2 SAMUEL 8 - Pathien Lekhabu Inthieng (BSI)

Davidin a lalram a zau

¹ Chun, chu hnunga chun David chun Philistin mihai chu a thawh a, a hne tah a; chuongchun, David chun Philistin mihai thuneina khaw- pui chu a lâkpêk tah a.

² Chun, Moab mihai a thaw nâwk a, a hnuoiah ân zâltir a, inkhina hruiin ân khih a; tlar hni chu suk- hlum dingin ân khih a, tlar khat chu a tluona hring dingin ân khih a. Chuongchun, Moab mihai chu David siehlawhai an hung ni tah a, thil- pêkhai dâm an hung pêk hlak a.

³ David chun Euphrates vadunga a ram la dinga a fe malamin Zoba leh Rehob naupa Hadadezer chu a thawh a.

⁴ Chuongchun, David chun a sakawr chung chuong mi sâng khat le za sari le sipai sîng hni a manpêk a; chun, David chun tawlailîr kei mi sakawrhai po po chu an thahrui a satpêk a, tawlailîr za hnûktu ding ruok chu a hlah a.

⁵ Chun, Damaskaa Suria mihai Zoba lal Hadadezer san dinga fehai chu David chun Suria mihai laia mi chu sîng hni le sâng hni a that a.

⁶ Chuongchun, David chun Suria rama Damaskaa chun sipaihai a sieh a; chuongchun, Suria mihai chu David siehlawhai an hung ni tah a, thilpêkhai an hung pêk hlak a. Chun, LALPAIN David chu a fena tieng ta- phawta chun ân hnetir pei a.

⁷ Chun, David chun Hadadezer rawihai rângkachak phawhai chu a lâkpêk a, Jerusalem tieng a phur a.

⁸ Chun, Hadadezer khuo Betaa inthawk dâm, Berothaia inthawk dâmin dâr tamtak a lâk a.

⁹ Chun, Hamath lal Toi chun Hadadezer sipaihai po po David chun a hne ti a lo hriet a.

¹⁰ Hadadezer chu a thawh a, a hne leiin chibai bûk dingin le lâwmpui dingin Toi chun a naupa Joram chu David kuomah a tir a, Hadadezer chun Toi hi a lo do hlak hrim a na. Chun, Joram chun tang- karaw bêlhai dâm, rângkachak bêlhai dâm, dâr bêlhai dâm a hung chawi a;

¹¹ chuong chu ram a hne ta po poa mi tangkaruo le rângkachak ân hlânhai le chun lal David chun LALPA ân hlân bawk a.

¹² Suria mihai ta dâm, Moab mi- hai ta dâm, Ammon thlahai ta dâm, Philistin mihai ta dâm, Amalek mihai ta dâm, Zoba lal Rehob naupa Hada- dezera inthawka a râllâkhai dâm an nih.

¹³ Chun, David chu Chi Ruoma, Suria mi sîng khat le sâng riet a thaw hung tieng chun a hming ân thang tah a.

¹⁴ Chun, Edoma chun râl vêng sipai a sieh a, Edom ram hmun tinah sipai a sie nghuon el a; chuongchun, Edom mihai po po chu David sie- hlawhai an hung ni tah a; chuong- chun, LALPAIN David chu a fena tieng taphawtah ân hnetir ta pei a.

David hnuoia hotuhai

¹⁵ Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

¹⁶ Chun, Zeruia naupa Joab chu sipai hotu tak a na; chun, Ahilud naupa Jehosaphat chu chanchin ziektu a nih;

¹⁷ chun, Ahitub naupa Zadok le Abiathar naupa Ahimelek chu thiempu an nih; chun, Seraia chu ziektu a nih;

¹⁸ chun, Jehoiada naupa Benaia chu Kereth mi le Peleth mihai hotu a nih; chun, David naupasalhai chu thiempu an nih.