प्रकाशितवाक्य 11 - Halbi

दुय गवा

¹ फेर मोके नापतो काजे गोटक बेत बड़गी दिया गेली, आउर कोनी बल्लो, “उठ, माहापुरू चो मंदिर आउर बेदी, आउर हुन थाने उपास करतो बितामन के नाप।”

² मान्तर मंदिर चो बाहरे चो दुआर छांडुन देस, हुनके नी नाप कसनबल्लोने हुन दुसर जातिमन के दिया गेलीसे, आउर हुनमन पवितर नंगर के बियालीस मयना ले रोमन्द दे।

³ मय आपलो दुय गोहईमन के ऐ अधिकार देयेंदे कि टाट ओड़ी होऊन एक हजार दुय सव साठ दिन ले अगम गोठ करोत।

⁴ ऐ हुनी जैतून चो दुय ठान रूक आउर दुय ठान पटेरा आत, जोन धरतनी चो परबु चो पुरे उबा रऊ आत।

⁵ अगर कोनी हुनमन के हानि पहुँचातोर चाहायसे, तो हुनमन चो मुंह ले आईग निकरून भाती हुनमन चो बयरीमन के भसम करू आय; आउर अगर कोनी हुनमन के हानि पहुँचातोर चाहदे, तेबे जरूर ऐई रीति ले मारून दिया जायदे।

⁶ हुनमन के अधिकार आसे कि बादरी के बंद करोत, कि हुनमन चो अगम गोठ चो दिनमन ने पानी नी घसरो; आउर हुनमन के सपाय पानी थाने अधिकार आसे कि हुनके लऊ बना ओत, आउर जेबे-जेबे चाहले तेबे-तेबे धरतनी थाने हर परकार चो बिपत्ति आनोत।

⁷ जिदलदाय हुनमन आपलो गोहई देउन चुकदे, तेबे हुन पशु जोन अन्दकुप खोदरा थानले निकरेदे, हुनमन ले लडुन भाती हुनमन के जीतेदे आउर हुनमन के मारून देयेदे।

⁸ हुनमन चो लाश हुन बड़े नंगर चो जोड़ान ने पडु रयदे, जोन आत्मिक रीति ले सदोम आउर मिस्र बोला जाऊ आय, जोन थाने हुनमन चो परबु बले कुरूस थाने चेगाया जाऊ रलो।

⁹ सपाय लोगमन आउर कुलमन आउर भाषामन आउर जातिमन चो लोग हुनमन चो लाशमन के साढ़े तीन दिन ले दकते रदे, आउर हुनमन चो लाशमन के कबर ने संगाक नी देदे।

¹⁰ धरतनी चो रतो बिता हुनमन चो मरलो ने हरिक आउर उदुम होदे, आउर गोटक दुसर चो लगे भेट पटादे, कसनबल्लोने ऐ दुनो अगम गिआनीमन धरतनी चो रतो बितामन के कन्दराऊ रवत।

¹¹ मान्तर साढ़े तीन दिन चो पाचे माहापुरू चो बाटले जीवना चो सांस हुनमन उपरे बसुन गेली, आउर हुनमन आपलो पाँयमन चो बल उबा होऊन गेला, आउर हुनमन के दकतो बितामन थाने बड़े भय छाऊन गेली।

¹² तेबे हुनमन के सरग ले गोटक बड़े शब्द सुना दिली, “ऐथा उपरे ईआ!” ऐ सुनुन हुनमन बादरी थाने चेगुन होऊन भाती आपलो बयरीमन चो दकते-दकते सरग थाने चेगुन गेला।

¹³ फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

¹⁴ दुसर बिपत्ति बीतुन चुकली; दका, तीसर बिपत्ति झटके ऐतो बिती आय।

सातवां तुरी

¹⁵ जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

¹⁶ तेबे चोबिसों सियान जोन माहापुरू चो पुरे आपलो-आपलो सिंघासन थाने बसुन रवत, पाटा पडुन भाती माहापुरू के पाँय पडुन

¹⁷ ऐ बोलुक मुरयाला, “हे सर्वशक्तिमान परबु माहापुरू, जोन आसे आउर जोन रये, आमी तुचो धन्यबाद करूंसे कि तुय आपलो बड़े सामरत के काम ने आनुन भाती राज करली सीस।

¹⁸ जातिमन रीस करला, मान्तर तुचो परकोप ऐऊन पड़ली, आउर हुन समया ऐऊन पहुँचली से कि मरलो बितामन चो नियाय करा जाओ, आउर तुचो दास अगम गिआनीमन आउर पवितर लोगमन के आउर हुन नानी-बड़ेमन के जोन तुचो नाव ले डरू आत पलटा दिया जाओ, आउर धरतनी चो नशातो बितामन नाश करा जाओत।”

¹⁹ तेबे माहापुरू चो जोन मंदिर सरग ने आसे हुन उगाढ़ा गेली, आउर हुनचो मंदिर ने हुनचो बायदा चो सन्दूक दका दिली; आउर बिजलीमन आउर शब्द आउर गरजन आउर भुकम होली आउर बड़े गोला पड़ली।