2 KORINTH 7 - Pathien Lekhabu Inthieng (BSI)

¹ Chuongchun, dittakhai, chuong thutiem chu ei nei leiin, tisa le thlarau inthiengnaw po poah insuk- fai ei tiu, Pathien ṭi puma inthieng- na sukfamkimin.

Paula lâwmna

² In lungrilah hmun mîn kien ro; tu chunga khawm kan suksuol ngai nawh a, tûkhawm kan sukkhawhlo nawh a, tûkhawm kan tlâkkhal nawh.

³ Chu chu thiemnaw inchangtir ding cheuin ka ti a ni nawh a, thi leh thi tlânga, dam leh dam tlâng dingin kan lungrila hin kan invawi cheu ti inhma el khan ka hril cheu kha.

⁴ Nangni tienga chu ka ṭawng ngamzie hi a nasa a, ka suongzie cheu hi a nasa a nih; thlamuongnain ka sip a, kan rinumna po poa chun hlimin ka sip liem a nih.

⁵ Makedonia ram kan tlung khawm khan kan tisa chun muongna hrim a nei chuong nawh a; khing tieng khing tienga sukrinumin kan um ta lem a, puotiengah insuol- nahai a um a, sûngtiengah ṭitnahai a um a.

⁶ Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong tah a;

⁷ a hungna chau chun a ni nawh a, in lunginlêngzie dâm, in ṭapzie dâm, ka chunga in ṭhahnemngaizie dâm a mi hrilin, nangnia a thlamuongna khawm chun a mi thlamuong ta a nih; chuongchun, ka lâwm nâwk zuol tah a.

⁸ Ka lekhathawn khan suklung- ngai cheu lang khawm kân sîr ta nawh a; a phut ruok khan chu kân sîr a nih, kha lekhathawn khan a suk- lungngai cheu ti ka hriet leiin; nisienlakhawm, sâwtnawtê chau a ni kha.

⁹ Tuhin chu ka lâwm a nih, suklungngaia in um lei a ni nawh a, simna dinga in lungngai leiin a ni lem a nih, keia leia iengkhawm in chân nawna dingin, Pathien dit zâwnga suklungngaiin in um sih a.

¹⁰ Pathien dit zâwng anga lung- ngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.

¹¹ Chuongchun, hi thil hi inchik ro: Pathien dit zâwnga suklung- ngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang tah a.

¹² Chuongchun, in kuomah ziek lang khawm a suol thawtu lei khan ka ziek nawh a, a suol tuortu lei khan ka ziek bawk nawh a, kan chunga in ṭhahnemngaizie Pathien mithmua in kuoma inhriettira a um theina dingin ka ziek lem a nih.

¹³ Chuleiin, thlamuongin kan um ta hrim a; keini thlamuongna chau naw khawm, Tita lâwmna leiin kan lâwm nasa nâwk zuol a; nangni po poin a lungril in sukhar pêk ta leiin.

¹⁴ A kuomah ieng kawnga khawm nangni suong lang cheu khawm, ka muolpho si nawh a; muolpho nêk hmanin iengkim in kuoma thu taktaka kan hril hlak ang kha, Tita hmaa kan suong chu thu taktak a hung ni ta ngei a.

¹⁵ Chun, in rênga thu in awizie dâm, ṭi le inthin puma ama in lo lâwmzie dâm chu hre zingin a lungril chu nangni tieng nasatakin ân lâwp nâwk zuol a nih.

¹⁶ Kawng tinrêngah in chunga ka muong leiin ka lâwm a nih.