AMOS 1 - Pathien Lekhabu Inthieng (BSI)

Israel kâwl vêla hnamhai chunga rorêlnahai

¹ Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

² Chun, ama chun, “LALPA chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

³ LALPAIN hieng ang hin a tih, “Damaska khaw bawsietna pathum leiin, anih, pali leiin, a hremna sukbo naw ning: Gilead ram chu bu râwtna thîrhai chun an râwt leiin;

⁴ chuleiin, Hazael ina chun mei tir ka ta, Benhadad lal inhai chu kâng vawng a tih.

⁵ Damaska khaw kawtkhâr thîr chu suktliek ka ta, Aven ruoma in- thawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” LALPA- IN a tih.

Philistin

⁶ LALPA chun hieng ang hin a tih, “Gaza khaw bawsietna pathum leiin, anih, pali leiin, a hremna suk- bo naw ning; Edom mi kuoma pêk dingin mi po po sala an ṭhuoi leiin;

⁷ chuleiin, Gaza khaw kul chunga chun mei tir ka ta, a lal inhai chu kâng vawng a tih;

⁸ chun, Asdod khuoa inthawka hluotuhai le Askelon khuoa inthawka lal hmawl chawituhai chu sukbo- hmang ka tih; chun, Ekron khaw chungah ka kut inlet ka ta, chun, Philistin mi la umhai chu bohmang an tih,” Lalpa PATHIEN chun a tih.

Tura

⁹ LALPAIN hieng ang hin a tih. “Tura khaw bawsietna pathum leiin, anih, pali leiin, a hremna sukbo naw ning; Edom mi kuomah mi po po chu a pêk a, unau thuthlung chu an hriet zing naw leiin;

¹⁰ chuleiin, Tura khaw kul chung- ah mei tir ka ta, a lal inhai chu kâng vawng a tih,” tiin.

Edom

¹¹ LALPAIN hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu a kei- thlêr rawp hlak a, kumkhuoin a lunginsenna chu a vawng zing leiin;

¹² chuleiin, Teman hmun chunga chun mei tir ka ta, Bozra khaw lal inhai chu kâng vawng a tih,” tiin.

Ammon

¹³ LALPAIN hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

¹⁴ chuleiin, Rabba khaw kul chung- ah mei sêm chawk ka ta; chun, indo nia khêk le, thlivir nia thlipui leh, a lal inhai chu kâng vawng a ta;

¹⁵ an lal chu salah man an ta, a mi lienhai leh, a ruolin,” LALPA chun a tih.