रोमियो 5 - Halbiमाहापुरू ले मेल 1 आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ, 2 जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू। 3 मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज, 4 आउर धीरज ले खर निकरतोर, आउर खर निकरलो ने आशा पयदा होऊ आय; 5 आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से। 6 कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो। 7 कोनी धरमी जन चो काजे कोनी मरो, ऐ तो सादा आय; मान्तर होऊक सके कोनी अच्छा माने चो काजे कोनी मरतोर बले हिम्मत करोत। 8 मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो। 9 आउर जिदलदाय कि आमी अदायं हुनचो लऊ चो कारन धरमी ठेबलु, तेबे हुनचो कारन माहापुरू चो रीस ले कसन नी बचु दें? 10 कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें? 11 मात्र ऐई नाई, मान्तर आमी आपलो परबु ईशु मसीह चो कारन, जेचो कारन आमचो मेल होली से, माहापुरू ने हरिक होऊ आंव। आदम ने मरना, ईशु ने जीवना 12 ऐईकाजे जसन गोटक माने चो कारन पाप जगत ने ईली, आउर पाप चो कारन मरना ईली, आउर ऐई रीति ले मरना सपाय मानेमन ने फयलुन गेली, कसनबल्लोने सपाय पाप करला। 13 नियम चो दिआय जातो ले पाप जगत ने तो रये, मान्तर जोन थाने नियम निआय हुता पाप गेनाय नी जाये। 14 तेबले बले आदम ले धरून भाती मूसा लगले मरना हुन लोगमन उपरे बले राज करली, जोनमन हुन आदम, जोन हुन ऐतो बिता चो चिना आय, चो अपराध चो समान पाप नी करला। 15 मान्तर जसन अपराध चो हाल आय, असने ची अनुग्रह चो बर चो नाई, कसनबल्लोने जिदलदाय गोटक माने चो अपराध ले खुबे लोग मरला, तेबे माहापुरू चो अनुग्रह आउर हुनचो जोन दान गोटक माने चो, बल्लोने ईशु मसीह चो, अनुग्रह ले होली खुबे असन लोगमन उपरे जरूर ची जादा ले जादा होली। 16 जसन गोटक माने चो पाप करतोर फल होली, असने ची दान चो हाल नाई, कसनबल्लोने गोटक ची चो कारन डण्ड चो हुकुम चो फयसला होली, मान्तर खुबे अपराधमन चो लागुन असन बर पयदा होली कि लोग धरमी ठेबोत। 17 कसनबल्लोने जिदलदाय गोटक माने चो अपराध चो लागुन मरना हुन गोटक ची चो कारन राज करलो, तेबे जोन लोग अनुग्रह आउर धरमरूपी बर खुब ले खुबे पाऊ आत हुनमन गोटक माने चो, बल्लोने ईशु मसीह चो कारन जरूर ची अमर जीवना ने राज करोत। 18 ऐईकाजे जसन गोटक अपराध सपाय मानेमन चो काजे डण्ड चो हुकुम चो कारन होली, असने ची गोटक धरम चो काम बले सपाय मानेमन चो काजे जीवन चो काजे धरमी ठेबाय जातोर कारन होली। 19 कसनबल्लोने जसन गोटक माने चो हुकुम नी मानलो ने खुबे लोग पापी ठेबला, असने ची गोटक माने चो हुकुम मानलो ने खुबे लोग धरमी ठेबदे। 20 नियम मंजी ने ऐऊन गेली कि अपराध खुबे होओ, मान्तर जोन थाने पाप खुबे होली हुन थाने अनुग्रह हुनचो ले बले कितलो आगर होली, 21 कि जसन पाप ने मरना फयलाते-फयलाते राज करली, असने ची आमचो परबु ईशु मसीह चो कारन अनुग्रह बले अमर जीवन चो काजे धरमी ठेबा ते-ठेबा ते राज करो। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation