प्रकाशितवाक्य 8 - Halbiसातवां मोहर तुरीमन आउर सोना चो धुपआहार 1 जिदलदाय हुन सातवां सील खोललो, तेबे सरग ने आधा घण्टा ले चीम-चाम होऊन गेली। 2 तेबे मय हुन सातो सरग दूतमन के दकले जोन माहापुरू चो पुरे उबा रऊ आत, आउर हुनमन के सात तुरीमन दिया गेली। 3 फेर गोटक आउर सरगदूत सोना चो धूपदान धरून भाती ईलो, आउर बेदी चो लगे उबा होलो; आउर हुनके खुबे धुप दिया गेली कि सपाय पवितर लोगमन चो पारथनामन चो संगे सोना चो हुन बेदी थाने, जोन सिंघासन चो पुरे आसे चेगाओत। 4 हुन धुप चो कुमरा पवितर लोगमन चो पारथनामन संगे सरगदूत चो हाथ ले माहापुरू चो पुरे पहुँचुन गेली। 5 तेबे सरगदूत धूपदान धरून भाती हुन थाने बेदी चो आईग भरलो आउर धरतनी थाने डालुन दिलो; आउर गरजन आउर शब्द आउर बिजलीमन आउर भूकम होऊक मुरयाली। 6 तेबे हुन सातो सरगदूत जेचो लगे सात तुरीमन रये हुनमन के फुकतो काजे तिआर होला। पयला तुरी 7 पयला सरगदूत तुरी फुकलो, आउर लऊ ले मिललो बिती गोला आउर आईग उपजास होली, आउर धरतनी थाने डाला गेली; आउर धरतनी चो गोटक भाग जरून गेली, आउर रूकमन चो गोटक भाग जरून गेली, आउर सपाय काचा लाटा बले जरून गेली। दुसरा तुरी 8 दुसर सरगदूत तुरी फुकलो, तेबे माना आईग असन जरते गोटक बड़े डोंगरी समुन्द ने डाला गेली; आउर समुन्द चो गोटक भाग लऊ होऊन गेली, 9 आउर समुन्द चो गोटक भाग परानी मरून गेला, आउर गोटक भाग जाहाज नष्ट होऊन गेला। तीसरा तुरी 10 तीसर सरगदूत तुरी फुकलो, आउर गोटक बड़े तारा जोन मशाल चो असन जरते रये सरग ले टुटली, आउर लंदीमन चो गोटक भाग थाने आउर पानी चो सतानमन थाने ऐऊन पड़ली। 11 हुन तारा चो नाव नाग दवना आय; आउर गोटक तिहाई पानी नाग दवना असन पीता होऊन गेली, आउर खुबे असन माने हुन पानी चो पीता होऊन जातो के मरून गेला। चवथा तुरी 12 चवथा सरगदूत तुरी फुक लो, आउर बेर चो गोटक भाग, आउर जोन चो गोटक भाग आउर तारामन चो गोटक भाग थाने बिपत्ति ईली, ऐथाले कि हुनमन चो गोटक भाग अंग अंधार होऊन गेली आउर दिन चो गोटक भाग ने उजर नी रली, आउर असने ची राती ने बले। 13 जिदलदाय मय फेर दकले, तेबे बादरी चो मंजी ने गोटक उकाब के उड़तोर आउर जोर ले ऐ बोलतोर सुनले, “हुन तीन सरग दूतमन चो तुरी चो शब्दमन चो लागुन, जेचो फुकतोर ऐबे बाकी आसे, धरतनी चो रतो बितामन उपरे हाय, हाय, हाय!” |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation