याकूब 2 - Halbiभेद-भाव चो बिरूद जनातोर 1 ऐ मोचो भाईमन आमचो महिमा युक्त परबु ईशु मसीह उपरे तुमचो बिश्वास भेद-भाव चो संगे नी होओ। 2 कसनबल्लोने अगर गोटक माने सोना चो मुन्दी आउर सुन्दर फटीई पिन्दुन भाती तुमचो सभा ने ऐओ, आउर गोटक कंगाल बले मईल रमन्दलो फटीई पिन्दुन भाती ऐओ 3 आउर तुमी हुन सुन्दर फटीई बितामन चो मुंह दकुन भाती बोला, “तुय हुता अच्छा जगा बस,” आउर हुन कंगाल ले बोला, “तुय ऐथा उबा रा,” नाहले “मोचो पाँयमन चो लगे बस।” 4 तेबे काय तुमनमन आपस ने भेद-भाव नी करलास आउर खराप बिचार ले नियाय करतो बिता नी होलास? 5 हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत? 6 मान्तर तुमी हुन कंगाल चो बेईजित करलास। काय सवकारी लोग तुमचो उपरे दूर बेवहार नी करोत आउर काय हुनमन ची तुमके कचरीमन ने लगडून-लगडून भाती नी नेवत? 7 काय हुनमन हुन बड़ीया नाव चो निन्दा नी करोत जेचो तुमी बलाय जाऊ आस? 8 तेबे बले अगर तुमी पवितर शास्त्र चो ऐ बचन चो अनुसार कि “तुय आपलो पड़ोसी ले आपलो समान मया संगाव,” सत-सत हुन राज नियम के पुरा करू आस, तो अच्छा ची करू आस। 9 मान्तर अगर तुमी भेद-भाव करू आस तो पाप करू आस; आउर नियम तुमके अपराधी ठेबाऊ आय। 10 कसनबल्लोने जोन कोनी पुईतराय नियम चो पालन करू आय मान्तर गोटक ची गोठ ने चुकुन जाओ तेबे हुन सपाय गोठमन ने दोषी ठेबुन चुकलोसे। 11 ऐईकाजे कि जोन ऐ बल्लो, “तुय बेबीचार नी कर” हुनी ची ऐ बले बल्लो, “तुय हत्या नी कर,” ऐईकाजे अगर तुय बेबीचार तो नी करलीस मान्तर हत्या करलीस तेबे बले तुय नियम चो उल्लंघन करू बिता ठेबलीस। 12 तुमी हुन लोगमन चो असन बचन बोला आउर काम बले करा, जेचो नियाय छुटछाड़ा चो नियम चो अनुसार होयेदे। 13 कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय। बिश्वास आउर काम 14 ऐ मोचो भाईमन, अगर कोनी बलदे कि मोके बिश्वास आसे मान्तर हुन करम नी करो, तेबे ऐचो ले काय लाब? काय असन बिश्वास केबीई हुनचो मुक्ति करूक सके? 15 अगर कोनी भाई नाहले भईन बिन फटीई उगाढ़ा होओ आउर हुनमन के हरदिना भात चो घाटा होओ, 16 आउर तुमनमन ले कोनी हुनमन के बलदे, “शान्ति ले जाहा, तुमी तपुन राहा आउर संतुष्ट राहा,” मान्तर जोन तीजमन देंह चो काजे जरूरी आय हुन हुनमन के नी दिले तो काय लाब? 17 हुसने ची बिश्वास बले, अगर करम संगे नी होओ तो आपलो आदत ने मरलो से। 18 बल्ले कोनी बोलुक सके, “तुके बिश्वास आसे आउर मय करम करेंसे।” तुय आपलो बिश्वास मोके करम बिना तो दकाव; आउर मय आपलो बिश्वास आपलो करममन चो दुवारा तुके दकायेंदें। 19 तुके बिश्वास आसे कि गोटक ची माहापुरू आय, तुय अच्छा करू आस। दुष्टआत्मा बले बिश्वास संगाऊ आत, आउर थरथरु आत। 20 मान्तर हे ठग माने, काय तुय ऐ बले नी जानीस कि करम बिना बिश्वास फकाहा आय? 21 जिदलदाय आमचो बुआ अब्राहाम आपलो बेटा इसाक के बेदी थाने चेगालो, तेबे काय हुन करममन ले धारमीक नी ठेबुन रलो? 22 आउर तुय दकलीस कि बिश्वास हुनचो काममन चो संगे मिसुन भाती असर डालली से, आउर करममन ले बिश्वास सिद्ध होली, 23 आउर पवितर शास्त्र चो ऐ बचन पुरा होली, “अब्राहाम माहापुरू चो बिश्वास करलो, आउर ऐ हुनचो काजे धारमिकता गेना गेली;” आउर हुन माहापुरू चो मीत बलाय होलो। 24 असने परकार तुमी दकलास कि माने मात्र बिश्वास ले ची नाई, मान्तर करममन ले बले धरमी ठेबु आय। 25 असने ची राहाब बेश्या बले, जिदलदाय हुन दूतमन के आपलो घर ने उतराली आउर दुसरा बाट ले बिदा करली, तेबे काय करम ले धरमी नी ठेबली? 26 आउर जसन देंह आत्मा बिना मरलीसे, असने ची बिश्वास बले करम बिना मरलीसे। |
Halbi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation