka nih.

⁸ Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

⁹ thurûk chatuona inthawka Pathien iengkim siemtua inthupa um enkawlna chu ieng am a ni ti mi po po inhriettir dingin.

¹⁰ Chuongchun, tulaia vân hmun- haia khin inlalna le thuneinahai kuoma chun, Pathien varna tinrêng kohranhai leiin inhriettirin um thei a tih;

¹¹ ei Lalpa Isua thaw a itum, a chatuon remruot ang pei chun.

¹² Chun, Krista Isu ei ring leiin amaa vêk chun nêlna le ngamtaka lût theina ei nei.

¹³ Chuongchun, nangni leia rinum ka tuornahai lei hin beidawng lo dingin ka ngên cheu; chuonghai chu in ropuina a nih.

Krista hmangaina hrietna ding

¹⁴ Hi lei hin Pa hmaa chun ka dingṭhaṭhuon hlak:

¹⁵ (Pa hnuoi le vâna sûngkuo tinrêng hming chawina chu);

¹⁶ A ropuina hauzie ang peiin, a Thlarau zârah mihriem sûngril tienga chun thilthawtheinaa suk- hrâta ân umtir theina ding cheu le,

¹⁷ Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

¹⁸ mi inthieng po pohai le chun, a lienzie dâm, a seizie dâm, ân thûkzie dâm, ân sângzie dâm hriet chieng theina le,

¹⁹ Krista hmangaina hriet phâk lo hriet theina nei a, Pathien famkimna tinrênga suksipa in um theina dingin.

²⁰ Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

²¹ chatuonin, suon po po chenin kohrana le Krista Isua chun ropuina um raw se. Amen.