2 SAMUEL 4 - Pathien Lekhabu Inthieng (BSI)

Is-boseth thata a um thu

¹ Saula naupa Is-boseth chun Hebronah Abner chu a thi ti a lo hriet chun a kuthai a hung hrât ta nawh a, chun, Israel mi po pohai chu an ṭi tah a.

² Chun, Saula naupa Is-boseth chun sipai pâwl hotu pahni a nei a; pakhat hming chu Baanah a na, a dang hming chu Rekab a nih, Benjamin thla Beeroth mi Rimmon naupasalhai an nih; (Beeroth chu Benjamin rama ngai a ni sih a;

³ Beeroth khuoa mihai chu Gittaim-ah an tlân a, tu chen hin chutaka chun an um tah a).

⁴ Saula naupa Jonathan chun naupa ke inbai a nei a, Jezreela inthawka Saula le Jonathan chan- chin an lo hriet chun kum nga mi a na; a dawntunu chun a pawm a, a tlânhmangpui tah a; chun, tlân- hmangpui dinga ân hmâwna kârah ân thlâk a, a ke a hung inbai tah a. A hming chu Mephiboseth a nih.

⁵ Chun, Beeroth mi Rimmon nau- pahai Rekab le Baana chu an feh a; Is-boseth ina chun, nisa inding lai- takin, a sûn châwl lai takin an feh a.

⁶ Bu la ni âwmtakin insûng ril tieng chun an lût a, a phîngah an va sun a; chun, Rekab le a unaupa Baana chu an tlânhmang tah a.

⁷ Chun, inah an va lût a, a zâlna pindana khuma zâl chu an sun a, an that a, a lu an tan a, a lu chu an lâk a, Araba lampui tieng fe thlengin zânkhawvârin an feh a.

⁸ Chun, Is-boseth lu chu Hebrona chun David kuomah an hung lâk a, lal kuoma chun, “Ngai ta, hi nanga that tumtu, i hmêlma Saula naupa Is-boseth lu, LALPA chun kan lalpa phuba vawisûn hin Saula le a thlaa inthawkin a lâkpêk ta a ni hi,” an ta.

⁹ Chun, David chun Beeroth mi Rimmon naupa Rekab le a unaupa chu a dawn a, an kuomah, “LALPA ka lunginzîngna po poa mi sandamtu hringna sâlin ka hril a nih;

¹⁰ chanchin ṭha hung tluna inngaiin ‘Ngai ta, Saula chu a thi tah,’ tiin mi pakhatin a mi hung hril a, ama chu ka man a, Ziklaga chun ka that a; chu chu a chanchin ṭha hung intlun mana ka lo pêk chu a nih.

¹¹ Mi fel ama insûng luma, a khumlaizâwl ngeia mi, mi suolin an that a thisen man chu nangnia in- thawk hin ka phût nâwk zuolin, hnuoia inthawk hin ka va sukbo- hmang âwm ngei cheu deh aw,” a ta.

¹² Chuongchun, David chun a tlangvâlhai chu thu a pêk a, anni chun an that a, an kut le an kehai an tanpêk a, Hebrona dîl panga chun an khai a, Is-boseth lu ruok chu an lâk a, Hebrona Abner thlâna chun an phûm tah a.